5 қыркүйек – Қазақстан Республикасы Тілдер күнін атап өтуге арналған ісшаралар жоспарына сәйкес07 қыркүйек күні №102 мектеп-гимназиясында 8 «В», «Г» орыс сыныптары арасында қазақ тілі мен әдебиеті пәнінің мұғалімдері Ж.М.Мурат пен З.Л.Нурлыбаеваның жетекшілігімен «Мемлекеттік тіл – менің тілім» атты интеллектуалдық сайыс ұйымдастырылды. Сайыста «Қазақстан», «Латын әліпбиі», «Қазақ тілі» топтары өз бақтарын сынады. Сайыс ІІ кезеңнен тұрды. І кезеңде сайыскерлер латын тілінде жазылған мәтінмен жұмыс жасау арқылы сайысса, ІІ кезеңде «Мемлекеттік тіл», «Әдеби мұра», «Тәуелсіздік жетістіктері», «Олимпиада жеңімпаздары», «Салт-дәстүрлер» бөлімдері бойынша берілген сұрақтарға жауап беру арқылы бақтарын сынады. Сайыс нәтижесі бойынша «Қазақстан» тобы І орын иеленсе, «Латын әліпбиі» тобы ІІ орынға жайғасты. ІІІ орынды «Қазақ тілі» тобы місе тұтты. Сайыс қызықты да тартысты өтті.