Мектеп кітапханасы жылдар ағымымен тығыз байланыста жұмыс жасайтын М.О.Әуезов атындағы ОҚҚ жүйесі №27 кітапхана филиалында Қасым Қайсеновтың 105 жылдығына арналған «Жау тылындағы бала» кітабына талқылау сағаты өтті. Пікірталасқа біздің мектептің жоғары сынып оқушыларымен кітапхана меңгерушісі Искакова А.Ж. қатысты. Аталған кітапхана филиалының өлкетану бөлімінің кітапханашысы Смағұлова Г.Г.қатысты. Иә, Екінші дүниежүзілік соғыстың даңқты жауынгері, атақты партизан, жазушы, Халық Қаһарманы Қасым Қайсеновтің тағдыры өзі жазып кеткендей тікелей совет-герман соғысымен тікелей байланысты. Шара барысында жүргізуші Ұлы Отан соғысының ардагері, жазушы, халық қаһарманы Қ.Қайсеновтің өмірі мен шығармашылығына тоқталды. Әрі қарай: Әңгімедегі оқиғалар қай жерде орын алады?, Баланың басына түскен қиыншылықтар мен бақытсыздықтарды жеңуге кім көмектесті?, Жау басып алған аумақтағы партизандық күрес туралы не айта аласыз? Сізге оқыған кітап қандай әсер қалдырды? деген сұрақтарға жауап айтылды. Балалар оқыған кітап туралы, әңгімедегі жағымды және жағымсыз кейіпкерлер туралы алған әсерлерімен бөлісті. Іс-шараның мақсаты: Қ.Қайсенов әңгімесінің кейіпкерлері мысалында өскелең ұрпақтың бойында отансүйгіштікті тәрбиелеу.
