Рухани адамгершілік педагогикалық мектебі атты пилоттық жоба

Рухани адамгершілік педагогикалық мектебі атты пилоттық жобасы 2013 – 2014 оқу жылында КММ «№92 гимназияда» енгізілді.  Жас ұрпақты тәрбиелеуде ұстаздар қауымы үшін құптарлық, әрі зор қуанышпен атап айтатын жұмыс.

Мақсаты: Қазақстан Республикасының «Білім туралы» Заңында «білім беру» ұғымына «мақсатты – қоғам мүшелерінің жоғары адамгершілік, парасаттылық, мәдени, физикалық деңгейінің дамуына және кәсіби біліктілігіне қол жеткізу болып табылатын тәрбиелеу мен оқытудың үздіксіз процесі» деп нақты анықтама берілген.

Білім берудің шынайы мақсаты – адамға белгілі бір білімді жеткізу ғана емес, сондай-ақ оның рухани, адамгершілік тұрғыдағы мәнің дамыту.

Міндеті:

· Жалпыадамзаттық құндылықтар мен ұлттық құндылықтар негізінде рухани – адамгершілік қасиеттері мен мінез – құлық нормаларын меңгеріп, өзінің өмір жолында басшылыққа алып қолдана білуге;

· Өз отбасы мүшелерімен, өзі әрекет ететін ұжымдас тұлғалармен, басқа қоғам мүшелерімен, табиғи ортамен жағымды қарым – қатынас жасап, үйлесімді әрекет етуге, адал еңбек етуге, өз мәртебесін білуге;

· Кез келген нақты және күрделі жағдаятқа байланысты жақсы мен жаманды оң бағалап, өз ұстанымын сақтай отырып, пікір қорытып айта білуге;

· Өзін – өзі жетілдіруге, ақпараттық және коммуникативтік технологияларды ұтымды пайдаланып, шығармашылықпен өнімді еңбек етуге;

· Өзінің мінез – құлқын, дене және психикалық жайын басқарып, салауатты өмір сүруге, қоршаған әлеммен үйлесімді қатынас орнатуға тиіс.

"Бөбек" ұлттық - практикалық, білім беру және сауықтыру орталығында өзін - өзі тану педагогтерінің Республикалық "Өзін - өзі тану - сүйіспеншілік пен шығармашылық тағылымы" фестиваліне №92 гимназия мұғалімі Наурызханова Жумакуль сертификатпен марапатталды.

№ 92 гимназияда "Рухани-адамгершілік педагогика мектебі" облыстық пилоттық жобасын және Қазақстан Республикасының Білім және ғылым министрлігі "Бөбек" ұлттық ғылыми-практикалық, білім беру және сауықтыру орталығында өткен Ресей білім беру академиясының академигі, психология ғылымының докторы, профессор Ш.А. Амонашвилидің "Основы гуманно-личностного подхода к детям в образовательном процессе (система школы Жизни)" атты авторлық семинары барысын гимназия ұжымының назарына, сонымен қатар осы жобаға кіретін бала-бақшалардың назарына жеткізу мақсатында Қарағанды облыстық оқу әдістемелік орталығы өзін-өзі тану пәні бойынша семинар өткізді

Өзін - өзі тану пәні сабағынан көрініс

№92 гимназияда 2013 жылдың 14 қараша күні «Өзін – өзі тану» пәні бойынша рухани – адамгершілік білім беру мақсатында ІVРеспубликалық семинар өтті. «Физика языком сердца» атты тақырыпта Литвадан келген қонағымыз Ирена Стульпинене дәріс оқыды.

27.04.2015ж  күні «Мерей» бала бақшасының Ұлы Отан Соғысына 70 жыл толуына арналған көрме залында өткізілген мерекелік іс – шараға гимназиямыздың ұстаздары мен гимназия оқушысы барып қатысты. Онда «Мерей» балабақшасының сәбилері өз өнерлерін көрсетті. Жалпыадамзаттық құндылықтарды дәріптей отырып, балалардың бойына қойылымдар арқылы құндылықтар мен қасиеттерді  сіңіруде. Осы мерекелік іс – шарада  Дұрыс әрекет, Риясыз Сүйіспеншілік құндылықтары кең көлемде ашылды.