15 наурыз күні 4 "А" сынып арасында "Әз, Наурыз құтты болсын!" атты іс-шара өтті. Наурыз мерекесі — әлемнің ең көне мерекелерінің бірі, Орта Азия халықтарында бес мың жыл бойы тойланып келеді. «Наурыз» сөзі парсы тілінен аударғанда «Жаңа күн» деген мағынаны береді. Күн мен түннің теңеліп, жан-дүниені тірілткен, шаруаның бір малы екеу болып, арқа-басы кеңіп, аққа аузы тиген, қытымыр қыстың ызғарынан құтылып, алдағы шуақты күндерден үміттендірген Наурыз мерекесі Тәуелсіз еліміздің зор ықыласпен тойланатын нағыз халықтық сипаттағы салтанатына айналды. Бұл мереке халқымыздың, тәуелсіздігіміздің ең негізгі тамырының бірі саналады. Ұлы мереке - Наурыз мерекесіне арналған бұл іс-шараға ата-аналар да атсалысып, балалармен бірге мерекені бірге тойлады. Наурыз мерекесіне орай, ұлттық салт-дәстүрлерді насихаттай отырып, оқушыларды ұлттық тәрбиеге баулу мақсаты көзделді.
