«Оқуға құштар мектеп» республикалық жобасын жүзеге асыру және 2020 -2025 жылдарға арналған білім беру ұйымдарының кітапханаларын перспективалық дамыту Жол қартасы аясында 2023 жылдың атаулы күндері мен оқиғаларының күнтізбесі жасалды. Мектеп кітапханасы ақын, жазушы, философ, тарихшы, композитор Шәкәрім Құдайбердіұлының туғанына 165 жыл толуына орай «Үш анық – Шәкәрім шыңы» атты адалдық сағатын ұсынады. Шәкәрім Құдайбердіұлының «Үш анық» атты фәлсафалық трактаты – отандық, гуманитарлық білім жүйесінде ерекше орын алатын шығарма. Шәкәрім Құдайбердіұлы «Үш анық» еңбегін жазуға ересен даярлықпен келген. Қазіргі біз білетін авторлардың еңбектерімен таныс болып қана қоймай, оларға талдау жасаған. Филология ғылымдарының докторы, Мекемтас Мырзахметұлы: «Шәкірім «Үш анық» деп аталатын философиялық трактатын жазуға даярлықты 1898 жылдан бастап кірісіп, отыз жылдай ізденіп, жиған тергенін өз ой көрігінен өткізіп қорытынды 1928 жылы аяқталғанын көреміз», – деп айтылған сөздерден аңғаратынымыз жазушының «Үш анық» философиялық трактаты орасан зор білім мен тәжірибенің нәтижесінде қолымыза түскен екен. «Үш анық» трактаты 1991 жылы ғана басылымға шығады және де осы уақытқа дейін қолжазба ретінде халық арасында таралған.
