№ 102 мектеп-гимназиясының түлектеріне арналған дөңгелек үстел
   Мектеп оқушыларына және түлектерге кәсіби бағдар беру және болашақ мамандықты таңдауға көмек көрсету мақсатында 2019 жылдың қаңтар айында №102 мектеп-гимназиясында «Мен таңдаған мамандық» атты дөңгелек үстел ұйымдастырылды. 11- сынып оқушыларына жоғары оқу орны мекемелері туралы көбірек мағлұмат бере отырып, мамандықтардың қыр-сырын білуге, болашақта саналы таңдау жасау үшін өте қажет екендігі сөзсіз.
   Осындай іс-шаралар болашақ талапкерлерді университеттердің тыныс-тіршілігімен, білімнің қыр-сырын білуге, өздеріне керек факультеттері туралы мәлімет алуға мүмкіншілік жасалды. Сондай-ақ оқушыларға білім беру мекемелері туралы толық ақпарат берілді. Мектеп түлектеріне жыл бойы сынып жетекшілер мен пән мұғалімдері мамандық таңдауға, ол мамандықтың қыр-сырын жетік білуге, дұрыс таңдауға көмек жасайды, яғни, болашақта әлеуметтік ортаға бейімделуі үшін одан әрі өзін-өзі анықтауға дайындайды.
  ҚарМУ оқытушылары филология, химия және биология-география факультеттеріндегі қабылдау ережелері, түсу емтихандарына дайындалу, оқу шарттары туралы айтып берді. Барлық қатысушыларға жоғары оқу орнының өкілдері үшін қызықтырған сұрақтар қоюға, сондай-ақ қазіргі жағдайда кәсіптік білім беру мүмкіндіктері туралы ақпарат алуға, өңір және жалпы ел экономикасының қазіргі даму кезеңінде қандай мамандықтар сұранысқа ие екенін білуге мүмкіндік берілді. Түлектер өздерінің көкейлерінде жүрген сұрақтарға жауап алды.
    Дөңгелек үстел барысында болашақта тез бейімделетін, бүгінгі таңдағы қажет ететін мамандықтар туралы мәліметтер берілді.