2018 жылы 15 мамырында 18.30  «Рухани жаңғыру» қоғамдық сананы жаңғырту бағдарламасын іске асыру шеңберінде және Халықаралық отбасы күніне арналған  «Білімді ұлт – сапалы оқыту мен отбасы құндылығы» тақырыбында жалпыұлттық ата-аналар жиналысы  өтті. Күн тәртібіне сәйкес сөз алған оқу-тәрбие орынбасарлары  мектеп-гимназияның  2017-2018 оқу жылындағы білім сапасының алдағы тоқсанымен салыстырмалы түрінде өзгерісіне, тәрбие бағыттарының орындалысына , оқушылардың жеткен жетістіктеріне нақты тоқталып, слайд түрінде ақпарат беріп өтті.

Отбасы құндылықтарын насихаттау және отбасы мен мектептің өзара байланысын нығайту мақсатында мектеп психологі  отбасы құндылықтарына тоқталып, « Мен және менің балам» сергіту сәтімен бастап, оқушылардың түсірген «Ана, мен сені жақсы көремін!» бейнеролигімен қорытындылады.

Жиналысқа 76 ата-ана қатысып,  жаңартылған білім беру мазмұнын енгізу жөніндегі мемлекеттік білім саясатын  талқылауға тартылды