Өскелең ұрпақты тарихқа тарту, яғни туған өлкесінің тарихын зерттеуге жоғары қызығушылық танытып жүрген оқушыларды анықтау, олардың шығармашылық қабілетін және қоғамдық белсенділігін дамыту мақсатында Қарағанды қаласының білім бөлімінің ұйымдастыруымен  2019 жыл 24 сәуір күні «Тарихи – географиялық қайта жаңғырту» байқауының екінші кезеңі өткізілді.

Мектебімізден қатысқан, 6 «Ә» сынып оқушылары Сариева Алина, Бақыт Таир, Болат Дамир, Әбдіқадыр Гүлім, Байыс Алдияр және 6 «Б» сынып оқушысы Омаров Алдияр  Қазақстан аумағындағы көлік жүйесінің қалыптасуы, яғни «Турксиб» темір жолының  1927-1930 жылдар аралығындағы жұмысшыларының  ауыр еңбектерін, тарихи – географиялық оқиғалардың түпнұсқасын театрлық қойылым ретінде көпшілік назарына жоғары деңгейде жеткізе отырып, қазылар алқасының шешімімен бас жүлдені иеленді.

Жоғарыда аталған жеңімпаз оқушыларымызды және жетекшісі, география пәнінің мұғалімі Лаззат Марибаевна Искакованы мектеп-гимназия ұжымы атынан құттықтаймыз!