ҰБТ – 2013 қорытындысы   ҰБТ – 2013-ке 1667 түлек қатысты, бұл түлектердің жалпы санынан – 81 % құрайды, оның 520 қазақ тілінде және 1147 орыс тілінде оқытылған. Орта балл 80,6 құрады, өткен жылмен салыстырғанда 2 баллға жоғары. Бес үздік нәтижені мына мектептер көрсетті: № 93 гимназия – 103, 42 балл; № 1 гимназия – 99, 33 балл; № 2 лицей – 99, 19 балл; № 97 гимназия – 98, 57 балл; № 101 мектеп-лицей – 95, 22 балл; Жалпы  білім беретін орта мектептер арасында жоғары балл алған: № 66 ЖББОМ – 91,86; № 85 ЖББОМ – 86, 67;  № 5 ЖББОМ – 82,18; № 81 ЖББОМ – 81, 25; № 32 ЖББОМ – 80,32. № 85 ЖББОМ түлектерінің ең жоғары нәтижесі Талғат Абдрахманов – 121 балл.

Қарағанды қаласының білім бөлімі 2013 жылғы 24 мамырда Орталық саябақта Соңғы қоңырау мерекесіне арналған  жыл сайынғы  қалалық  салтанатты іс-шара өткізді.  Мереке 2012-2013 оқу жылының жалпы қорытындыларын жасау, мектеп түлектерін оқу, шығармашылық, спорттық жетістіктерін насихаттау және үздік түлектерді құттықтау, түлектердің өз Отаны үшін мақтаныш сезімдерін тәрбиелеу және болашақта елдің одан әрі дамуына  үлес қосу талпыныстарын қалыптастыру, сонымен қатар түлектер мен ата-аналар үшін мерекелік атмосферасын жасау мақсатында ұйымдастырылды. Мерекелік іс-шараға Қарағанды қаласының әкімі М.А. Смағұлов, қалалық білім бөлімінің басшылығы және мамандары, мектеп түлектері, мұғалімдер мен сынып жетекшілер, ата-аналар қатысты. Мерекелік іс-шара барысында 2000 астам түлекті Қарағанды қаласының әкімі М.А. Смағұлов, педагогикалық еңбек ардагері Н.И. Иванова, ата-аналар қоғамдастығының өкілі Е.Ш. Әбішев құттықтады. №97 гимназия түлегі Уматов Мухаммад ұстаздар қауымына мектеп түлектері атынан алғыс білдірді.     Келесi...

18 мамыр күні БЖС негізінде «Жыл оқушысы – 2013» байқауының екінші қалалық финалы өтті.   Қарағанды қаласы мектептерінен барлығы 106 оқушы қатысты. «Жетістіктер портфолиосы» және «шығармашылық жұмыс» екі сырттай кезең байқауынан соң, 38 финалшы анықталды.  8-16 мамыр аралығында білім бөлімінің сайтында оn-line режимінде финалшылар үшін  39700 адам дауыс берді. Финал қатысушылары әртістік шеберліктерін және жанжақтылықтарын көрсете алды. Көрсеткен өнерлерінің барлығы сыныптастарының, ата-аналары мен мұғалімдердің көмегінің арқасында қызықты болып өтті! 9-11 сыныптар арасындағы байқау финалшыларын құттықтауға Қарағанды мемлекеттік университетінің проректоры В.Б. Молотов-Лучанский  мен «Болашақ» Қарағанды университетінің проректоры Н.А. Данияров келді.   Білім бөлімі барлық байқау жеңімпаздарын құттықтайды және байқауды өткізуде қолғабыс көрсеткен «Өрлеу» ақпараттық технологиялар Орталығына, «Білімал» білім беру жобасының әзірлеушісіне, «Финист» компаниясына (Павлодар қаласы) алғыс білдіреді.    

2013 жылдың 8-10, 25 сәуірден 10 мамыр аралығында Қарағанды қаласының білім бөлімі мен Қарағанды облысы білім басқармасының  «Сарыарқа дарыны»  аймақтық ғылыми-практикалық орталығы бірігіп «Зерек бала» интеллектуалды байқауының қалалық кезеңін ұйымдастырды. Байқау мектепке дейінгі жастағы балалардың шығармашылық қабілеттерін дамытуға қолдау көрсету мақсатында жыл сайын ұйымдастырылады. Интеллектуалдық марафонға мектепке дейінгі мекемелер мен білім мекемелерінің мектепалды даярлық топтарынан  барлығы 882 бала қатысты.  Интеллектуалдық кезең мектепке дейінгі жастағы дарынды балалардың олимпиадасы болып саналады және тест үлгісінде жүргізілді.  Балалар байқау тапсырмаларын орындауда іздемпаздықтары мен ширақтығын, шығармашылығын байқатып математика, грамматика және логикадан берілген тапсырмаларды сапалы орындауға тырысты. Байқау қорытындысы бойынша Гран При және 1,2,3 жүлделі орындар айқындалды. Гран При жүлдесімен «Алпамыс», «Балбөбек» балабақшасының және  № 17, № 54 орта мектептердің мектепалды даярлық тобының байқауға қатысушы 4 бала марапатталды. Мектепке дейінгі және мектепалды даярлық топтарынан І орын жүлдесімен 80 бала, ІІ орын жүлдесімен – 140 бала, ІІІ орын жүлдесімен – 157 бала марапатталды. 

Жеңіс күні бәріміз үшін айрықша қымбат, қасиетті мереке. Бұл соғыста жеңіске жеткенімізді атап өтетін күн ғана емес. Ол - сол соғыста Жеңісті жақындату үшін жан аямай шайқасып, қан майданнан оралмай, еліміздің берік қорғанындай болып қалған қаһармандарымызды еске алатын күн. Біздің ардагерлеріміздің батырлығы мен ерлігі өз Отанына шексіз қызмет ету, биік рухтың және нағыз қайраттылықтың белгісі.  Қарағанды қаласының білім бөлімі Ұлы Жеңіс күні мерекесі қарсаңында білім ұйымдарының оқушылары арасында «Жаны қартаймас ардагерлер» атты бейнефильмдердің қалалық байқауын өткізді. Байқау өскелең ұрпақты әскери-патриоттық тәрбиелеу, ұрпақ сабақтастығын сақтау және нығайту, сонымен қатар оқушылардың маңызды рухани және мәдени құндылықтарын қалыптастыру мақсатында ұйымдастырылды. Байқауға ардагерлерге, тыл еңбекшілеріне арналған 47 бейнефильм ұсынылды. Өздерінің бейнежұмыстарында оқушылар ардагерлердің Ұлы ерліктерінің маңыздылығы, олардың шынайы Отансүйгіштік сезімдері, өмірлік білімпаздықтары, батырлықтары туралы әңгімелейді. Сонымен қатар, өз фильмдердінде оқушылар Отансүйгіштіктің және адалдықтың жоғары өлшемі болып қала беретін ардагерлерімізді ұмытпай, құрметтеу туралы айтады.   Байқау қорытындысы бойынша жүлделі орындарға ие болғандар: №77 МББК (1 орын); №38 гимназия (2 орын); №81 орта мектеп, №41 орта мектеп, №134 негізгі мектеп (3 орын). Қарағанды қаласының білім бөлімі қымбатты ардагерлерімізді және барша қарағандылықтарды Ұлы Жеңіс күні мерекесімен шын жүректен құттықтайды және денсаулық, бақыт, бақ пен береке тілейді! Еліміз аман болсын!

  Қарағанды қаласының білім бөлімі 2013 жылғы 03 мамырда №2 өнер мектебінде Отан қорғаушы күніне арналған салтанатты іс-шара өткізді.   Мерекеге қалалық білім бөлімінің басшылығы және мамандары, білім қызметкерлерінің кәсіподақ ұйымдарының төрағалары, білім ұйымдарының директорлары және олардың орынбасарлары, қала мектептерінің мұғалімдері қатысты. Іс-шара барысында Қарағанды қаласы білім бөлімінің бастығы Д.Ш. Жекебаев ер мұғалімдерді  құттықтады. Мерекеде өздерінің музыкалық құттықтауларын «Арнау», «Трикси» би ұжымдары, «Бозторғай» вокал тобы, №25 орта мектебінің степ-тобы, «Бәйтерек» балабақшасының ән-күй жетекшілері сыйға тартты.  Сонымен қатар, іс-шарада Отан қорғаушы күні қарсаңында педагог-ерлерді қалалық білім бөлімінің құрмет грамоталарымен және алғыс хаттарымен марапаттау рәсімі өткізілді.  Қарағанды қаласының білім бөлімі барлық азаматтарды тамаша мереке - Отан қорғаушы күнімен шын жүректен құттықтай отырып, зор денсаулық, мол бақыт, сәттілік пен береке тілейді! 

  Қарағанды қаласының білім бөлімі  қалалық  жол полициясы бөлімімен  бірлесе  отырып, 2013 жылғы 29-30 сәуірде  №5 және №74 орта мектептерде жол қозғалысы жас инспекторларының қалалық байқауын  өткізді.  Байқау  балалар жол-көлік жарақаттануының алдын алу жөніндегі  жұмысын арттыру, жол ережесін нақты сақтау қажеттілігіне балалардың назарын аудару, балалардың жолда жүру мәдениетін қалыптастыру мақсаттарында  ұйымдастырылды. Биылғы оқу жылында аталған қалалық байқауға 40 жуық білім ұйымдары жас инспекторларының жасақтары қатысты. Жас инспекторлар жолда жүру ережелерінің білімпаздары, эрудиттер, санитарлар байқауларында үздік білімдерін, саптық және велосипедпен жүру байқауларында жоғары дайындықтарын, сонымен қатар жас инспекторлар қозғалысының 40 жылдығына арналған  үгітбригадалар  және басқа да байқауларда көрсете білді.  Екі күн  бойы  өткен  байқаудың  қорытындысы  бойынша  жүлделі  орындарға  жас инспекторлар жасақтары ие болды: Қазыбек би атындағы ауданының білім ұйымдары арасында - №101 мектеп-лицей (1 орын), №97 гимназия (2 орын), №41 орта мектеп (3 орын); Октябрь ауданының білім ұйымдары арасында - №95 гимназия (1 орын), №54 орта мектеп (2 орын), №77 МББК (3 орын). Сонымен қатар жеке номинацияларда жеңімпаздар анықталды: «Жол ережелерінің үздік білгірі» - Жарылғапова А. (№39 гимназия) және Чебан Е. (№95 гимназия); «Үздік білімпаз» - Иванченко Д. (№97 гимназия) және Айкен И. (№76 ОМ); «Үздік  санитар» - Абрамов В. (№3 гимназия) және Каримова Р. (№13 ОМ); «Үздік реттеуші» - Туребаева Д. (№59 ОМ) және Хе В. (№95 гимназия); «Үздік велосипедші» - Плужников А. (№101 мектеп-лицей) және Сериков А. (№77 МББК). Жеңімпаздар грамотамен және бағалы сыйлықтармен марапатталды. Қалалық...

  Қазақстан Республикасы Білім және ғылым Министрлігінің 2013 жылғы 7 наурыздағы № 80 бұйрығына сәйкес Қазақстандағы жалпы орта білім беру білім ұйымдарында және 12 жылдық білім беретін тәжірибелі мектептерде (ОЖСБ) 9 (10) сынып оқушылары арасында оқу жетістіктерін сырттай бағалау өткізілді. Оқу жетістіктерін сырттай бақылау (ОЖСБ) – білім ұйымдарына тәуелсіз білім сапасын тексеретін мониторингтің бірі. Бұл процедура Қарағанды қаласының білім ұйымдарында  2013 жылғы 19 сәуірде өтті.  ОЖСБ міндеттері: 1. Оқушылар оқыту жетістітерінің мониторингін жүзеге асыру; 2. Оқыту үрдісіндегі ұйымдардың тиімділік бағалауы; 3. Білім беру қызметі сапасының салыстыру талдауын өткізу. ОЖСБ – 2013 оқушылар оқитын білім ұйымдары негізінде қағаз тасымалдағышта, сондай-ақ қазіргі ақпараттық технологияларды пайдалану арқылы кешенді тестілеу формасында өткізілді. Компьютерлік тестілеу облыстық орталықтарда орналасқан мектептерде және Астана және Алматы қалаларында өтті.     әрi қарай оқу

  12 сәуір 2013 жылы  «Оқушылардың функционалдық сауаттылығын дамыту: мәселелер мен болашақта жүзеге  асыру» тақырыбында ХV аймақтық  ғылыми практикалық конференция өтті. Конференцияның мақсаты:  Мұғалімдердің  кәсіби  құзырлылығының даму келешегі, мәселелері, тәжірибелермен  танысу.   Пленарлық мәжіліс №2 өнер  мектебінің базасында өтті. Пленарлық мәжілісте:  1. «2012-2016жж.. SWOT– талдау әдістеме негізінде гимназия оқушыларының функционалдық сауаттылығын  дамыту жоспарының әзірлемесі »-№38 гимназия директорының ОТІ меңгерушісі Я.А.Золотарева 2. «Білім алу ортасын дамытуда  №33 МББК  кәсіби және тұлғаның  өзіндік  оқытуда  жағдай  жасауы» Турсунбаева Д.Ж., №33 МББК, директордың ҒӘЖ орынбасары 3. «Мектепке дейінгі кешенді дамыту көрсеткіші тәрбие – оқу үдерісінің негізгі көрсеткіші» Мұқанова С.С., «Балдырған»б\б,  әдіскері  4. «Жеті модуль идеяларын информатика сабақтарында қолдану»   Кайкенова У.И., Елубай Г.М.  № 68 МИББ кешенінің информатика пәнінің мұғалімдері 5.  «Дарынды оқушылармен жұмыс» № 61 НОМ қазақ тілі мен әдебиет пәні мұғалімі Д.К. Төрекелдина өз іс- тәжірибелерін ортаға салды.   Секциялардың  төмендегі негізгі бағыттары     «Оқушылар функционалдық сауаттылығының дамуы: жүзеге асырудың проблемалары мен келешегі» XV өңірлік ғылыми-практикалық конференцияның ШЕШІМІ

  Қарағанды қаласының балалар мен жеткіншектер Сарайында 2013 жылғы 05 сәуірде Қарағанды қаласының әкімі М.А. Смағұловтың қатысуымен «Ел тағдыры-менің тағдырым» атты қалалық Форум өткізілді.  Форумның жұмысы делегаттардың Қарағанды облысы Н.В. Гоголь атындағы ғылыми әмбебап кітапханасын, Қарағанды облыстық тарихи-өлкетану мұражайын аралап, танысумен басталды және балалар мен жеткіншектер Сарайының ғимаратында қарағандылық оқушылардың үздік жобаларын ұсынумен жалғасты. Қала басшылығы және делегаттар «Мен-азаматпын», «Алғырлар» атты жыл сайынғы қалалық байқау-фестивальдерде, әртүрлі облыстық және халықаралық байқауларда үздік болып танылған №15, 58 орта мектептері, №38, 93, 95, 97 гимназиялары оқушыларының үздік жобаларымен танысты. Сонымен қатар, қала оқушылары атынан №58 орта мектебінің 9 сынып оқушысы Иманбекова Жібек баяндама жасады.  Форум жұмысына мемлекеттік органдардың, шығармашылық және ғылыми интеллигенция, ҮЕҰ өкілдері, кәсіпорын басшылары, соғыс ардагерлері, қаланың құрметті азаматтары, білім және мәдениет қызметкерлері, қаладағы спорт қауымдастығы, студент және оқушы  жастар қатысты.  Форум жұмысының қорытындысы бойынша Резолюция қабылданды.

Қарағанды қаласының білім бөлімі 2013 жылғы 28-29 наурызда №41 орта мектебінде қаланың жалпы білім беру және инновациялық мектеп оқушылары арасында қазақ тілін кириллица әліпбиінен латын әліпбиіне көшу мәселесіне арналған  көктемгі пікірталас турнирі өткізілді.   Қалалық турнир оқушылардың белсенді азаматтық ұстанымын қалыптастыру, олардың қоғамдық белсенділіктерін, көшбасшылық және шешендік қабілеттерін дамыту, сонымен қатар   мектептегі пікірталас ойындарын жандандыру мақсатында ұйымдастырылды. Турнирге қазақ лигасының 17 командасы және орыс лигасының 12 командасы қатысты. Оларды  қазылар алқасының мүшелері - академик Е.А. Бөкетов атындағы Қарағанды мемлекеттік университетінің пікірталас  клубының  мүшелері, «Движение молодежи за будущее Казахстана» қоғамдық бірлестік өкілдері, қалалық білім бөлімінің мамандары, білім ұйымдарының тарих пәні бойынша мұғалімдері бағалады. Турнир қорытындысы бойынша жүлделі орындарға қазақ лигасының командалары: №41 ОМ (1 орын),  №57 мектеп-лицей (2 орын),  №61 ОМ (3 орын);  орыс лигасының  командалары: №97  (1 орын), №16 ОМ (2 орын), №1 гимназия (3 орын) ие болды. Сонымен қатар, қазылар алқасы  турнирдың  үздік  спикерлерін таңдады: Васелов Д., Нығман А. (№16 ОМ), Есентаева А. (№32 ОМ), Есентаев Ж. (№41 ОМ), Аденов Қ. (№61 ОМ), Аликайдарова Г. (№68 МББИК).

Қарағанды қаласының білім бөлімі сіздерді көктемнің жарқын мерекесі - Наурыз мейрамымен шын жүректен құттықтайды! Көне заманнан бері Наурыз сұлулық пен жасампаздықтың, бейбітшілік пен келісімнің символы болып табылады. Қазақстандықтар Ұлыстың Ұлы күнін жақсылықтың жаршысы, бірліктің бастауы деп біледі. Тәуелсіз мемлекетіміздің қалыптасуымен бірге Наурыз мейрамы бір шаңырақтың астында өмір сүріп жатқан барлық ұлт өкілдері үшін достық пен еркіндіктің мерекесіне айналды. Бұл мейрам көптеген халықтардың дәстүрлі мейрамы ретінде бағзы замандардан тойланып келеді .  Қымбатты әріптестер! Жаңару мен жасару күні сіздерге бақ-береке, ырыс-ынтымақ әкелсін! Әр жанұяда құт-береке, бақыт және молшылық болсын!        Қарағанды қаласы білім  бөлімінің бастығы Д.Жекебаев