Қарағанды қаласы білім бөлімінің бастамасымен 2015 жылғы 03 ақпанда Сәкен Сейфуллин атындағы Қазақ драма театрында Қарағанды қаласының әкімі Н.Е.Әубәкіровтің қатысуымен оқушылардың Республикалық олимпиадасы қалалық кезеңінің 197 жеңімпаздары мен жүлдегерлерін марапаттау салтанаты өтті.
Салтанатқа оқушылары өз пәндерінің білгірлері екенін дәлелдей алған 39 қала мектебінің өкілдері, мұғалімдер, ата-аналар, педагогикалық еңбек ардагерлері, қоғамдық ұйымдардың өкілдері қатысты.
Қарағанды қаласының әкімі Н.Е.Әубәкіров өз сөзінде қалалық олимпиаданың жеңімпаздарына былай деді: «Сендер біздің мақтанышымызсындар! Сердер тек өздерінді ғана емес, сонымен қатар өз мектептерінді де лайықты таныттындар. Өз ой-өрістеріннің кеңдігін, білімдеріннің тереңдігін, ойлау ұшқырлықтарынды, ал бастысы үздік болуға деген ынталарынды көрсеттіндер».
Марапаттау салтанатында қала әкімі балалары соңғы 4 жыл бойы әртүрлі деңгейдегі пән олимпиадаларының жеңімпаздары және жүлдегерлері атанған ата-аналарға алғыс хаттар табыс етті.
Оқушыларды және олардың мұғалімдерін құттықтауға Қарағанды қаласы мәслихатының хатшысы Қ.Н.Оспанов, Қарағанды мемлекеттік медициналық академияның ректоры, медицина ғылымының докторы, профессор Р.С.Досмағамбетова, педагогикалық еңбек ардагері, Қазақстан Республикасының білім беру ісінің Құрметті қызметкері, Ы.Алтынсарин атындағы төс белгінің иегері М.К.Жошина, педагогикалық еңбек ардагері, «Нұр Отан» партиясы филиалының партиялық бақылау Комитетінің мүшесі Е.У.Акашев, Қарағанды қаласының жастармен жұмыс жөніндегі Орталықтың директоры Б.Н.Алимжанов, №38 гимназияның өткен жылғы түлегі, математикадан халықаралық Азиялық-Тынық мұхиттық олимпиаданың жүлдегері, 2013 жылғы VI Президенттік олимпиаданың жүлдегері Быков Александр келді.
Олимпиада қорытындысы бойынша осы жылы № 38 гимназия командасы «Үздік олимпиадалық команда» деп танылды. Үздік командамен қатар № 97,93,3 гимназиялардың, №2 лицейдің, №53 МЛ, №12,66,68,77 мектептердің командалары аталды, олар олимпиаданың нәтижелері бойынша үздік ондықтың қатарына кірді. Жұмыстары лайықты нәтижелер көрсетіп жатқан осы мектептердің әкімшілігіне және педагогикалық ұжымдарына алғыс сөздер айтылды.
Балалар мен жеткіншектер сарайының «Сиқырлы ел» үлгілі хореографиялық ансамблінің, «Бозторғай» вокалды студиясының, «Куба» брейк-данс тобының, № 2 ӨМ «Балкерей» дуэтінің, Қ.Байжанов атындағы Концерттік бірлестік солисттерінің өнер көрсетулері салтанатқа ерекше мерекелік көңіл -күй сыйлады.
