"№21 НОМ" КММ ұжымы Қазақстан Журналистер одағының, Қазақстан Жазушылар одағының мүшесі.Қазақстанның мәдениет қайраткері (2004), Қазақстанның құрметті журналисі, облыс әкімінің «Алтын сұңқар» сыйлығының иегері Сүйіндік Жұмабайұлы Жанысбайдың шығармашылығына орай «ТАҒДЫРДАН ТУҒАН ТАЛАНТ» атты портрет кешін өткізді. Портрет кеш қонағы 90 жылдық тарихы бар Орталық Қазақстан газетінің бас редакторы Ерсін Кәрібайұлы Мұсабек. Кеш қонағы Ерсін Мұсабек Сүйіндік ағасының жинақылығын, тындырымдылығын, байсалдылығын, өзіне деген ағалық қамқорлығын айта келе ағасының , ақыл-кеңесін аямайтынын, қысқасы, мені туған ұлындай аялайтынын айта келе жас ұрпаққа рухани қазына кітап оқуды насихаттады. Портрет кештің үйымдастырушысы кітапхана меңгерушісі Искакова А.Ж. «Қарымды қаламгердің жазған дүниелері тасқа басылып, аймақ жұртшылығының рухани азығына айналғалы қашан» - дей келе елі таныған Сүйіндік ағамызға сөз кезегін берді. Ағамыз кездесудегі жиі кездесетін сұрақтарға жауап беріп , балаларға кітап оқуды баса айтып, мектеп ұжымына кітаптарын сыйлады. «Оқуға құштар мектеп» республикалық жобасын жүзеге асыру және 2020 -2025 жылдарға арналған білім беру ұйымдарының кітапханаларын перспективалық дамыту Жол картасы аясында мектебімізде «ОТБАСЫ.ОҚЫРМАН.ТЕАТР» атты көркөмөнерпаздар үйірмесінің кезекті сахналық қойылымы Сүйіндік ағамыздың « Ескерткіш» әңгімесінен спектакаль қойды. Спектакльдің басты кейіпкері Ескерткіш бала рөлін 4 «А» сынып оқушысы Қабдыраш Айсұлтан, ауылдас достары рөлін 3 "А", 4 «А» ,5 «А» сынып оқушылары ойнады. Спектакаль өмір айғағынан алынған жас иіс нәрестеге зарболған отбасы өмірі, досым деп жүрген Райхан мен Темірбектің тағдыры. Соңы Темірбектің кіндігінен жаралған жас нәрестені Қалимаштың бауырына басып алладан сұрағаны алдынан шығып , алданыш болар Ескерткішінің өмірі суреттеледі. Ескерткіш анасының рөлін сомдаған кітапхана меңгерушісі Искакова А.Ж. Өмірдің белестерін баласы Ескерткішпен өткізген жан ана айқайы, тумасада туғандай болған баласына адал ана образы. Залдағы мүлгіген тыныштықты көздерінен сырғап түскен жастар ғана бөлген сахналық қойылым өз дәрежесінде оқырман құлағына жетті. Барлық спектакальдің кейіпкерлеріне, қонақтарына рахметін айтқан мектеп басшысы Нұрбол Дәріғұлұлы портреттік кешті аяқтады.
