Елбасының 05.10.2018 күні жарық көрген Қазақстан халқына жолдауы аясында №102 мектеп-гимназиясында «Қазақстан дамуының жаңа моделі» тақырыбында  дөңгелек үстел өтті. Аталған іс-шараға гимназиямыздың тарих пәні мұғалімдері Омарбеков М.Б. мен Куштанова Г.Х. жауапты болды. Дөңгелек үстелге арнайы келген қонақтар: Е.А. Бөкетов атындағы ҚарМУ әлеуметтану және саясаттану кафедрасының ұстаздары және ата-аналар комитетінің атынан жеке кәсіпкер «Байскак» ЖШС орынбасары қатысты.  Тарих ғылымдарының кандидаты, әлеуметтану және саясаттану кафедрасының доценті Жумасултанова Г.А.  өзінің сөзінде Елбасының жолдауының басты мәселелері турады айтты. Келесі сөз кезегін алған әлеуметтік ғылымдар магистрі Муслимова К.С. «Әрбір қазақстандық жүргізіп жатқан реформалардың мәнін және олардың Отанымызды өркендету жолындағы маңызын жете түсінуге тиіс» деп қортындылады. Жеке кәсіпкер Серік С.Қ. оқушылар сұрақтарына жауап берді. Дөңгелек үстелдің қорытынды сөзін мектеп-гимназиямыздың басшысы Мусина Айман Оразовна алды.  Елбасы жолдауын жүзеге асыру әрбір қазақстандықтың қолында және «Ынтымақты елдің ырысы мол» деп халық даналығымен сөзін аяқтады.