15.02.2020ж. мектебімізде әлемнің екінші ұстазы, ұлы ойшыл Әбунасыр Әл-Фарабиге арналған 10-сыныптар арасында квест ойыны өтті.
Аталмыш іс-шараға Қарағанды қаласының құрметті адамдары шақырылды, атап өтсек, т.ғ.к., Қарағанды облысының оқу- әдістемелік орталығының РО және ШЖМ ғылыми жетекшісі Қонтаев Сабит Сеитович және доцент, Е.А.Бөкетов атындағы ҚарМУ шетел тілдер факультетінің аға оқытушысы Қағазбай Жанбырбай Ахметұлы.
Оқушылар ойын барысында негізгі пәндер бойынша тапсырмаларды қазақ, орыс және ағылшын тілдерінде орындады. Нәтижесінде, 10А сыныбы I орынды, 10Ә сыныбы II орынды, 10 В сыныбы III орынды иеленді.
Мектеп- гимназияның мұғалімдері С.С.Қонтаев және Ж.А. Қағазбай өткізген шеберлік сыныптан жақсы әсерде қалды. Осындай ұлтжанды, білімді де, құрметті ағаларымызға іс-шарамызға қатысып, өз тәжірибелерімен бөліскендері үшін алғысымыз шексіз!