Гимназия оқушыларымен "Сыбайлас жемқорлыққа жол жоқ!", "Адал мемлекет-адал ұрпақ"! атты сынып сағаттары өтті. Ең басты мақсаты “Сыбайлас-жемқорлық” деген ұғымды түсіндіріп, пайда болу жағдайлары жайлы түсінік қалыптастыру. Өз көзқарастарын білдіріп, дүниетанымдарын кеңейту. Өз ойларын еркін жеткізе білу қабілеттерін дамыту. Мемлекетіне жауапкершілікпен қарау және әділдікке тәрбиелеу. Патриоттық тәрбие қалыптастыру және оқушыларды адал жолмен жүруге  үйрету.

9  желтоқсан - Халықаралық сыбайлас жемқорлықпен  күрес күніне орай, «Болашағы біртұтас ұлт» тақырыбында Облыстық сыбайлас жемқорлыққа қарсы іс-қимыл департаменті жанындағы Арнайы мониторингтік топ басшысының орынбасары – Бейбіт Қайыржанұлы Жұмабековтің  қатысуымен кездесу өткізіліп, 9 сынып оқушылары «Адалдық алаңында» өз  сұрақтарын белсенділікпен  қойып, сыбайлас жемқорлықпен күресу барлық  Қазақстан Республикасы азаматтарының азаматтық борышы  екені туралы, әр адамға парасат биігінен көріну,  өз  елінің адал азаматы болуға ұмтылу – адамның өзінің  қолында екендігі жайлы пікірлерін ортаға салып, жемқорлыққа қарсы мәдениетті қалыптастыру бойынша  ақпараттармен алмасты.

«Адалдық жүрген жерде адамдық жүреді» және «Адал жол – адал ұрпақ бастауы» –  демекші, адам бойында қалыптасқан адалдық ұғымы қашан да адамның бойында адамгершілік пен жауапкершілік қасиеттерін нығайтады. Бүгін гимназияда «Адалдық дүкені» жұмысын жүргізіп, оқушылар өздеріне қажетті заттарды алып, алынған тауар үшін ақшаны кассалық жәшікке қалдырып, есеп айырысты.