Оқу үлгерімінің төмендеуінен сақтандырудың бір-қатар құралдары бар:
Педагогикалық алдын-алу– тиімді педагогикалық жүйелерді анықтау, оның ішінде, белсенді әдіс-тәсілдерді, жаңа педагогикалық технологияларды, мәселелік және бағдарлы оқытуды, компьютерлендіруді қолдану.
Ол үшін, Ю.К.Бабанский оқыту-тәрбиелеу үрдісін оптималдау концепциясы ұсынған. АҚШта білім беру автоматтандыру, дара тұлғаландыру, психологизациялау жолымен жүргізіледі.
Педагогикалық диагностика– оқыту нәтижесін жүйелі түрде қадағалау және бағалау, ақауларды уақытында анықтау. Ол үшін, мұғалімнің оқушымен, оның ата-анасымен сұхбаттасуы, тәртібі қиын оқушы туралы деректерді күнделікке тіркеп отыру, тесттер жүргізу, қорытындыларын сараптау, жасалған қателерді түрлеріне қарай кестеге біріктіру сияқты тәсілдер бар. Ю.К.Бабанский педагогикалық консилиум өткізуді ұсынады –үлгерімі төмен оқушылардың дидактикалық мәселелерін сараптау және жою бойынша мұғалімдер кеңесі.
Педагогикалық терапия– оқу үлгермеушілігін жоюдың іс-шаралары. Отандық мектептерде бұл қосымша сабақтар. Батыс елдерінде теңестіру топтары. Соңғылардың басымдылығы, ондай сабақтар күрделі тексерістер негізінде, топтаса және жеке оқыту құралдарын қолдану арқылы өткізілетіндігінде. Ол сабактарды арнайы дайындығы бар мұғалімдер өткізеді, ал сабақтарға қатысу міндетті.
Тәрбиелік әсер ету. Оқу үлгерімінің төмендігіне көбінесе нашар тәлім-тәрбие себеп болады. Сондықтан, үлгерімі төмен оқушылармен, сонымен бірге оның отбасымен арнайы жоспарланған жеке тәрбие жұмысы өткізілуі тиіс.
Әрине, үлгермеушілік –өз қатарында дидактикалық, әдістемелік, психологиялық, медициналық және әлеуметтік-педагогикалық қырлары бар кешенді мәселе. Осндықтан бұл мәселені шешу жолдарыда кешенді болуы тиіс.
Байланыс телефондары
