Қарағанды қаласының білім бөлімі 2013 жылғы 03 мамырда №2 өнер мектебінде Отан қорғаушы күніне арналған салтанатты іс-шара өткізді.
Мерекеге қалалық білім бөлімінің басшылығы және мамандары, білім қызметкерлерінің кәсіподақ ұйымдарының төрағалары, білім ұйымдарының директорлары және олардың орынбасарлары, қала мектептерінің мұғалімдері қатысты. Іс-шара барысында Қарағанды қаласы білім бөлімінің бастығы Д.Ш. Жекебаев ер мұғалімдерді құттықтады. Мерекеде өздерінің музыкалық құттықтауларын «Арнау», «Трикси» би ұжымдары, «Бозторғай» вокал тобы, №25 орта мектебінің степ-тобы, «Бәйтерек» балабақшасының ән-күй жетекшілері сыйға тартты.
Сонымен қатар, іс-шарада Отан қорғаушы күні қарсаңында педагог-ерлерді қалалық білім бөлімінің құрмет грамоталарымен және алғыс хаттарымен марапаттау рәсімі өткізілді.
Қарағанды қаласының білім бөлімі барлық азаматтарды тамаша мереке - Отан қорғаушы күнімен шын жүректен құттықтай отырып, зор денсаулық, мол бақыт, сәттілік пен береке тілейді!
