«Нұркен Әбдіров атындағы ЖББМ» – 11 «А» Жас Сарбаз сыныбының қатысуымен Педсынып жобасы аясында «Маған білім әлеміне жолдама сыйлаған ұстаз» тақырыбында жоспарлы дөңгелек үстел отырысы өтті.
Бұл шара оқушылардың ұстаз еңбегіне деген құрметін арттыру, ұстаз бен шәкірт арасындағы рухани байланысты нығайту мақсатында ұйымдастырылды.
Іс-шара барысында оқушылар өздеріне білімге деген құштарлықты оятқан, өмірлік жолына бағыт берген ұстаздары жайлы естеліктерімен бөлісіп, жүрекжарды алғыстарын білдірді. Сонымен қатар, ұстаздар қауымы да сөз алып, болашақ түлектерге ізгі тілектерін жеткізді.
Дөңгелек үстел еркін сұхбат, пікір алмасу форматында өтіп, қатысушылар арасында жылы қарым-қатынас орнады. Шара оқушылардың ұстазға деген ықыласын оятып, тәлім мен тәрбиенің маңызын терең түсінуге ықпал етті.
Шараға арнайы қонақтар ретінде білім саласына сүбелі үлес қосқан тәжірибелі педагогтар:Шарбат Култайовна, Құралай Зекенқызы, Дария Несіпбайқызы
қатысып, өздерінің еңбек жолындағы қызықты сәттерімен бөлісіп, шәкірт тәрбиелеудегі бай тәжірибелерімен ой бөлісті.
Оқушылар мен ұстаздар арасындағы шынайы пікір алмасу мен ілтипатқа толы сәттер бұл шараның тәрбиелік маңызын арттыра түсті.
Іс-шараны ұйымдастырушы: Ахметова Гульмира Пазылбековна
