Өскелең ұрпақтың бойында қазақстандық патриотизмді дамыту, халықтың азаматтық сезімдерін қалыптастыру, өз халқының тарихын құрметтеуге, өз еліне деген сүйіспеншілігін тәрбиелеу мақсатында жыл сайын сәуір айында «Мен-патриотпын» атты қорғаныс-бұқаралық және әскери - патриоттық жұмыстар айлығы өткізіледі.    Қорғаныс-бұқаралық және әскери-патриоттық айлықтың шеңберінде қашықтық режимінде келесі іс-шаралар өткізіледі: сынып сағаттары, «ерлік сабақтары», «Ерлік-елге мұра, ұрпаққа ұран!» тақырыбындағы дәрістер; 1-7 сынып оқушылары арасында «Қазақстан - біздің Отанымыз!» атты сурет байқаулары;8-10 сынып оқушылары арасында«Ата-баба ерлігі есте қалар мәңгілік!» эссе байқауы;1-4 сынып оқушылары арасында «Ғарышкерлер айлағы» атты сурет байқаулары;5-7 сынып оқушылары арасында«Абай-дара, Абай-дана» атты көркем сөз байқауы; 8-11 сынып оқушылары арасында «Ұлы жеңіс әні» патриоттық әндер байқауы; мектепішілік, қалалық, облыстық мұражайларға, Жауынгерлік Даңқ мұражайларына онлайн-экскурсиялар; «Біздің ардагер», «Наш ветеран» челленджі және т.б.     Ұлы Отан соғысындағы Жеңістің 75-жылдығы қарсаңында әрбір іс-шараның негізгі тақырыбы Ұлы Жеңіс, ерлік, батылдық, жеңіске жеткен ұрпақтың борышына арналады.     

     Бүгін 2.04.2020 жылы Қарағанды қаласының мектептері Zoom, Skype платфомалары арқылы онлайн режимде ата-аналар жиналысын өткізді. Ата-аналар жиналысын өткізудің мақсаты: ата-аналарға 4 тоқсан кезеңінде қашықтықтан оқытуды өткізудің негізгі мәселелерін түсіндіру.

     Қарағанды қаласының білім бөлімі қашықтықтан оқытуды ұйымдастыру бойынша жұмыс жүргізуде.      Мұғалімдер мен оқушыларды дайындау және ата-аналарды ақпараттандыру бойынша ең қолайлы ресурстар таңдалып,  жоспар құрылды.  16 наурыздан бастап білім бөлімі қашықтықтан оқытуды ұйымдастыру бойынша тегін интерактивті платформа Google-сыныбында күн сайын барлық мектептердің әкімшілігіне оқыту вебинарлары өткізілді.      Оқытудың тиімділігі үшін әр мектептің мұғалімдері бір сыныпқа біріктіріліп, мектеп әкімшілігінің педагогикалық кеңестері және оқыту семинарлары қашықтық режимінде өткізіліп отырды. Мұғалімдер сыныптар құруды, сабақ материалдарын орналастыруды және тағы басқа мүмкіндіктерімен жұмыс жасауды үйренді.      Бүгінгі күні әрбір оқушыға Google-аккаунт құрылып, оқушылар үшін сабақ материалдарын, тапсырмалар мен тесттер орналастыратын Google-сыныптары құрылды. Мұғалімдер мен оқушылар файлдармен алмасып, байқау "кері байланыс" жұмысы жүргізіліп жатыр.      Келесі кезеңде әрбір мектеп оқушылармен бейне байланысты жүзеге асыру және Skype, Instagram, Telegram және т. б. бейне-сабақтарды өткізу үшін ең ыңғайлы құралды таңдайды. Сабақтың ұзақтығы 10-15 минут болатын, бір отбасында әр түрлі сынып параллельдерінде оқитын балаларды ескере отырып, әр түрлі уақытта өтетін сабақ кестесі әзірленіп жатыр.       Келесі аптада қашықтықтан оқытудың ерекшеліктері мен оқушылардың дербестігі және жауапкершілігін қалыптастырудағы ата-аналардың рөлін түсіндіру бойынша қашықтық ата-аналар жиналысы жоспарланып отыр.      4 тоқсанның (БЖБ және ТЖБ) бойынша оқушыларды аттестаттау, 9 және 11 сыныптарда қорытынды аттестаттауды (емтихан) өткізу мәселелері ҚР БҒМ деңгейінде шешіледі. Әлеуметтік қорғалмаған санаттардағы оқушыларды интернет...

 2020 жылдың 11 наурызы күні Қарағанды қаласының білім бөлімінің басшылығымен Академик Е.А.Бөкетов атындағы Қарағанды мемлекеттік университеті «Тұлғатану»  ғылыми-зерттеу орталығы  және  Қарағанды қаласы №68 мектеп-интернат КММ-нің ұйымдастыруымен  Кеңес Одағының батыры Мартбек Мамыраевқа арналған «Ерлік – елге мұра, ұрпаққа – үлгі» тақырыбында өткізілетін қалалық ғылыми-тәжірибелік конференция өткізілді.Конференцияның  маңызды жаңалығы Кеңес Одағының батыры М.Мамыраевқа арналған музейдің ашылуы болды.  Конференцияға келген қонақтардың барлығы музей ашылу сәтінің куәсі болды. Қарағанды облыстық тарихи-өлкетану музейінің басшысымен бекітілген «Музей паспорты» табысталды.            Конференцияның пленарлық бөлімі    №68 мектеп-интернат директоры Ж.А.Мухтаровтың басшылығымен өтті.   Конференция өз жұмысын екі секция жұмысымен жалғастырды. 1 -секцияның тақырыбы:  «Ұлы Дала Елі-ерліктің мекені»,  «Мартбек Мамыраев ерлігі - ұрпаққа үлгі»;  2-секцияның тақырыбы: «Қазақстан -  майдан арсеналы», «Мектепте тарих пен әдебиетті оқытуда  Ұлы Отан соғысы тақырыбының орны».   

     Қарағанды қаласында IX қалалық «Жыл оқушысы-2020» байқауының екінші кезеңі болып өтті. Байқауға Қарағанды қаласының 55 білім беру ұйымдарының 6-11 сыныптарынан 124 оқушы қатысты.     Байқауға қатысушылардың  шешендік шеберліктерін танытатын бұл кезең «Мен-көшбасшымын» деп аталады. Байқауға қатысушылар ұсынылған 12 тақырыптың біреуінің мағынасын өз көзқарасына қарай аша білулері керек болатын.       Әділқазылар алқасының мүшелері байқауға қатысушыларды келесі    критерилер бойынша бағалады: • тақырыпқа сәйкестігі, толық ашылуы, тұтастығы, дәлелділігі, негізгі ойдың тереңдігі, өзіндік сөз сөйлеу мәнері; • дәлдігі, сөз сөйлеу мәнерінің байлығы мен анықтығы, қазіргі қазақ және орыс тілдерінің сөйлеу нормаларының сақталуы, ой жүйесінің аяқталуы, сөйлемді дұрыс құрастырау алуы, сөздегі екпін, сөйлеу стилінің бірлігі,  анық, нақты сөйлей білуі; • баяндаудың сонылылығы, мазмұндаудың ерекшелігі; • көрнекілігі, актерлік шеберлігінің деңгейі, баяндау қуаты;      Бірінші және екінші кезең нәтижелері бойынша байқаудың ІІІ кезеңіне (Оқушының жеке жетістіктері Портфолиосы ұсынылды) 63 оқушы өтті.

     Қарағанды қаласының білім бөлімі 2020 жылдың 3-4 наурызында №9 гимназия (Октябрь ауданының мектептері үшін) және №27 НОМ (Қазыбек би ауданының мектептері үшін) базасында футбол бойынша «Басқарылатын роботтар футболы» қалалық чемпионаты өтті.       Чемпионатқа қаланың 23 білім ұйымынан 29 команда, 5-11 сынып оқушылары қатысты.        Төменгі топ: 1 орын –№9 гимназия; 2 орын –№92 гимназия; 3 орын –№103 мектеп-лицейі.       Жоғары топ: 1 орын – №23 ЖББОМ; 2 орын – №34 ЖББОМ; 3 орын –   Ғ. Мұстафин ат. №83 ЖББОМ. Құттықтаймыз!

     «Қарағанды қаласы білім бөлімі» ММ Қарағанды облысы төтенше жағдайлар Департаментімен бірге 2020 жылдың 02 наурызы күні Қарағанды қаласының барлық білім беру ұйымдарында азаматтық қорғаныс және төтенше жағдайлардың алдын алу бойынша «Өртті оқшаулау мен жою және зардап шеккендерге көмек көрсету барысында азаматтық қорғаныс құрамалары мен педагогикалық құрамның басшылық құрамының, жеке құрамының іс-әрекеттері» тақырыбында іс-шаралар өткізді.      Төтенше жағдайларды жою барысында дұрыс, негізделген шешімдерді әзірлеуде басшылық, азаматтық қорғаныс штабының және құрамалар командирлері мен педагогикалық құрамның практикалық дағдыларын жетілдіру бойынша оқу мақсаттары пысықталды.  Сонымен қатар, азаматтық қорғаныс құрылымдарының апаттар мен дүлей зілзалалардың салдарын жою барысында құтқару және басқа да жұмыстарды орындауға дайындық деңгейіне тексеру жүргізілді. 

2020 жылдың 29 ақпанында "Қарағанды қаласының білім бөлімі" ММ және Қарағанды қаласының мектепке дейінгі ұйымдары "Рухани жаңғыру"  бағдарламасын жүзеге асыру мақсатында, "Ұлы дала мұрагерлері" атты форум өткізді, оған 400-дей тәрбиеленушілер,  300 педагогтер және 1000 аса ата-аналар қатысты. Форум аясында "Шеберлер қаласы" жәрмеңкесі арқылы Түркістан, Отырар,  Сайрам,  Тараз қалаларындағы "Жібек жолы" көрсетілді. "Робототехника",                                               "Тоғызқұмалақ, шашки, шахмат", "Гидропоника" және "Зерек" сияқты мектепке дейінгілерге арналған ғылыми жобалар көрмесі ұйымдастырылды. Бөбекжай тәрбиеленушілері әлеуметтік тәжірибе "Екі апта ауылда", "Баланы жұмысқа ал" жобалары арқылы шеберлік- сыныптар көрсетті. "Bookkrossing" жобасын бөбекжайлар ауа шары түрінде ұйымдастырып,  форумға келген әр қонаққа ұшып келу арқылы  балалардың өз қолдарымен жасаған кітаптарын, іскерлік ойын түрлерін және үлкендерге арналған тапсырмаларды ұсынды. Балалардың орындауындағы "Жаса Қазақтан!" флеш мобы, 100 ән,  100 күй және  театрландырылған қойылым концерті форумның ең әсерлі сәтіне айналды. Біз форумда  рухани-адамгершілік  құндылықтарды қалыптастырудың үздіксіз қамтылуын, патриоттық тәрбие мен білім беруге, еліміздің өткен тарихын құрметтеуге, толеранттық пен  еңбекқорлыққа негізделген қазақстандық мәдениетті  жаңғырту арқылы  негізгі мақсатқа қол жеткіздік....

     28 ақпан күні № 1 гимназияда Қарағанды қаласы әкімінің орынбасары Н. Р. Бикеновтың қатысуымен білім ұйымдары басшыларының мәжілісі өтті.      Іс қағаздарын жүргізу бойынша тексеру қорытындылары қаралды, оның барысында жеке және заңды тұлғалардың өтініштерімен жұмыс істеу бойынша кемшіліктер анықталды. Сонымен қатар, оқушыларды әлеуметтік қолдауға қатысты нормативтік құжаттардағы өзгерістер басшыларға жеткізілді.

     "Қарағанды қаласының білім бөлімі" ММ Оңтүстік-Шығыста салынып жатқан "Оқушылар сарайын" қызметкерлермен толықтыру мақсатында, (№102 мектеп-гимназияға қарама-қарсы, Шахтерлер даңғылы, 66) келесі бағыттар бойынша қосымша білім беру педагогы лауазымына педагог қызметкерлер мен оларға теңестірілген тұлғалардан түйіндемелер жинайды: Хореография; Робототехника; Техникалық модельдеу және құрастыру; Бейнелеу өнері; Сәндік-қолданбалы өнер; Компьютерлік графика; Аспаптық өнер және вокал; Театр өнері; Сәулет және дизайн; Шахмат; Астрономия. Сондай-ақ келесі лауазымдарға түйіндемелер қабылданады: Педагог-ұйымдастырушы; Педагог-психолог; Жаттықтырушы-оқытушы; Әдіскер; Концертмейстер; Көркемдік жетекші; Хормейстер; Балетмейстер. Түйіндемелер келесі мекенжай бойынша қабылданады: Қарағанды қаласы, Степной-2 шағын ауданы, 53-59үй, "Қарағанды қаласының білім бөлімі" ММ, № 11 кабинет немесе ok@kargoo.kz электр. мекенжайға «РЕЗЮМЕ» деп жіберуге болады,анықтама телефоны: 8 (7212) 34-35-28.