Ата-бабамыз ежелден үлкенді сыйлаған, оларға ерекше құрмет көрсеткен. Татулық пен берекенің белгісі, ақыл мен парасаттылықтың тұтқасы болып жүрген қарттарымызды құттықтап, мерекелік көңіл-күй сыйлау-гимназиямыздың жақсы дәстүріне айналған.  Осыған орай «Көп жасаған қария – ақылы теңіз дәрия!» атты мерекелік іс-шара ұйымдастырылып,   әннен де, биден де шашу шашылып, ежелден ұмыт болған салт-дәстүріміз де мерекелік  іс-шарамызда жаңғыра түсті.

Ауызы дуалы, сөзі берекелі, ақыл-ойы телегей теңіз қарияларымызды бүгінгі мерекелерімен гимназия ұжымы атынан шын жүректен құттықтаймыз. Дендеріңізге саулық, бойларыңызға күш-қайрат тілейміз