2019 жылдың  қараша айының  бірінші күнінде   Қалалық Білім бөлімінің  әдістемелік  кабинетінің  жылдық жоспарына  сәйкес  №102 мектеп-гимназияда   Жас мамандарға арналған қалалық   семинар өтті.Семинардың тақырыбы - «Функционалды сауаттылық индикаторлары». Семинардың мақсаты: қазақ тілі мен әдебиеті  сабақтарында функционалды сауаттылықтың индикаторларын белсенді әдіс-тәсілдер арқылы жүзеге  асыру. Семинарға  қала мектептерінің   жас  мұғалімдері  қатысты.Семинар барысында  №102 мектеп-гимназияның қазақ тілі мен әдебиеті пәнінің мұғалімдері  Акмамбетова Н.А., Аскарбаева Т.А., Оразгалиева Б.З., Жунусова Ж.Т. ықшам сабақтар,  Муканова Ж.А.  және Амантаева Д.О. коучинг өткізді. Пән мұғалімдері жаңа білім беру мазмұны бойынша көрсетілген сабақтарында  оқу сауаттылығын дамытудың  жолдарын  белсенді әдіс-тәсілдер арқылы  жүзеге асырды. Мектеп психологы Кадырова Ш.Ж.  жас мамандармен   «Жарқын болашақ иесі-бүгінгі жас маман»  атты психологиялық тренинг жүргізді. Семинардың қонақтары  қаламыздың озық тәжірибелі ұстаздары  болды. Семинардың жұмысын  ҚББ әдіскері Жаркеева Г.Б.  қорытындылады.