Білім қызметкерлерінің кәсіби мерекесі - Мұғалімдер күні қарсаңында С. Сейфуллин атындағы Қарағанды облыстық қазақ драма театрында 2015 жылғы 30 қыркүйекте жалпы білім беретін, мектепке дейінгі және қосымша білім беретін ұйымдары педагогтарының арасында өткізілген «Қарағанды қаласының жыл мұғалімі - 2015» қалалық байқауының қорытындысын шығару бойынша салтанатты ісшара өткізілді.
Мерекеге орай қаланың мұғалімдер қауымын Қарағанды қаласының әкімі Н.Е. Әубәкіров, қалалық мәслихат депутаты Қ.Н. Оспанов құттықтап, білім беру ұйымдарының басшыларына, қала мұғалімдеріне және педагогикалық еңбек ардагерлеріне Құрмет грамоталарын, алғыс хаттарын табыс етті.
Ісшара барысында аталған байқаудың финалына өткен 10 педагог қазылар алқасының шешімімен әртүрлі номинациялар бойынша дипломдармен және сертификаттармен марапатталды: «Педагогикалық дебют» - Конкаева С.Т., «Бәйтерек» балабақшасының қазақ тілі пәні мұғалімі; «Зеректігі мен тапқырлығы үшін» -Мясников Е.А., №93 гимназияның тарих пәні мұғалімі; «Экспериментатор-ұстаз» - Ковалевская О.Н., №30 орта мектептің математика пәні мұғалімі; «Тәлімгер ұстаз» - Бекжігіт Б.С., №1 өнер мектебінің домбыра және қобыз пәні мұғалімі; «Жаңашыл ұстаз» - Вострикова О.А., №95 мектеп-гимназияның музыка пәні мұғалімі; «Бірегейлік пен шығармашылық» - Исбекова Б.А., №101 мектеп-лицейдің қазақ тілі мен әдебиеті пәні мұғалімі; «Шеберліктің үлгісі» - Аринов О.С., №32 орта мектептің қазақ тілі мен әдебиеті пәні мұғалімі; «Көптілдік ортаны ұйымдастырушы» - Желязо О.В., №53 мектеп-лицейдің ағылшын тілі пәні мұғалімі; «Өнерге адалдығы үшін» - Кенжебаева А.Х., Қ. Аманжолов атындағы балалар музыка мектебі дайындық тобының педагогы; «Балалық шақтан естелік» - Петрушина Ж.О., «Алпамыс» балабақшасының музыкалық жетекшісі.
«Қарағанды қаласының жыл мұғалімі - 2015» қалалық байқауының келесі санаттар бойынша жеңімпаздары: «Мектепке дейінгі ұйымның үздік педагогы» - «Алпамыс» балабақшасының музыкалық жетекшісі Петрушина Ж.О., «Қосымша білім беретін ұйымның үздік педагогы» - №1 өнер мектебінің домбыра және қобыз пәні мұғалімі Бекжігіт Б.С., «2015 жылдың үздік мұғалімі» №32 орта мектептің қазақ тілі мен әдебиеті пәні мұғалімі Аринов О.С.
Сонымен қатар, ісшарада балалар мен жеткіншектер Сарайының «Волшебная страна» үлгілі би ансамблі, «Бозторғай» вокал студиясы, №39 гимназияның «Шолпан» үлгілі би ансамблі, Тәттімбет атындағы өнер колледжінің «Кең дала» хор ұжымы және домбырашылар ансамблі, Қ. Байжанов атындағы концерттік бірлестіктің солисті Гүлбану Серікова, №2 балалар музыка мектебінің солисттері сазды құттықтауларымен бөлісті.
Қарағанды қаласының білім бөлімі қала педагогтарын кәсіби мерекемен құттықтайды және зор денсаулық, шығармашылық табыс пен жаңа жетістіктер тілейді!
