Мектебімізде 20 желтоқсанда гуманитарлық пәндер айлығы аясында қазақ тілі мен қазақ әдебиеті пәндерінің мұғалімдері Нұргүл Арғынбекқызы мен Толқын Амангелдіқызының ұйымдастыруымен "Ақын-елдің ардағы" атты кездесу кеші өтті. Кездесудің мақсаты: " "Болашаққа бағдар: рухани жаңғыру" бағдарламасын жүзеге асыруда жас ұрпаққа жергілікті ақындар шығармашылығын насихаттау, өлеңдері арқылы рухани сусындата отырып, сөз құдіретін түсінетін  ұрпақ тәрбиелеу. Кездесуге  ақын, "Арқа ақшамы" газетінің бас редакторы Жанат Жаңқашұлы мен ақын, "Орталық Қазақстан" газетінің тілшісі Жәнібек Әлиман қатысты.  Оқушылар ақын өлеңдерін оқып, әдемі әннен шашу шашты. Кездесудің екінші бөлімінде ақындарымыз оқушыларымыздың сұрақтарына жауап беріп, сырлы сұхбатқа ауысты. Ақын ағаларының мағыналы әңгімелері, ақыл-кеңестері оқушыларды керемет әсерге бөледі. "Ақынын ардақтаған ел озады" демекші, қара өлеңнің қадірін білген халықтың ұрпағы ретінде ақындарымызға барынша құрмет көрсете жүрейік!