Қош келдің, Әз Наурыз!

     2012 жылдың 21-наурызында Қарағанды қаласының Ю.Н. Павлова атындағы № 35 жалпы білім беретін орта мектебінің ұстаздары мен оқушылары, ата – аналары, шағын ауданның тұрғындары «Наурыз» мерекесін ерекше атап өтті. Наурыз мерекесін мектеп оқушылары жылдан-жылға асыға күтетіні сөзсіз. Мерекелік шараға арнайы киіз үй тігіліп, бауырсақ, наурыз көже пісіріліп, қазан асылып, мектеп табалдырығына қадам басқан қонақтарға сый көрсетілді. Іс-шараның сүйіншісі - жиналған мыңнан аса халыққа тігілген киіз үй мен дайындалған концерттік бағдарлама. Тамаша өнерлерін ортаға салған балалардың, ұстаздардың жадыраған жүздеріндегі қуаныш пен шаттықтың лебінен -ақ байқалды. Мерекелік бағдарлама отыз класстың «Наурыз тойы» атты он бір станция бойынша саяхат жасап, ұстаздардың, мектеп қызметкерлерінің көмегімен даярланған дәмді бауырсақ, жұмсақ шелпек пен мерекелік тағам Наураз көжені ауыз тиуімен жалғасты. . Ұлттық ойындары мен әні-биі жарасқан мерекелік бағдарлама өте қызықты өткізілді. Сайыста жұмбақтар жасырып, қазақтың көркем сөздерін оқып, мақал –мәтелдерін жаңылмай жалғастырып кетті. Қазақ халқының «Тұсау кесу», «Бесікке салу» салт- дәстүрлерінен көрініс көрсеткен балалар қазақ халқының мәдениеті мен тарихын құрметтейтіндігіне көз жеткізді. Сондай-ақ мыңнан аса адамның қазақтың ұлттық «Қара жорға» биін билеуі, «Арқан тартыс», «Қазақша күрес» сияқты түрлі спорттық ойындар мерекенің ажарын аша түсті.          

     Ұлыстың ұлы күнінде өткізіліп жатқан бұл мереке жас жеткіншектерді береке мен бірлікке, ізгілік пен татулыққа, қайырымдылық пен бауырмалдыққа баулиды. Осы маңызы зор Наурыз мерекесі жылдан-жылға жалғасын таба берсін деген тілек білдіреміз.