2015 жылғы 15 наурызда кеншілер мәдениет Сарайында балалар мен жеткіншектер Сарайының «Волшебная страна» үлгілі би ансамблінің 15-жылдығына арналған мерекелік концерт өтті.  Бүгінгі күні ансамбльге 5-28 жас аралығындағы 400 жуық адам қатысады, 13 педагог жұмыс істейді. Ұжым Қарағандыда, Алматыда, Мәскеуде, Санкт-Петербургте, Днепропетровскте, Сочиде, Қорғанда, Саратовта, Түркияда, Мысырда, Грецияда, Испанияда, Италияда өткен әртүрлі конкурстар мен фестивальдердің Гран-при жүлдесінің 33 дүркін иегері, сондай-ақ Самарадағы, Қазандағы, Мәскеудегі,  Санкт-Петербургтегі, Башкириядағы және басқа қалалардағы беделді конкурстардың 1,2,3 дәрежелі Лауреаты болып табылады.     Ансамбль жетекшісі дарынды кәсіби педагог Вазем И.Ю., ол Қазақстандағы балалар хореографиясын дамытуға қосқан үлесі үшін бірнеше рет облыстық, республикалық және халықаралық  конкурстардың грамоталарымен және дипломдарымен марапатталды, ал 2010 жылы «Надежды Европы» Халықаралық фестивальдық қозғалыстың «Үміт» құрмет белгісінің иегері атанды. Вазем И.Ю. «Үздік хореограф» номинациясында мәдениет және өнер саласындағы Қарағанды облысы әкімінің сыйлығына да ие болды.    Мерекелік ісшарада Қарағанды қаласы әкімінің орынбасары И.Ю.Любарская құттықтау сөз сөйледі және ансамбль ұжымына 300 мың теңгеге сертификат табыстады. Ансамбльдің 15- жылдық мерейтойы құрметіне Қарағанды қаласы әкімінің құрмет грамотасымен ансамбльдің көркемдік жетекшісі  Вазем И.Ю., балейтместер Дедуренко Л.М., педагог Мурадов Р.С. марапатталды. Сондай-ақ, Қарағанды қаласы білім бөлімінің құрмет грамотасы, Қарағанды қаласының мәдениет және тілдерді дамыту бөлімінің алғыс хаты ансамбльдің 10 педагогіне табысталды.   Қарағанды қаласының білім бөлімі «Волшебная страна» ансамблін 15 жылдық мерейтойымен шын жүректен құттықтайды және...

Наурыз мейрамы қарсаңында Қарағанды қаласының білім бөлімімен 2015 жылғы 12 наурызында №41 орта мектепте «Ел бірлігі - татулық кепілі!» атты Қазақстан халқы Ассамблеясының 20-жылдығына арналған қалалық айтыскерлер сайысы өткізілді. Сайыс ұлттық мәдени құндылықтарды насихаттау, айтысты халық ауыз поэзиясы формаларының бірі ретінде дәріптеу; дарынды жастарды қолдау, сонымен қатар оқушыларға рухани-адамгершілік және патриоттық тәрбие беру мақсатында ұйымдастырылды. Оқушылар ән сайысы барысында өз пікірлерін білдіре отырып, домбырадағы тамаша ойнау шеберліктерін көрсетті. Айтыскерлер тәуелсіз Қазақстанның маңызды жетістіктері туралы айтып, елімізде ұлтаралық келісім мен бірлікті нығайтудағы Қазақстан халқы Ассамблеясының рөлін ерекше атап өтті. Сайыс қорытындысы бойынша жүлделі орындарға ие болғандар: I орын - Нығыметтола Ә. (№39 гимназия), II место - Социал Б. (№12 орта мектебі). Сонымен қатар, байқауға қатысқандарға Қарағанды қаласы білім бөлімінің алғыс хаты табыс етілді.

Ұлы Отан соғысы Жеңісінің 70-жылдығын мерекелеу аясында және Халықаралық әйелдер күні қарсаңында Қарағанды қаласының білім бөлімімен 2015 жылдың 4 наурызында келе жатқан мерекелермен Ұлы Отан соғысының ардагер-әйелдерді құттықтау акциясы өткізілді. Құрметті ардагерлеріміздің батырлығы мен ерлігі өз Отанына шексіз қызмет ету, биік рухтың және нағыз қайраттылықтың белгісі. Акция барысында соғыс жылдары көрсеткен ерлік пен батырлық үшін алғыс сөздер және ең жылы тілектер құрметті ардагерлеріміз Екатерина Степановна Гайдаренкоға, Серафима Григорьевна Пономареваға, Ольга Прохоровна Павленкоға айтылып, олар Ұлы Отан соғысы, қиын жылдардағы өмірлері туралы естеліктермен бөлісті. Барлық ардагерлерге сыйлықтар және «Гүлдер» балабақшасының, балалар мен жеткіншектер Сарайының тәрбиенушілері дайындаған кәдесыйлары табыс етілді. Ұлы Отан соғысының құрметті ардагерлерін жәнге қатысушыларын құттықтау акциялары білім ұйымдарымен де өткізілді.

2015 жылдың 27 ақпанында Қарағанды қаласының №5 ОМ Ресурстық орталығында Алматы қаласының Қазақ мемлекеттік қыздар педагогикалық университеті мектеп түлектері арасында «Ы.Алтынсарин – 2015» пәндік олимпиадасын өткізді.  Қарағанды қаласының білім бөлімі № 5 ОМ Ресурстық орталығы негізінде жоғары, орта арнайы оқу орындарымен бірлесе отырып, мектеп түлектерін педагогикалық кәсіпке бейімдеу жұмысын жыл бойы жүйелі түрде жүргізіп келеді. «Ы.Алтынсарин – 2015» олимпиадасы осы бағыттағы ісшаралардың бірі.  Еліміздің барлық өңірінде бір мезгілде жүргізілген олимпиадаға қаламыздың 37 білім ұйымдарынан 100-ден астам мектеп бітіруші қыздар қатысты. Олимпиада 8 пән бойынша өткізілді: қазақ тілі мен әдебиеті, орыс тілі мен әдебиеті, ағылшын тілі, физика, биология, география, дүниежүзі тарихы, химия.  2015 жылдың наурыз айында жеңімпаздар мен жүлдегерлер анықталады. 1, 2 және 3 орын иегерлері университет ректоры грантының иегері атанады.    

Қарағанды қаласының білім бөлімінің ұйымдастыруымен Ұлы Отан соғысы жеңісінің 70-жылдығына арналған мектеп жасына дейінгі балалар үшін «Толағай» спорттық жарысын өткізілді. "Толағай" спорттық жарысына қаламыздағы балабақшалардағы тәрбиеленіп жатқан балалардың отбасы қатысты. Бұл спорттық жарысқа 52 отбасы және әр балабақша мен шағын-орталықтан 1 отбасының командасы қатысты. Жарыстың мақсаты: отбасы спортық ойындарды ойнай отырып спортқа қызығушылығын арттыру және шапшаңдыққа, ептілікке баулу. Салауатты өмір сүруге тәрбиелеу, сауықтыру шараларын насихаттау және спорттық қозғалыс дағдыларын дамыту, дені сау жас ұрпақ өсіруге тәрбиелеу. Жарыста ұтқан командалардың қорытындысын Қарағанды қаласы білім бөлімінің грамоталарымен және сыйлықтарымен марапатталды.

Ұлы Отан соғысы Жеңісінің 70-жылдығын мерекелеу аясында 2015 жылдың 20 ақпанында Ю.Н. Павлов атындағы №35 орта мектебі аумағында Кеңес Одағының батыры Юрий Николавич Павловқа мемориалдық тақтаны ашу рәсімі өткізілді.  Ісшара «Ардагерлерді ардақтайық» партиялық жоба аясында «Нұр Отан» ХДП аудандық филиалының қолдауымен Октябрь ауданының ардагерлер Кеңесі және №35 орта мектебімен ұйымдастырылды. Салтанатты рәсімге Октябрь ауданы мен «Нұр Отан» партиясы аудандық филиалы, Қарағанды қаласы білім бөлімінің басшылығы, Ұлы Отан соғысының ардагерлері, құқық қорғау органдардың, әскери бөлімшелер және әскери кафедралардың өкілдері және басқалары қатысты.  Ісшарада арнайы шақырылған қонақтар сөз сөйлеп, №35 орта мектебі кадет сыныптарының оқушылары өз қойылымдарын ұсынды.   Сонымен қатар, ісшара барысында барлық қатысушылар үшін мектептегі Әскери Даңқ мұражайына экскурсия жасалып, мерекелік концерттік бағдарлама ұйымдастырылды.  

19.02.2015 жылы «Ә.Бөкейхан атындағы №76 ЖББОМ» КММ «Алаш көсемі-Әлихан» тақырыбында қалалық ғылыми-тәжірибелік конференция өтті.  Конференцияның негізгі мақсаты ұлттық тарихты насихаттау, шығармашыл тұлға қалыптастыру. Конференцияның негізгі міндеттері: - жасөспірімдердің интеллектуалдық шығармашылығын дамыту және оларға қолдау көрсету; -Әлихан Бөкейхан өмірі мен саяси қызметін зерттеу, шығармаларын   насихаттау; -бәсекеге қабілетті тұлғаның шығармашылық құзіреттілігін дамыту.        Конференция алқа мәжілісімен басталып,  ҚББ басшысының орынбасары  Р.А.Кенешованың құттықтау сөзімен ашылды.  Секциялық отырыстар 3 бағытқа бөлінді. 1-бағыт «Ә. Бөкейханның «Алаш» партиясындағы саяси қызметіне талдау , оның партия қызметіне қосқан жеке үлесі.  «Алаш» партиясының басқа да қайраткерлері  қызметіне талдау».   2-бағыт «Алаш» партиясының қызметін оқыту арқылы  өскелең ұрпақтың саяси санасын қалыптастыру  3-бағыт «Өлке тарихы – ел тарихы».     «Алаш көсемі-Әлихан» қалалық ғылыми-тәжірибелік конференцияға 185 қатысушылардың мақалалары жинаққа еніп, сертификатқа ие болды. Әрбір бағыт бойынша 10 мақала қорғалып, үздік мақалалар анықталды. 15 үздік жұмыс «Грамотамен»,  «Алғыс хатпен», конференцияға белсене қатысып, мағыналы мақала ұсынғаны үшін 4 мектеп «Алғыс хатпен» марапатталды. 

Балалар мен жеткіншектер Сарайында 2015 жылдың 18 ақпанында «Қалқан» әскери-спорттық ойынның бірінші кезені, анық айтқанда сахналандырылған әскери-патриоттық әндер байқауы өткізілді. Ұлы Отан соғысы Жеңісінің 70-жылдығын мерекелеу аясында және Совет әскерінің Ауғаныстаннан шығарылуының 26-жылдығына арналған бұл байқауға Қарағанды қаласындағы 40-тан астам білім ұйымдарының оқушылары қатысты. Байқау өскелең ұрпаққа әскери-патриоттық тәрбие беру, ұрпақ сабақтастығын нығайту, сонымен қатар оқушылардың шығармашылық қабілеттерін дамыту мақсатында ұйымдастырылды. Байқаудың қорытындысы бойынша жүлделі орындарға ие болғандар: 1 орын - №9 гимназия; 2 орын - №77 МББК, №95 мектеп-гимназия; 3 орын - №10 ОМ. Ойынның екінші кезеңі ағымдағы жылдың сәуір айында өткізіледі.

Балалар мен жеткіншектер Сарайында 2015 жылдың 6 ақпанында Қазақстан халқы Ассамблеясы жылының басталуы аясында «Татулық пен келісім - Қазақстан-елі үшін!» атты мерекелік концерттік бағдарлама өткізілді.  Мерекелік ісшара барысында ағымдағы жылдың маңызды оқиғаларға, оның ішінде Қазақ хандығының 550-жылдығына, Ұлы Отан соғысы Жеңісінің 70-жылдығына, Қазақстан Республикасы Конституцияның 20-жылдығына ерекше назар аударылды. Мереке барысында қатысушыларды, атап айтқанда педагогикалық еңбек ардагерлерін, шақырылған қонақтарды, мектеп педагогтар мен оқушыларды, сонымен қатар ата-аналар қоғамдастығы өкілдерін Қарағанды қаласы әкімінің орынбасары И.Ю. Любарская құттықтады.  «Халықтар достығы» атты музыкалық бағдарламада балалар мен жеткіншектер Сарайының шығармашылық ұжымдарының, олардың ішінде «Волшебная страна», «Искорка», «Джеронимо» үлгілі би ансамбльдерінің,  «Куба» заманауи би мектебі, «Бозторғай» вокал студиясы тәрбиенушілерінің көрнекті өнер көрсетулері, сонымен бірге республикалық шығармашылық байқаулардың жеңімпазы Медет Мауияновтың жеке орындауындағы әндер ұсынылды.  Қазақстан халқы Ассамблеясы жылының басталуына арналған мерекелік ісшаралар қаланың барлық білім ұйымдарында өткізілді. 

Қарағанды қаласы білім бөлімінің бастамасымен 2015 жылғы 03 ақпанда Сәкен Сейфуллин атындағы Қазақ драма театрында Қарағанды қаласының әкімі Н.Е.Әубәкіровтің қатысуымен оқушылардың Республикалық олимпиадасы қалалық кезеңінің 197 жеңімпаздары мен жүлдегерлерін марапаттау салтанаты өтті.  Салтанатқа оқушылары өз пәндерінің білгірлері екенін дәлелдей алған 39 қала мектебінің өкілдері, мұғалімдер, ата-аналар, педагогикалық еңбек ардагерлері, қоғамдық ұйымдардың өкілдері қатысты.   Қарағанды қаласының әкімі Н.Е.Әубәкіров өз сөзінде қалалық олимпиаданың жеңімпаздарына былай деді: «Сендер біздің мақтанышымызсындар! Сердер тек өздерінді ғана емес, сонымен қатар өз мектептерінді де лайықты таныттындар. Өз ой-өрістеріннің кеңдігін, білімдеріннің тереңдігін, ойлау ұшқырлықтарынды, ал бастысы үздік болуға деген ынталарынды көрсеттіндер». Марапаттау салтанатында қала әкімі балалары соңғы 4 жыл бойы әртүрлі деңгейдегі пән олимпиадаларының жеңімпаздары және жүлдегерлері атанған  ата-аналарға алғыс хаттар табыс етті.  Оқушыларды және олардың мұғалімдерін құттықтауға Қарағанды қаласы мәслихатының хатшысы Қ.Н.Оспанов, Қарағанды мемлекеттік медициналық академияның ректоры, медицина ғылымының докторы, профессор Р.С.Досмағамбетова, педагогикалық еңбек ардагері, Қазақстан Республикасының білім беру ісінің Құрметті қызметкері, Ы.Алтынсарин атындағы төс белгінің иегері  М.К.Жошина, педагогикалық еңбек ардагері, «Нұр Отан» партиясы филиалының партиялық бақылау Комитетінің мүшесі Е.У.Акашев, Қарағанды қаласының жастармен жұмыс жөніндегі Орталықтың директоры Б.Н.Алимжанов, №38 гимназияның өткен жылғы түлегі, математикадан  халықаралық Азиялық-Тынық мұхиттық олимпиаданың жүлдегері, 2013 жылғы VI Президенттік олимпиаданың жүлдегері Быков Александр келді.  Олимпиада қорытындысы бойынша осы жылы № 38 гимназия командасы...

23 қаңтар күні № 5 мектепте думанды-жиынды күн болды: мектеп қабырғасында «Кәсіптер әлеміндегі түлек – 2015» атты кәсіби-бағытталған көрме өтті.  Көрмеде ақпараттық мәліметтер, тұсаукесерлер, таратпалы мағлұматтар, Қарағанды қаласының Медициналық академиясы, Техникалық университеті, колледждері студенттерінің жобалары ұсынылды.  Оңтүстік шығыстың 9-11 сынып оқушылары жоғары оқу орындары, колледж өкілдерімен кездесіп, тілдесіп, Қарағанды өңірінің еңбек нарығында сұранысқа ие мамандықтар туралы мәліметтер алды. Көрмеге мыңнан астам оқушылар, ата-аналар, ұстаздар қатысты. Осы күні Ы.Алтынсарин атындағы ұлттық білім академиясының, Қарағанды қаласы білім бөлімінің, Қарағанды мемлекеттік техникалық университетінің, Қарағанды мемлекеттік медициналық университеттің, аймақтық Қазақстан халқы ассамблеясының, Қарағанды облысы кәсіпкерлер палатысының, халықты жұмыспен қамту орталығының, ҚарМТУ жастарының «Жас Орда» студенттер активінің, № 5 ЖББОМ ММ «Танымгер» ресурстық орталығының қатысуымен дөңгелек үстел өтті.  

2015 жылдың 9-10 қаңтарында 15 жалпы білім беретін пәндерден оқушылардың Республикалық олимпиадасының ІІІ (облыстық) кезеңі өтті. Биылғы жылы олимпиаданың бұл кезеңінде Қарағанды қаласының 14 білім ұйымдарынан 48 оқушы қатысты. Оның ішінде 34 оқушы олимпиада жүлдегерлері және жеңімпаздары (1 орын – 10, 2 орын – 10, 3 орын – 14) атанды. Жеңімпаздарымыз олимпиаданың Республикалық кезеңінде Қарағанды қаласының абыройын қорғайтын болады.  Облыстық олимпиаданың жүлдегерлері және жеңімпаздары әр –түрлі білім салаларының ең үздігі аталуға мақтанарлық талпыныстарын көрсетті.  № 2 лицей, № 3, 38, 45, 93, 95, 97 гимназия, № 12, 16, 59 орта мектеп оқушылары жоғары көрсеткіштерге ие болы.  Қарағанды қаласы оқушылырының командасы тоғыз жыл қатар «Үздік олимпиадалық команда-2015 жыл» атағына ие болып отыр.     Облыстық олимпиаданың қатысушылар тізімі