Қарағанды қаласының әкімдігінде 2016 жылғы 29 тамызда Қарағанды қаласының әкімі Н.Е. Әубәкіровтің қатысуымен педагог қызметкерлерінің дәстүрлі тамыз кеңесі онлайн тәртібінде өткізілді.
Ағымдағы жылы «Білімді ел - мәңгі ел» тақырыбына арналған кеңесі барысында Қазақстан Республикасындағы білім беру мазмұнының жаңаруы, оның ішінде бастауыш білім берудегі жаңа мемлекеттік Стандарт, 1-сынып оқушылары үшін оқулықтар, үштілді білім беруге дайындық, оқушылардың функционалдық сауаттылықтарын дамыту, робототехника құралдары арқылы оқушылардың техникалық ойлауын дамыту, сондай-ақ оқыту және тәрбиелеудегі инновациялық тәсілдер, қазақстандық патриотизмді «Мәңгілік Ел» ұлттық идеясын өмірге енгізу арқылы жүзеге асыру мәселелер талқыланды.
Мәжіліс жұмысына білім беру ұйымдарының басшылары мен педагогтары, білім саласының ардагерлері, қала аудандары білім беру қызметкерлерінің кәсіподақ төрағалары қатысты. Мәжіліске қатысушылар 2015-2016 оқу жылындағы қалалық кәсіби шеберлік байқаулардың жеңімпаз-педагогтары әзірлеген көрмемен танысты.
Сонымен қатар, мәжіліс барысында Қарағанды қаласы әкімінің Құрмет грамотасымен білім ұйымдарының педагогтары, оның ішінде А.В. Ткаченко, №101 мектеп-лицейдің аға тәлімгері; Г.К. Жалғасова, №17 ОМ химия және биология пәндерінің мұғалімі; Б.С. Бекмаганбетов, №4 мектеп-интернаттың кадет сыныбының тәрбиешісі; Г.Х. Қантарбаева, №97 гимназияның математика пәнінің мұғалімі; О.И. Цай, №1 БММ флейта пәнінің мұғалімі марапатталды. №38, 39 гимназияларға, №32, 76, 77 орта мектептерге EXPO 2017 Халықаралық көрмесіне қатысу сертификаттары (50 билетке) табыс етілді.
Сонымен бірге, №16 ОМ тарих пәнінің мұғалімі Г.А. Кузанбаеваға, №82 ОМ дене шынықтыру пәнінің мұғалімі Д.К. Мусахановқа «Самрұқ казына» ЖМҚ» желісіндегі 2020 жылға дейінгі аймақтарды дамыту Мемлекеттік бағдарламасы аясында пәтер кілтін табыстау рәсімі өткізілді.
Мәжіліс қорытындысы бойынша жаңа 2016-2017 оқу жылының маңызды міндеттері анықталды.
