Биыл ұшқыш, Кеңес Одағының Батыры Хиуаз Доспанованың туғанына 100 жыл толып отыр. "No21 орта мектептің" 8-сынып оқушылары үшін кітапханада өткен «Ерлік біздің жүрегімізде» атты естелік сабағы осы күнге арналды. Шарада қазақтың тұңғыш ұшқышы, Ұлы Отан соғысындағы Жеңістегі ерлігі туралы айтылды. Хиуаз мектеп қабырғасынан қайсарлығымен, батылдығымен ерекшеленді. Кітапханашылардың сөзінен балалар Хиуаз Доспанованың қандай ерлік жасағанын, «Халық қаһарманы» атағын не үшін алғанын білді. Соңында «Аспан батыры-Хиуаз Доспанова» деректі фильмі көрсетіліп, «Жеңіс рухы биік, даңқы мәңгі» атты кітап көрмесіне шолу жасалды. Балалар А.Бек, Б.Момышұлы, Х.Бекішев, Ғ.Мүсірепов сынды авторлардың кітаптарымен танысты. Мақсаты: Оқушыларға қазақ әйелдері арасындағы жалғыз түнгі бомбалаушы штурман Хиуаз Доспанова туралы әңгімелеу, оның рухына тағзым ету, отансүйгіштікке, Екінші дүниежүзілік соғыстың батырларына, тарихқа, туған жерге деген мақтаныш сезімін тәрбиелеу.
