№92 гимназияның 12 жылдық білім беруге деңгейі

ҚР Білім және ғылым министрлігінің 1.07.2002 жылғы №524 бұйрығына өзгерістер енгізу туралы бұйрығы бойынша республикада «12 жылдық білім беруге көшуде эксперименттік жұмысты ұйымдастыру» үшін экспериментке №92 гимназия енгізілді.

«Еліміздің ертеңі бүгінгі жас ұрпақтың қолында, ал жас ұрпақтың тағдыры ұстаздардың қолында» Н.Ә.Назарбаев

12 жылдық білім беруге көшу ерекшеліктері және эксперимент мектептері

·  12 жылдық білім беру жүйесіне ауысудың маңыздылығы және ерекшеліктері.

·  Оқу кешеннің ерекшеліктері мен мазмұны, оның ішінде жетістіктері мен кемшіліктеріне жылдар бойы жасалған экспериментпен апробацияға анализ, пікір мен ұсыныстар туралы.

Мақсаты: 12 жылдық білім беруге көшу бойынша эксперименттік мектептерде 5-10 сыныптар аралығындағы жүргізілген эксперимент бойынша кемшіліктер мен нәтижелер жайлы мәлімет беру.

Эксперименттің объектісі: Оқу бағдарламасы, әдістемелік нұсқау, оқулықтар, оқу кітабы, дидактикалық материалдар және жұмыс дәптерлері.

Болжам: Егер 12 жылдық білім берудегі байқау оқулықтарының жіберілген қателіктері ескеріліп түзетуден өтсе, эксперимент жүргізушілердің тапсырылып отырған ұсыныстары енгізілсе, онда келешекте оқушы алдында жоғары деңгейдегі оқулықпен қамтамасыз етіледі.

Міндеттері:

·  12жылдық Білім беру жүйесіндегі оқыту мен білім беру негізіндегі ерекшеліктерінің мәнін ашу;

·  Оқулықтарға анализ жасау;

·  Пәннің жас ерекшеліктеріне байланысты қажеттілігін анықтау.

Зертеу объектісі – 10 «А» сыныбы

12 жылдық білім беруге көшу эксперименті

Мақсаты: Ғылыми дәлелденген тәжірибені, идеяны, ғылыми болжамды, үлгіні, технология мен жаңа механизмдерді жаңа жағдайда іске асыру. Оқушылардың қабілеті мен қызығушылығына, болашақ мамандығына сәйкес және жеке білімдік қызығушылықтарын қанағаттандыруға, әрбір оқушының бейімділігі мен қажеттілігіне бағытталған оқуына алдын ала бейіндік дайындығын қамтамасыз ету.

Тәсілдер: интерактивтік, диалогтік, өзіндік жұмыс, топтық жұмыс, рефлексиялық.

Зерттеу әдістері: Әдебиетті салыстыра талдау, модель жасау, себепті нәтижелі талдау, педагогикалық бақылау, әңгімелесу, сауалнама, сұхбат, социометриялық әдіс, тәуелсіз сипаттаманы қорыту, құжаттарды оқып талдау.

Еңгізу дәрежесі: Ақпараттарды жинау, алынған мәліметтерді сәйкестендіру, есептеу, салыстыру арқылы диагностика құрып, солардың негізінде қорытынды  мен болжамдар құрастыру.

Жұмыстың мәнділігі мен тиімділігі: Оқушыларды дербес әлеуметтік және кәсіби икемділікке, жылдам өзгеріп жатқан бүгінгі заманда лайықты өмір сүру және жұмыс істеуге тәрбиелеп оқыту.

Тиімсіздігі мен қателігі: Материалдық базамен толық қамтамасыз етілмеуі, оқулықтар және әдістемелік құралдардағы, таратпа материалдардағы кететін қателіктер, пәндердің бағдарламаға сәйкес жасалмағандығы, пәнаралық байланыстың жеткіліксіздігі қиындық туғызады.

12 жылдық білім беру жүйесі бойынша психологиялық мониторингтің оқу – тәрбие үрдісін ұйымдастырудағы рөлі.

Психолого – педагогикалық диагностиканың мақсаты: Оқу жылындағы әр жартыжылдық бойынша эксперимент нәтижесін және оқу материалдарының мазмұнының игерілуін анықтау.

Диагностиканың міндеті:

·  Білім алушылардың танымдық процестерінің даму деңгейін анықтау;

·  Эксперименттік сыныптарды оқу материалдарының мазмұнын меңгеру сапасын анықтау.

Психолого – педагогикалық диагностика келесі бағытта жүргізіледі:

·  Мектеп мотивациясының деңгейінде;

·  Әлеуметтік – психологиялық бейімделгіштікті анықтауда;

·  Мектеп дегбірсіздігі деңгейінде;

·  Мектеп жетістіктерін бағалау және бақылау деңгейінде;

·  Білімпаздық деңгейі мен білім сапасын анықтауды.

2012-2013 оқу жылындағы эксперименттік 10 «А» сыныбы және 10 «Б» бақылау сыныбында жүргізілген ақыл – ой дамуының мектептік тесті бойынша салыстырмалы көрсеткіштер:

10 «А» сыныбы 10 «Б» сыныбы