Қарағанды қаласының жалпы білім беретін №77 мектеп-балабақша кешені

               Жобалық қуаты 1200 орынға арналған жалпы білім беретін №77 мектеп-балабақша кешені 2001 жылы қолданысқа берілді.

               Мектепте мемлекеттік тілде және орыс тілінде 1549 шәкірт, оның ішінде 60 бала балабақшада білім алуда.

              Бұл мектепте жалпы саны 128 мұғалім еңбек етеді. Жоғарғы санатты ұстаздар – 17, бірінші санатты ұстаздар – 48, екінші санатты ұстаздар – 42, ал санаты көтерілмеген жас ұстаздар саны – 22. жоғарғы оқу орнын тәмәмдаған ұстаздар саны – 115 болып  90 % құраса, орта арнаулы білімі бар мұғалімдер – 13, яғни 10 %. Білім беру ісінің Үздіктері – 7, өнер қайраткері – 1.

             Мектеп-балабақша кешенінің жұмысы өзара тығыз байланысты мынадай екі мақсатты басшылыққа ала отырып жұмыс атқарады: мектепке дейінгі жастағы балаларды даярлау және бастауыш сыныпта оқуға ынталандыру.

             Балабақша «Балбөбек» бағдарламасы бойынша жұмыс атқарады. Мектепалды даярлық тобы мен балабақша бүлдіршіндері «Бала зере» атты интеллектуалдық сайыстың қалалық және облыстық жүлдегерлері атануда. Балабақша мен мектепалды даярлық тобы білім беру үрдісінде өзара сабақтастықты жетілдіру мақсатында «Step by step» технологиясы бойынша жұмыс жасайды.

             Мектебіміз республикалық деңгейдегі «Ағылшын тілін ерте жастан оқыту» эксперименттік бағытында өз жұмысын жалғастыруда.

              Тұжырымдаманың кешенді негізгі бағыты - патриоттық тәрбие беру, білім беру үрдісінде денсаулық сақтау, ақпараттық, жаңашыл технологияларды енгізу, оқуға деген ынтасы жоғары дарынды балалармен жұмысты жетілдіру.

               Мектебімізде ақпараттық кеңістік тудыру және ғылыми-әдістемелік құжаттар ағымын реттеу  мақсатында мектепішілік ақпарат беру орталығы жұмыс істейді.

                Аталмыш мектепте 2011 жылы 66 оқушы ҰБТ тапсырды. Орташа ұпай – 79. 66 түлектің 45-і жоғарғы оқу орындарына, оның ішінде 12 түлек грантқа түсті.

               Сонымен бірге, біздің шәкірттеріміз жарыс, олимпиадалардың жүлдегерлері. Мысалы: Ғалым Камила – химия пәні бойынша облыстық олимпиада жүлдегері;  Широков Евгений – ҚР жасөспірімдер арасындағы ядро лақтыру біріншілігінің жеңімпазы, алтын медаль; Рақымова Индира – ІІІ облыстық ғылыми-практикалық конференцияның жүлдегері; «Қ. Аманжоловтың ақындық әлемі» І дәрежелі диплом; Арслан Нүркен –ағылшын тілінде эссе жазудың жүлдегері, І орын (облыстық конкурс).

               2010 оқу жылында мектебіміздің материалды-техникалық базасын жақсартуға 1 119 000 теңге бөлінді. Ал оқулықтар алуға 1 163 568 теңге бөлініп, жаңа буын оқулықтары сатып алынды.