17-24 қараша аралығында «Жаңа Майқұдық» мәдениет үйінің басшылығымен «Тәй-тәй басқан балапан» Республикалық фестиваль-конкурсы ұйымдастырылды. Фестиваль-конкурста өнерлі балапандар әр түрлі номинациялар бойынша бақ сынады. 102 мектеп-гимназияның  1 «Г» сынып оқушысы Амантай Өркен «Көркем сөз» номинациясы бойынша Мұқағали Мақатаевтың «Қара өлең» атты өлеңін мәнерлеп оқып, жүлделі І орынды қанжығасына байлады. Амантай Өркен арнайы дипломмен және атаулы кубокпен марапатталды. Өнерлі бүлдіршін Өркенді жүлделі жеңісімен құттықтаймыз, алар асуларың биік, бағындырар белестерің таусылмасын деген тілек білдіреміз.