«Елімнің болашағы- салауатты отбасы»

“Отан отбасынан басталады” деп біздің дана халқымыз бекер айтпаған. Расында да, алтын ұя десе, әрбір адамзаттың ойына келетін ең бірінші сөзі, әрине, отбасы. Жан жылуы, жайлылық пен тыныштық, үйдің хош иісі және жүрекке мәңгі сіңетін, бойды сергітетін сөздер - бұл жанұяның нағыз көркемділігі, сұлулығы, бұл- маңызды әрі одан да үлкен бастау. Дәлірек айтқанда, Отанның басталуы - барлық халық үшін үлкен және ортақ үйдің, әркім өзін табатын орынның басталуы.

Отбасы Отанның әрбір мүшесін дүниеге әкеліп, қанатын қатайтып, ортаға қосады. Дананың да, ғалымның да ең алғаш тәлім-тәрбие алып, өмірге көзқарасы қалыптасатын орын, ол отбасы. «Ұяда не көрсең, ұшқанда соны ілерсің» демекші, ата-ана өз баласына жарқын болашаққа жолды көрсетіп, өмірдің ащысын мен тәттісін танытып, ақ пен қараны ажыратқызып, адамды адам етеді. Сондықтан, отбасы таптырмас, басқадай ешнәрсемен өзгертуге келмейтін ғұмыр баспалдағы. Отбасы – адам өмірінің тірегі ғана емес,  қоғамның да басты негізі. Отбасының адамзат ұрпағына деген ықпалы мен әсер күшін өмірдегі басқа еш нәрсенің күшімен салыстыруға болмайды. Отанымыз алдындағы азаматтық борышымызды орындау мақсатында бар күш-жігерімізді салып аянбай еңбек етсек, бір-бірімізбен жақын болсақ, “біріміз бәріміз үшін, бәріміз біріміз үшін” дейтін тамаша бірлікті сақтай алсақ, онда біз бағындырмайтын биік жоқ. 

Қорытындылай келсек, әрбір отбасы - шағын мемлекет. Жанұяда ертеңгі елдің мәртебесін ұстайтын азамат тәрбиеленеді. Соны мәңгі есте сақтап, ұмытпағанымыз жөн!

 

102 мектеп-гимназия

11 «А» сынып оқушысы

Солтанова Салима