6 сәуірден бастап «Balapan» телеарнасында мектеп оқушыларына арналған бейнесабақтар көрсетіледі ⠀ Дүйсенбі-жұма күндері таңғы сағат 09:00-ден бастап 15:00 аралығында 1-11 сыныптың оқу пәндері бойынша барлығы 2042 бейнесабақ өткізу жоспарланған. ⠀ «Қазақстан» республикалық телерадиокорпорациясының құрамындағы «Balapan» телеарнасы «Оtau TV» спутниктік операторы, «Аlma TV» кабельдік операторы, ID TV цифрлық теледидар қызметі арқылы қолжетімді. Сонымен қатар арнаны www.balapan.tv ресми сайты мен «Qazaqstan.tv» мобильді қосымшасынан онлайн көруге болады. ⠀ Бейнесабақтарды көпшілікке оңай қолжетімді ету мақсатында «Balapan» телеарнасының You Tube желісіндегі ресми арнасынан да тікелей көрсету жоспарланып отыр.