Қазақстан Республикасының Тәуелсіздігі күні аясында бүгін, яғни 13 желтоқсанда  Қарағанды қаласы «Жас Ұлан» ұйымының форумы өтті. Форум Қарағанды қаласы әкімдігі мен «Жас Ұлан» ұйымының облыстық  кеңесінің ұйымдастыруымен өткізілді. 
    Форум барысында Қазақстан Республикасының Бірыңғай балалар мен жасөспірімдер ұйымының қатарына мектеп белсенді, үздік оқушылары ант қабылдап, ұйымға мүше атанды.  Сонымен бірге өздерін сан түрлі қырдан көрсетіп жүрген,  қаламыздың белсенді Жасұландарын тәрбиелеп отырған мектептер Қала әкімінің алғыс хатын иеленсе,  Форум барысында 7 оқушы  «Жас Ұлан» ұйымының 7 бағыты бойынша қала әкімінің құрмет грамотасымен  және кубоктармен марапатталды.
     Аталаған шараның негізгі мақсаты өскелең ұрпақтың Қазақстан халқына, мәдениетіне деген сүйіспеншілігі мен адалдығы, толеранттылық дәстүрлері мен бітімгершілік, ұлттық құндылықтар, білімге, өзін-өзі жетілдіруге ұмтылыс негізінде өз Отанының патриоттары етіп тәрбиелеу.