Кеше 8сәуір күні Қасым Аманжоловтың 110жылдығына арналған "Қазақ жырының алдаспаны-Қасым" атты айлық жоспар аясында мектеп кітапханашысы Искакова А. Ж мен қазақ тілі мен әдебиеті мұғалімі Амрина Г. С №21 негізгі орта мектебінің 7-8 сынып оқушыларына ақынның бейнесін мәңгілік жадыларында сақтау мақсатында Қарағанды қаласының көрікті жеріне орналасқан Қасым Аманжоловтың ескерткішіне саяхат жасады. Биіктігі 4 метрге жуық мүсін қоладан құйылған екен. Тұғыртасымен бірге композицияның биіктігі-8метрге жетеді. Ескерткіш ақынның 100жылдық мерейтойына арнайы жасалған. Аспанға бой көтерген ақынның асқақ рухты өр тұлғасына қарап. ақынға тағы бір ғұмыр берілгендей деп есептедік. Оқушылар Қасым Аманжолов бейнесіне тағзым етіп, ақынға жырдан шашу шашты.
