№102 мектеп-гимназияда 17 қазан күні гуманитарлық пәндер кафедрасының айлық жоспары аясында оқушыларымызды жергілікті ақындардың шығармаларымен таныстыру, ақындық өнерді насихаттау, сонымен қатар ұлтымыздың алтын қорына енетін тұлғаларды таныту мақсатында «Қайдасың, қасиетті қара өлеңім...» атты әдеби кеш ұйымдастырылды. Әдеби кешке Қазақстан Жазушылар одағының мүшесі, облыстық, республикалық жыр мүшәйраларының лауреаты, «Құсни хат», «Алтынкүрек»  жыр жинақтарының авторы, еліміздің абыройлы азаматы, ақын Бағдат Мүбәрак, халықаралық «Шабыт» фестивалінің лауреаты, республикалық жыр мүшайраларының бірнеше дүркін жүлдегері, «Дауыс» атты жыр жинағының авторы Қайрат Белгібайұлы АСҚАРОВ, республикалық жыр додаларының жүлдегері, «Жыр-Жауһар» поэзия клубының төрағасы, Жұмабек Тәшеновтің 100 жылдығына орай өткізілген «Ұлтына қорған болған ұлы тұлға» жыр бәйгесінде «Жылдың үздік ақыны» аталғанЖәлел Қуандықұлы Шалқар қатысты. Кеш барысында мектеп-гимназиямыздың оқушылары ақындардың өлеңдерін оқып, әннен шашу шашып, күй төгілтті. Кеш қонақтары өңірлік ақындармен сұхбаттасып қана қоймай, олардың жауһар жырларымен сусындап, рухани байып қайтты.