1986 жылы Чернобыль атом электр стансасында апатты жарылыс болып, мұқым адамзатқа қауіп төндіретін экологиялық қатер орын алған еді. Бұрынғы Кеңес Одағы тарихында қаралы күн болып қалған осы оқиғаның салдары көптеген адамның тағдырына тегеурінді із тастап кетті. Сол тұста атом электр стансасындағы апатты жоюға алып державаның түкпір-түкпірінен еріктілер мен жұмысшы жасақтар легі ағылып келіп жатты. Ал қуатты изотоптардан бөлінген қатерлі сәуле ауаға жылдам тарап, қоршаған ортаны улап, тұрғындар мен құтқарушылардың денсаулығына орасан зиян тигізді. Содан бері 34 жылдан астам уақыт өтсе де, Чернобыль апатының жүректерге салған жарасы жазылған жоқ. Әсіресе, апатты аймақта болған адамдардың саны жыл сайын азайып бар жатқаны қасіретті шындық...