ҚР Премьер-Министрі Бақытжан Сағынтаев ағымдағы жылдың 31 қазаны күні «Қазақстан Республикасында мереке күндер тізбесін бекіту туралы» № 689 ҚР Үкіметінің қаулысына қол қойды. Бір қуантарлығы, айтулы мерекелердің арасында Қазақстан Халқы тілдері күні 5 қыркүйекте тойланатын болды.

Тіл мерекесінің 5 қыркүйек болып белгіленуінің де өзіндік себебі бар. Бұл күн - "Ұлттың сақталуына да, жоғалуына да себеп болатын нәрсенің қуаттысы - тіл" деп ұлағатты сөз қалдырған, қазақ халқының тағдыры, тілі үшін күрескен Алаш арысы, Ұлт ұстазы Ахмет Байтұрсынұлының туған күні. Осы айтулы мерекеге орай мектебімізде «Тіл – татулық тірегі» атты  мерекелік саптық жиын өтті. Мерекелік іс-шараны қазақ тілі мен әдебиет пәні мұғалімдері Т.А.Аскарбаева  мен Ж.А.Муканова ұйымдастырды. Саптық жиын еліміздің Әнұранымен ашылды. Мектеп директоры А.О.Мусина жиынға қатысушыларды Тіл мерекесімен құттықтады.  Саптық жиында 11 «Ә» сынып оқушылары үш тілде Тіл туралы өлеңдерді мәнерлеп оқып, жырдан шашу шашты.