2023 жылғы 15 ақпанда "№21 НОМ" КММ-де «Білікті бірді, білімді мыңды жығады»атты жаратылыстану-математика бірлестігі аясында математика пәнінің мұғалімі Темиреева К.Ш. 5а-6а сынып оқушылары арасында «Жүзден жүйрік, мыңнан тұлпар» тақырыбында сыныптан тыс сабақ өткізді. Сабақтың мақсаты: Бұл сабақтың басты мақсаты оқушылардың логикалық ойлау қабілетін жетілдіру, теориялық білімдерін практикада қолдана білу белсенділіктерін арттыру, тапқырлыққа баулу, пәнге қызығушылығын арттыру. Бұл сабақта оқушылар бірнеше бөлімнен тұратын сайыстарға қатысты. «Біліктілік», «Тапқырлық», «Адасқан әріптер», «Қас қағым сәт», « Сандар сөйлейді», «Ребустар» сайыстарының барлығында тек логикалық есептер ғана берілді. Оқушылар тапсырмаларды топпен, жұппен және жеке орындады. Оқушылар белсенді әрі қызыға орындады. Бұл сайыста қазылар алқасы болған 9 а сынып оқушылары Рахметолла Ә, Берекеев А, Қосман Н, Бақытов Ж оқушыларға сәттілік тіледі. Ал Қосымова А, Тлеубекова Ж топ мүшелеріне басшылық жасап, түсініксіз сұрақтарына көмектесіп тұрды. Сабақ соңында әділ қазылар топтың әрі жеке оқушының жеңімпаздарын анықтап марапаттады.
