Қарағанды қаласы білім бөлімінің бастамасымен Қазақстан Республикасының Тәуелсіздігі күнін мерекелеу қарсаңында 2015 жылдың 12 желтоқсанында Қарағанды мемлекеттік медицина университетінде Елбасы Н.Ә.Назарбаевтың бастамасымен 2011 жылы құрылған Республикалық бірыңғай «Жас Ұлан» балалар мен жасөспірімдер ұйымы көшбасшыларының бірінші қалалық слеті өткізілді. Қазіргі таңда өз қатарына 12 мыңнан астам қарағандылық оқушыны біріктірген «Жас Ұлан» БЖҰ жұмысының негізгі мақсаттары өскелең  ұрпақтың  патриоттық сезімдерін арттыру, оқушылардың қоғамдық, әлеуметтік, танымдық және шығармашылық қабілеттерін дамыту, оқушы жастардың әлеуметтік маңызы бар бастамаларын  жүзеге  асыру болып  табылады. Қалалық слетке қатысушыларды Қарағанды қаласы әкімінің орынбасары И.Ю. Любарская құттықтады. Осыған қоса салтанатты ісшараға педагогикалық еңбек ардагерлері, Қарағанды қаласының білім қызметкерлері кәсіподақ ұйымдарының төрағалары, Қарағанды қаласының жастармен жұмыс жасау Орталығының басшылығы, білім ұйымдарының директорлары және Қарағанды облысы бойынша «Жас Ұлан» БЖҰ үйлестірушісі М.Т. Абдрахманова қатысты. Слетте №9, 41, 77, 93, 95, 97, 101 білім ұйымдары «Жас Ұлан» БЖҰ жұмысының негізгі 7 бағыты бойынша                   үгіт көріністерін көрсетті: «Отан» (патриоттық), «Зерде» (интеллектуалдық), «Руханият» (рухани-адамгершілік), «Жеты жарғы» (құқықтық), «Салауат» (салауатты өмір салтын насихаттау), «Еңбек» (еңбек бағыты), «Экоәлем» (экологиялық). Сонымен қатар, слет барысында «Жас Ұлан» БЖҰ қатарына тағы 50 жас белсенділерді қабылдау, сонымен бірге «Жас Ұлан» БЖҰ жұмысына және әртүрлі ісшараларға белсенді қатысқан «жас ұландықтарды»...

Қоғамның зерделі таңдаулыларды қалыптастырудың тиімді бір жолы -  оқушылар арасында  жалпы білім беретін пәндер бойынша оқушылардың Республикалық олимпиадасын өткізу.  Олимпиада оқушылар мен ұстаздардың өзін көрсете білуіне мүмкіндік бере отырып,  дарынды жастарды анықтауға және талантты жастардың одан әрі дамуына мүмкіндік туғызады, оқушылардың  зияткерлік іс-әрекетін ұйымдастырады.    Республикалық олимпиада 5 кезеңде өткізіледі.  2015 жылдың қараша айында Қарағанды қаласының барлық мектептерінде  І-ші  (мектепішілік)  кезең өтті.  Оқушылардың ғылыми жұмысқа және жеке пәндерді тереңдетіп оқып-үйренуде  қызығушылықтарының артуын олимпиадаға қатысушылар санының жыл сайын көбеюінен  байқауға болады. Осы күндері  Қарағанды қаласында өткізіліп отырған олимпиаданың  ІІ кезеңінде (қалалық)  өздерінің зерделі қабілеттері мен білімдерін көрсетуге мектепішілік кезеңнің 1500 жеңімпазына тамаша мүмкіндік берілді. Биылғы жылы  ағылшын, қазақ, орыс тілдері, Қазақстан тарихы, география, математика пәндері   танымал пәндер болып табылды.  Пәндік олимпиадалар Қарағанды қаласының сегіз білім ұйымында (№ № 3, 16, 23, 39, 57, 58, 81, 95) өткізілді. Қалалық олимпиада – оқушылар мен тәлімгерлер үшін  өте маңызды сынақ. 2016 жылдың қаңтар айында өтетін облыстық кезеңде жеңімпаздар Қарағанды қаласының намысын қорғайтын болады. Қарағанды қаласының білім бөлімі 2015-2016 оқу жылында  оқушылар Қарағанды қаласын  тек облыстық қана емес, республикалық кезеңде де лайықты түрде көрсететіндеріне сенеді, әрі  қалалық олимпиаданың барлық қатысушылары мен тәлімгерлеріне сәттілік, шығармашылық жеңіс, ғылыми жаңалықтар мен жаңа биіктерге жете берулерін тілейді.

 2015 жылдың 23-26 қарашада аралығында Қазақстан Республикасының Тәуелсіздік Күнін және Тұңғыш Президент Күнін мерекелеу қарсаңында ҚР Білім және ғылым миистрлігімен Теміртау қаласында республика мектептерінің 11 сынып оқушылары арасында жаратылыстану-математикалық бағытындағы пәндер бойынша VIII Президенттік олимпиаданың қорытынды кезеңі өтті. Мемлекет басшысы Н.Ә.Назарбаевтың жеке тапсырмасы бойынша өткізілетін олимпиаданың басты идеясы - отаншылдық рухты,  интеллектуалды,  мықты, жоғары білімді қазақстандық оқушыларды тәрбиелеу және жаратылыстану-математикалық ғылымды тереңдеп оқу. Президенттік олимпиаданы жүргізу барысында дарынды балаларды анықтау және іріктеу  үшін әртүрлі тәсілдер қолданылды: олимпиаданы on-line түрде өткізу, тест жүргізу, эссе жазу, теориялық және тәжірибелік тапсырмаларды орындау. Олимпиада небәрі сегізінші рет жүрізіліп отырса да республикамыздың ұстаздары, оқушылары мен ата-аналары арасында жағымды пікірге ие болды. Қорытынды кезеңге ҚР 18 өңірінен барлығы 165 оқушы қатысты. Қарағанды облысынан   барлығы  9 оқушы қатысып, оның ішінде 2 оқушы Қарағанды қаласы білім ұйымдарының намысын қорғады (№2 лицей – 1 оқушы, №38 гимназия – 1 оқушы). Қарағанды облысынан 3 қатысушысы қола медальдармен және ІІІ дәрежелі дипломдармен марапатталды. Оның ішінде «№2 лицей» КММ 11 сынып оқушысы Трухин Илья бар. Республика мектептерінің 11 сынып оқушылары арасында жаратылыстану-математикалық бағытындағы пәндер  бойынша  VIII Президенттік олимпиаданың жеңімпаздары Қазақстан Республикасы жоғары оқу орындарының грант иегерлері атанды. Жеңімпаздарды, білім ұйымдарын, ұстаздарды және ата-аналарды VIII Президенттік олимпиаданың сәтті аяқталуымен құттықтаймыз! 

2015 жылдың 23-26 қараша аралығында Қарағанды және Теміртау қалаларында жаратылыстану-математикалық бағытындағы пәндер бойынша VIII Президенттік олимпиаданың қорытынды (республикалық) кезеңі өтеді. Бұл кезеңге Қазақстан Республикасының барлық өңірінен 11 сыныптың 165 оқушысы қатысады. Қарағанды облысы командасының намысын  9 оқушы қорғамақ, оның 2 оқушысы Қарағанды қаласының білім ұйымдарында оқиды. Олар: 1. Трухин Илья –№ 2 лицей; 2. Андрейченко Дарья –№ 38 гимназия. 22-23 қарашада Қарағандыға келген командалардың  қатысушыларын Қарағанды қаласы білім ұйымдарының өкілдері қарсы алды.  23 қарашада Теміртау қаласының  Қарағанды мемлекеттік индустриялық университетінде VIII Президенттік олимпиаданың ашылу салтанаты өтеді. Барлық қатысушыларға қорытынды кезеңді сәтті және лайықты өтуді тілеміз. Ең мықтылар жеңсін!

Қарағанды қаласының білім бөлімі облыстық салауатты өмір салтын қалыптастыру Орталығымен бірлесіп  профессор Х.Ж. Макажанов атындағы травматология және ортопедия облыстық Орталығы дәрігерлерінің қатысуымен 2015 жылдың 30 қазанында №36 ОМ негізінде дәрігер ортопед-травматолог, медицина ғылымдарының докторы, профессор Х.Ж. Макажановтың 100-жылдығына арналған «Жас макажановшы» қалалық байқауын өткізді.   Қала мектептерінің 5-7 сынып оқушылары қатысқан байқау оқушыларда қауіпсіз іс-тұрыстың пайдалы дағдыларын қалыптастыру, салауатты өмір салты туралы білімді насихаттау, балалар жарақаттануының алдын алу мақсатында өткізілді.  Байқауға қатысушылар зардап шеккен адамға алғашқы жәрдем көрсету: қолдан тыныс алдыру, әртүрлі тақғыш түрлерін тағу, таңғыш қалағыш салу, зембілмен тасымалдау және басқа да икемділіктерін көрсетті. Байқаудың қорытындысы бойынша жүлделі орындарға ие болғандар: №81 ОМ (1 орын), №100 НМ (2 орын), №36 ОМ (3 орын).

Балалар мен жеткіншектер Сарайында 2015 жылғы 28 қазанында ту көтеруші топтардың VI облыстық байқауының I кезеңі өткізілді.  Аталған ісшараға Қарағанды қаласының 60 астам мектептері қатысты. Байқау оқушыларға әскери-патриоттық тәрбие беру, олардың белсенді азаматтық ұстанымдарын қалыптастыру, сонымен қатар Қазақстан Республикасының мемлекеттік рәміздеріне құрметпен қарауды тәрбиелеу мақсатында ұйымдастырылды. Облыстық байқаудың I кезеңінің қорытындысы бойынша жүлделі орындарға келесі қала мектептері ие болды: №45 гимназия, №58 ОМ, №101 мектеп-лицей (1 орын); №32 ОМ, №51 ОМ, №62 ОМ (2 орын); №25 ОМ (3 орын). Сонымен қатар,  ағымдағы жылдың 2 желтоқсанында өткізілетін облыстық байқаудың финалына қаланың тағы 13 мектебі өтті.

2015 жылдың 13 қазан айында Қарағанды қаласының гимназия, лицей және жалпы білім беретін 11 сынып оқушылар арасында математика, физика, биология, химия пәндері бойынша VIII Президенттік олимпиаданың II (қалалық) кезеңі өтті. Дәстүр бойынша олимпиада КММ «№ 2 лицейінде» өтті. Мұнда Қарағанды қаласының 36 білім мекемесінен 127 11 сынып оқушылары қатысты. Олимпиаданың қатысушысына математика, физика, биология және химия пәндерінен тапсырмалар берілді.  Олимпиада тапсырмаларын орындауға 4 астрономиялық сағат берелді. Жұмыстар пәндік қазылар алқасымен тексеріліп, №2 лицей, №53 МЛ, №23 ЖББОМ, №1, 38 гимназиялар оқушыларының жұмыстары жоғары бағаланды.  Олимпиада нәтижелерімен мұнда танасуға болады.

Қарағанды қаласының әкімдігінде 2015 жылдың 7 қазанында «Мектепке жол» атты жалпы республикалық қайырымдылық акциясына жыл сайын белсенді қатысатын демеушілермен Қарағанды қаласы әкімінің орынбасары И.Ю. Любарскаяның кездесуі өткізілді.  «Балаларға бірге көмек берейік!» ұранымен ағымдағы жылдың 1 тамызы мен 30 қыркүйегі аралығында өткен бұл акция аясында жалпы 6 мыңнан астам балаға әртүрлі демеушілермен мектеп және спорттық форма, күзгі киім, кеңсе жабдықтары түрінде көмек көрсетілді. Кездесу барысында Қарағанды қаласы әкімінің орынбасары И.Ю. Любарская барлық демеушілерге алғыс айтып, «Еуразиялық банкі» АҚ, «Сбербанк» АҚ, «ЦентрКредит банкі» АҚ, «Дельта Банк» АҚ, «Елдос» ҚҚ, «Кредо» ҚБ, «Қазақмыс Корпорациясы-Қарағанды құю-машина жасау зауыты» ЖШС, «Жакко Караганда» ЖШС, «ЕР-АРС» ЖШС басшыларына, сонымен қатар жеке кәсіпкерлер С.П. Буденковаға, А.В. Авиловқа Қарағанды қаласы әкімдігінің алғыс хатын табыстады.  Қарағанды қаласының білім бөлімі «Мектепке жол» акциясы аясында балаларға көмек көрсеткен барлық демеушілерге алғыс айтады және атқарып жатқан жұмыстарында табыс тілейді

Дарындылықты дамытудың мемлекеттік бағдарламасын жүзеге асыру аясында Қарағанды қаласының әкімшілігі осымен 9 жыл бойы қала мектептерінің   әртүрлі ғылым, өнер және спорт бағыттарындағы дарынды оқушыларды демалдыру және сауықтандыруға қажетті қаражат бөліп келеді.  2015 жылдың 1-11 қазан аралығында өзінің мәңгілік жасыл табиғи байлығымен ерекшеленетін және ең керемет жерлердің бірі болып саналатын Бурабай шипажай аймағындағы Қатаркөл өзенінің жағасында орналасқан «Discovery-Borovoe» атты көңіл көтеру-сауықтандыру орталығына Қарағанды қаласының білім бөлімі  168 оқушы жіберді.  Орталықта балаларға емдеу қызметтері (массаж, фитотерапия, физиопроцедуралары, ЛФК, магнитотерапия, шунгитотерапия, СПА-процедурлар), бағдарламалық материал бойынша (қазақ тілі, орыс тілі, ағылшын тілі, математика) пәндері ұстаздарының қатысуымен өтетін дамыту сабақтары, таза ауада серуендеу, ойындар, спорттық сабақтар, би кештері мен әртүрлі қызықты көңіл көтеру іс-шаралары ұсынылады.

Білім қызметкерлерінің кәсіби мерекесі - Мұғалімдер күні қарсаңында С. Сейфуллин атындағы  Қарағанды облыстық қазақ драма театрында 2015 жылғы 30 қыркүйекте жалпы білім беретін, мектепке дейінгі және қосымша білім беретін ұйымдары педагогтарының арасында өткізілген «Қарағанды қаласының жыл мұғалімі - 2015» қалалық байқауының қорытындысын шығару бойынша салтанатты ісшара өткізілді.  Мерекеге орай қаланың мұғалімдер қауымын Қарағанды қаласының әкімі Н.Е. Әубәкіров, қалалық мәслихат депутаты Қ.Н. Оспанов құттықтап, білім беру ұйымдарының басшыларына, қала мұғалімдеріне және педагогикалық еңбек ардагерлеріне Құрмет грамоталарын, алғыс хаттарын табыс етті. Ісшара барысында аталған байқаудың финалына өткен 10 педагог қазылар алқасының шешімімен әртүрлі номинациялар бойынша дипломдармен және сертификаттармен марапатталды: «Педагогикалық дебют» - Конкаева С.Т., «Бәйтерек» балабақшасының қазақ тілі пәні мұғалімі; «Зеректігі мен тапқырлығы үшін» -Мясников Е.А., №93 гимназияның тарих пәні мұғалімі; «Экспериментатор-ұстаз» - Ковалевская О.Н., №30 орта мектептің математика пәні мұғалімі; «Тәлімгер ұстаз» - Бекжігіт Б.С., №1 өнер мектебінің домбыра және қобыз пәні мұғалімі; «Жаңашыл ұстаз» - Вострикова О.А., №95 мектеп-гимназияның музыка пәні мұғалімі; «Бірегейлік пен шығармашылық» - Исбекова Б.А., №101 мектеп-лицейдің қазақ тілі мен әдебиеті пәні мұғалімі; «Шеберліктің үлгісі» - Аринов О.С., №32 орта мектептің қазақ тілі мен әдебиеті пәні мұғалімі; «Көптілдік ортаны ұйымдастырушы» - Желязо О.В., №53 мектеп-лицейдің ағылшын тілі пәні мұғалімі; «Өнерге адалдығы үшін» - Кенжебаева А.Х., Қ. Аманжолов атындағы балалар музыка мектебі дайындық тобының  педагогы; «Балалық шақтан естелік» - Петрушина Ж.О., «Алпамыс»...

Қарағанды қаласының білім бөлімі Қарағанды қаласының төтенше жағдайлар жөніндегі Басқармасымен бірлесіп, 2015 жылдың қыркүйек айынан бастап 1-8 сынып оқушылары үшін қауіпсіздік техникасы жөніндегі алдын алу ісшараларын ұйымдастыру бойынша жұмыс атқаруда. Өрте қарсы қауіпсіздік мәселесіне арналған бірінші алдын алу ісшараларымен қала мектептерінің 300 астам оқушылары қамтылды. Ісшара барысында оқушыларға қауіпсіздік ережелері түсіндіріліп, ескерту қағаздары таратылады және ісшараның тақырыбына арналған мультфильм көрсетіледі. Алдын алу ісшаралары балалармен оқу жылы бойы өткізіледі.

Қаланың білім беру ұйымдарында 2015 жылғы 1 қыркүйекте жаңа 2015-2016 оқу жылының басталуына арналған салтанатты жиындар өткізілді.  Салтанатты жиындарға оқушылар, педагогтар, ата-аналар, сонымен қатар арнайы шақырылған қонақтар, олардың ішінде қала және облыс басшылығы, әкімдіктер мен мемлекеттік мекемелердің өкілдері, ардагер ұстаздар, қалалық білім бөлімінің мамандары қатысты. Білім күнімен және жаңа оқу жылының басталуымен №93 гимназияның оқушыларын және педагогтарын Қарағанды қаласының әкімі Н.Е. Әубәкіров құттықтады. Салтанатты ісшара соңында қала әкімі Н.Е. Әубәкіров спорттық және акт залдарын, хореография залын, бастауыш сыныптарға арналған ойын блок-секциясын, e-learning серверлық кабинетін, біліктілік орталығын, оқу кабинеттерін аралады. Жалпы жаңа оқу жылында мектеп табалдырығын алғашқы рет 7 мыңнан астам бірінші сынып оқушылары аттады. Ал қала бойынша оқушылардың жалпы саны 60 мыңға жуық оқушыны құрайды. Салтанатты жиындардан соң оқушылар бірінші сабаққа қатысты, сонымен бірге 1 сынып оқушылары   «Менің Отаным-Қазақстан» атты Елбасы Н.Ә. Назарбаевтың кітабымен танысты. Қарағанды қаласының білім бөлімі қала мектептерінің оқушылары мен педагогтарын жаңа оқу жылымен құттықтай отырып, жаңа жетістіктер мен табыс тілейді!