Қарағанды қаласы білім бөлімінің ұйымдастыруымен 4 қараша 2016 жылы сағат 15.00 де №15 ЖББОМ базасында білім беру ұйымдары оқушыларының арасында Қазақстан Республикасы Тәуелсіздігінің 25жылдығына орай  «Бұл палата «Болашақ» бағдарламасын алып тастау керек  дейді. Бұл палата Қазақстан Республикасының білім беру жүйесіне үштілділікті енгізудің тиімді механизмін ұсынады» тақырыптары бойынша қалалық пікір-сайыс турнирі өткізілді.       Қалалық пікір-сайыс турнирі оқушылардың белсенді азаматтық ұстанымдарын қалыптастыру, мектеп оқушыларының көшбасшылық қасиеттері мен шешендік қабілеттерін дамыту, мектепшілік дебат қозғалыстарын жандандыру мақсатында өткізілді.       Қалалық турнирге қаланың 42 білім беру ұйымынан 44 команда қатысты.Жас пікір-сайысқа қатысушылардың пікірі мен ұсыныстарын Е.А.Букетов атындағы ҚарМУдің дебат клубының мүшелері-студенттер, білім беру ұйымдарының тарих пәнінің мұғалімдері  бағалады.Пікір-сайыс қорытындысында қазақша лига бойынша жүлделі орындарды иеленген  командалар анықталды: «Ұлан» №39 гимназия командасы (Бас жүлде) «Әділет-8» №41 ЖББОМ, «Рух №23 ЖББОМ» -1 орын. «Жасқанат» №18 ЖББОМ, «Әділет-9» №41 ЖББОМ -2 орын «Алаш» №57 МЛ, «Dream team» №39 гимназия- 3 орын. Орыс лигасы: «Лидер»№9 гимназия (Бас жүлде) «Форвард»№38 гимназия, «59 аргументов» №59 ЖББОМ-1орын «45 калибр» №45 гимназия, «Думан»№62 ЖББОМ- 2 орын «32 килобайт» №32 ЖББОМ, «9 ВАЛ» №9гимназия- 3 орын      Турнирдің  үздік спикерлері болып №45 гимназияның оқушысы Давыденко Виолетта, №57 МЛ оқушысы Абзалқызы Асел, №39 гимназия оқушысы Сейтказиева Аружан, №23 ЖББОМ оқушылары Елемес Арайлым,Мейрманов...

2016 жылғы қарашаның 1 мен 3 аралығында  Қарағанды қаласында Ә.Ермеков атындағы математика пәні бойынша 8-9 сынып оқушылары арасында I республикалық олимпиада  болып өтті.Олимпиадаға Қазақстан Республикасының барлық облыстарынан келген 126 мектеп оқушылары қатысты.  Олимпиаданың мақсаты мен міндеттері: оқушылардың шығармашылық қабілетін дамыту, практикалық дағдылары мен теориялық білімдерін тереңдету, тұлғаның өзін-өзі тануына жәрдемдесу, дарынды балаларды анықтауға жағдай жасау, оқушыларды математикадан халықаралық олимпиадаларға дайындау, Қазақстан Республикасының білім деңгейін көтеру. Қазақстан Республикасы білім және ғылым министрлігі, республикалық «Дарын» ғылыми-практикалық орталығының қолдауымен, Қарағанды облысы әкімінің, жастар саясаты бойынша басқармасының бастамасымен бірге Қарағанды облысының білім басқармасы олимпиаданы  алғаш рет өткізді.            Қарағанды  облысынан  өңіріміздің 35 жас математигі, олардың алтауы Қарағанды қаласының № 38, 92, 93, 97 білім беру ұйымдарынан қатысты.       Әлихан Бөкейханов атындағы арнайы сыйлықпен «№ 97 гимназия» ММ  8-сынып оқушысы Кулинич Евгений марапатталды.

2016 жылғы 28 қазанда №101 мектеп-лицейінде «Қамқоршылар күніне» арналған қалалық мереке өтті.  Осы іс-шараға өздерінің қамқорлығындағы балалардың тәрбиесі мен жан-жақты дамуына үлес қосқан қамқоршылар мен қорғаншылар және патронаттық тәрбиешілер қатысты.  Балалардың тағдырына қамқорлық жасағаны және Қазақстан Республикасының лайықты азаматын тәрбиелеуге зор үлес қосқаны үшін қамқоршылар мен қорғаншыларға Қарағанды қаласы білім бөлімінің алғыс хаттары тапсырылды. Қамқоршылар күніне арналған мерекелік ісшаралар 29 қазанда барлық білім ұйымдарында өткізіледі.

2016 жылғы 26 қазан күні Қарағанды қаласының 7 білім беру ұйымында (№ 8, 25, 46, 52, 57, 95, лицей № 2) 4-6 сынып оқушыларына арналған математика, қазақ тілі, орыс тілі және ағылшын тілі пәндері бойынша I облыстық "CLEVER" олимпиадасы болып өтті. Олимпиадаға 78 білім беру ұйымынан 1386 оқушы қатысты.  Олимпиаданың негізгі мақсаттары мен міндеттері зияткерлік дарыны бар оқушыларды анықтау және білім алушылардың шығармашылық қабілеттері мен  белгілі бір пәнге деген  қызығушылықтарын дамыту, дарынды балаларды қолдауға қажетті жағдай жасау, жалпы білім беретін пәндер бойынша республикалық олимпиадаларға қатысу үшін команда құрамына дарынды деген оқушыларды таңдап алу болып табылады.

2016 жылдың 14 қазан айында Қарағанды қаласының гимназия, лицей және жалпы білім беретін 11 сынып оқушылар арасында математика, физика, биология, химия пәндері бойынша IX Президенттік олимпиаданың II (қалалық) кезеңі өтті. Дәстүр бойынша олимпиада КММ «№ 2 лицейінде» өтті. Мұнда Қарағанды қаласының 26 білім мекемесінен 95 11 сынып оқушылары қатысты. Олимпиаданың қатысушысына математика, физика, биология және химия пәндерінен тапсырмалар берілді.  Олимпиада тапсырмаларын орындауға 4 астрономиялық сағат берелді. Жұмыстар пәндік қазылар алқасымен тексеріліп № 68 МКБ, №2 лицей, №53 МЛ, 92 гимназиялар оқушыларының жұмыстары жоғары бағаланды.  Олимпиада нәтижелерімен мұнда танасуға болады.

Дарындылықты дамытудың мемлекеттік бағдарламасын жүзеге асыру аясында Қарағанды қаласының әкімшілігі осымен 10 жыл бойы қала мектептерінің   әртүрлі ғылым, өнер және спорт бағыттарындағы дарынды оқушыларды демалдыру және сауықтандыруға қажетті қаражат бөліп келеді.  2016 жылдың 3-12 қазан аралығында өзінің мәңгілік жасыл табиғи байлығымен ерекшеленетін және ең керемет жерлердің бірі болып саналатын Бурабай шипажай аймағындағы Қатаркөл өзенінің жағасында орналасқан «Discovery-Borovoe» атты көңіл көтеру-сауықтандыру орталығына Қарағанды қаласының білім бөлімі  168 оқушы жіберді.  Орталықта балаларға емдеу қызметтері (массаж, фитотерапия, физиопроцедуралары, ЛФК, магнитотерапия, шунгитотерапия, СПА-процедурлар), бағдарламалық материал бойынша қазақ тілі, орыс тілі, ағылшын тілі, математика, биология, тарих пәндері ұстаздарының қатысуымен өтетін дамыту сабақтары, таза ауада серуендеу, ойындар, спорттық сабақтар, би кештері мен әртүрлі қызықты көңіл көтеру іс-шаралары ұсынылады.

29 сентября  на базе гимназии № 93  состоялся Совет отдела образования, в котором приняли участие директора всех организаций образования города Караганды.  Рассматривался вопрос «О начале  2016-2017 учебного года». В выступлении заместителя руководителя Кенешова Р.А.  были проанализированы итоги летнего оздоровительного отдыха, акции «Дорога в школу», также рассмотрены трудоустройство выпускников 9, 11 классов,  обеспечение учебниками, комплектование школ и дошкольных организаций. За качественную подготовку к новому учебному году, благоустройство территории грамотами отдела образования награждены школы № 12, 15,  16, 17, 18, 21, 23, 25, 30, 37, 42, 45, 46,48, 50,  52, 56, 57, 58, 59, 63, 68, 77, 81, 82, 85, 100, 101, инт 4, детские сады  «Ертегі», «Алтын сақа», «Алтынай», «Бәйтерек», «Айсулу», «Балақай»,    «Толағай», «Алданыш», «Балбөбек». Совет завершился праздничной программой, посвящённой Дню учителя. Поздравления прозвучали в выступлении агитбригады молодых специалистов и учащихся.  Творческие группы директоров приготовили своим коллегам  театрализованную композицию «Один день из жизни директора детского сада», видеоролик, музыкальные номера.

Білім қызметкерлерінің кәсіби мерекесі қарсаңында «Чайка» мейманхана кешенінде 2016 жылдың 29 қыркүйегінде Мұғалімдер күніне арналған Қарағанды қаласының әкімі Н.Е. Әубәкіровтың салтанатты қабылдауы өткізілді. Қаланың мұғалімдер қауымын Қарағанды қаласының әкімі Н.Е. Әубәкіров, қалалық мәслихат хатшысы Қ.Б. Бексұлтанов құттықтап, салтанатты ісшара барысында қала мұғалімдерге және педагогикалық еңбек ардагерлеріне құрмет грамоталарды, алғыс хаттарды және дипломдарды табыстады. Мұғалімдер атынан өз әріптестерін қала мектептерінде жұмыс істейтін жас мамандар құттықтады. Оларға мереке кұрметіне естелік сыйлықтар да табысталды.  Сонымен бірге, салтанатты қабылдау барысында сазды құттықтауларымен №2 өнер мектебінің «Сарыарқа әуендері» фольклорлық ансамблі, №93 гимназияның бастауыш сынып оқушылары, №2 балалар музыка мектебінің және балалар мен жеткіншектер Сарайының «Бозторғай» вокал студиясының солистері  бөлісті. Қарағанды қаласының білім бөлімі қала педагогтарын кәсіби мерекемен құттықтайды және өскелең ұрпақты оқыту және тәрбиелеу ісінде мол табыс пен жаңа шығармашылық жетістіктер тілейді!

2016 жылғы 21 қыркүйекте академик Е.А.Букетов атындағы Қарағанды мемлекеттік университеті қала оқушыларының ғылыми-техникалық шығармашылығын дамыту мақсатында №16 және №66 жалпы білім беретін орта мектептерге білім беру робототехникасы бойынша жинақтарды табыс етті. Университет ректоры, облыстық маслихатының депутаты Е.К.Кубеев әр мектепке 15 робототехника жинағын сыйға тартты (10 негізгі және 5 қосымша). Бұл LEGO EV3 негізіндегі жинақтар сыныпта қолдануға тиімді және оқушылардың логикалық ойлау, зияткерлік қабілеттіліктерін және шығармашылық мүмкіндіктерін дамытуына мүмкіндік береді. Мектептер осы оқу жылынан бастап 2-11 сыныптардың оқушыларын робототехника курсымен қамтуды жоспарлап отыр.  Сыйға тарту рәсіміне білім бөлімінің басшысы Д.Ш.Жекебаев, университеттің оқу жұмысы жөніндегі проректоры С.Т.Каргин, мектеп әкімшілігі мен оқушылар қатысты. Математика және ақпараттық технологиялар факультетінің деканы Д.Б.Алибаев пен мектептердің мұғалімдері робототехникалық конструкторларды әрекетте көрсетті. Қарағанды қаласының білім бөлімі Е.А.Букетов атындағы Қарағанды мемлекеттік университетіне оқушылардың техникалық шығармашылығын дамытуда үлес қосқаны үшін үлкен алғысын білдіреді.

Білім ұйымдарында өткізіліп жатқан алдын алу мен тәрбие жұмысын жетілдіру және ағымдағы оқу жылының маңызды мақсаттарын анықтау үшін 2016 жылдың 29 қыркүйегінде балалар мен жеткіншектер Сарайында кәмелетке толмағандар арасында құқықбұзушылықты және деструктивті жүріс-тұрыстың алдын алу, салауатты өмір салтын насихаттау мәселелер бойынша қалалық ведомствоаралық кеңес өткізілді. Кеңес жұмысына Қарағанды қаласы әкімінің орынбасары И.Ю. Любарская, Қарағанды қаласы білім бөлімінің және ІІБ басшылығы, Қарағанды облысы ІІД есірткі бизнеспен күресу басқармасының, облыстық психоневрологиялық диспансерінің, «Gio-trade» ЖШС (салауатты өмір салтын насихаттау Орталығы) алдын алу бағдарламаларды енгізу және бақылау бөлімінің өкілдері, білім беру ұйымдарының директорлары, тәрбие ісі жөніндегі орынбасарлар, полиция бөлімшелерінің инспекторлары қатысты. Кеңес барысында жоғарыда аталған мүдделі ұйымдардың өкілдері өткізіліп жатқан алдын алу жұмыстары туралы баяндады. Кеңес жұмысының қорытындысы бойынша кәмелетке толмағандардың арасында құқықбұзушылықтың алдын алу жөніндегі жұмыстың одан әрі тиімділігін жоғарлатуға және ата-аналар қауымдастығымен байланысты күшейтуге бағытталған ұсыныстар берілді.

Қазақстан республикасында Отбасы күнін тойлау қарсаңында 2016 жылдың 10 қыркүйек күні Білім және ғылым министрлігі және «Нұр Отан» партиясының қолдауымен Отбасылық тәрбие беру институтымен бірге Қарағанды қалалық білім бөлімінің ұйымдастыруымен Қарағанды қаласының 76 білім беру мекемелерінде «Қазақстанның 21 ғасыр ата-аналары: өз балаңа үлгі бол. Бірінші сынып ата-аналарына психологиялық және педагогикалық көмек көрсету» атты республикалық ата-аналар конференциясы өткізілді. Тиісті шараға 7675 ата-ана қатысты.  Білім ұйымдарының педагог-психологтары ата-аналарға мектеп табалдырығын аттаған баланың мектепке бейімделуі, бала бойындағы қиындықтарды шешу жолдары мен ата-аналарды баланың білім алуында толғандыратын сұрақтарға толық жауап берді. Ата-аналар конференциясы қатысушылар тарапынан жоғары бағаланды, өзектілігі мен маңыздылығы атап өтілді.

Қаланың білім беру ұйымдарында 2016 жылғы 1 қыркүйекте жаңа 2016-2017 оқу жылының басталуына арналған салтанатты жиындар өткізілді.  Салтанатты жиындарға оқушылар, педагогтар, ата-аналар, сонымен қатар арнайы шақырылған қонақтар, олардың ішінде қала және облыс басшылығы, әкімдіктер мен мемлекеттік мекемелердің өкілдері, ардагер ұстаздар, Қарағанды қаласы білім бөлімінің мамандары қатысты. Білім күнімен және жаңа оқу жылының басталуымен №32 орта мектебінің оқушыларын және педагогтарын Қарағанды қаласының әкімі Н.Е. Әубәкіров құттықтады. Салтанатты ісшара алдында қала әкімі Н.Е. Әубәкіров спорттық және акт залдарын, робототехника кабинетін, физика және биология пәндері бойынша мамандырылған оқу кабинеттерін, алғашқы әскери дайындық кабинетін аралады. Жалпы жаңа оқу жылында мектеп табалдырығын алғашқы рет 8 мыңға жуық бірінші сынып оқушылары аттады. Ал қала бойынша оқушылардың жалпы саны 60 мыңнан астам оқушыны құрайды. Салтанатты жиындардан соң оқушылар «Мәңгілік ел» жалпыұлттық идеясы аясындағы биылғы жылы «Мен өз Отанымның патриотымын» тақырыбына арналған бірінші сабаққа қатысты. Қарағанды қаласының білім бөлімі қала мектептерінің оқушылары мен педагогтарын жаңа оқу жылымен құттықтай отырып, жаңа жетістіктер мен табыс тілейді!