Ата – ана! Сіздің хабарламаңызға орай гимназия төмендегідей жайды мәлімдейді: Гимназияның оқу – тәрбие жұмысы жоспарына сәйкес, гимназия оқушыларының білім сапасы бақыланып, қадағаланып, сарапталып, салыстырмалы мониторинг жасалып отырады. Нәтижесі жоспарға сәйкес кафедра отырысында, әдістемелік кеңесте қаралады, тиісті шешім шығарылып, алдағы уақытқа бағыт – бағдар белгіленіп, жұмыс жалғастырылады. Айта кету керек, гимназияда білім сапасы жағынан жоғары көрсеткіш көрсетіп отырған да – бастауыш сынып. Ал, хатта баяндалғандай, білім көрсеткіші оқушылардың материалдық жағдайымен бағаланады деген сөзіңіз, ақша жинау туралы айтылған мәселе де жалпылама жазылғандықтан негізсіз деп есептейміз. Гимназияда ата –аналар тарапынан демеушілік көмек көрсетуге ниет білдірушілер үшін, «Халық банкінен» арнаулы есеп шоты бар. Хатта көрсетілген ашық сабақ мәселесіне тоқталсақ, гимназия 2013/2014 оқу жылынан бастап Облыстық оқу – әдістемелік орталықтың ұсынысымен «Өзін – өзі тану» рухани – адамгершілік білім бағдарламасы бойынша эксперименттік жұмыс жүргізуде. Сол себепті кезекті республикалық семинарға қатысушыларды эксперимент барысымен таныстыру мақсатында сыныптағы оқушы саны көп болғандықтан тек 2а сыныбымен ғана І ауысымға шақырылып, шағын топпен жұмыс түрлері көрсетілген болатын. Ал сол күні ІІ ауысымда сабақ кестеге сай жүргізілді.
