Әлихан Бөкейхановтың 150 жылдығы

ЮНЕСКО көлемінде тойлануда

Әлихан Бөкейхан — ғұлама ғалым, экономист, мал шаруашылығын зерттеуді ғылыми жолға қоюшы, тарихшы, этнограф, әдебиеттанушы, аудармашы, әрі публицист ретінде қазақ халқының саяси әлеуметтік, мәдени рухани тарихында өшпестей із қалдырған ұлы тұлға. Қазақ тарихындағы тұңғыш саяси ұйым Алаш партиясын ұйымдастырушы. Ә. Бөкейхан сол алғашқы Қазақ республикасының тұңғыш төрағасы болды (1917-1920 жж).  1920-1930 жылдары ішкі істер халық комитетімен екі рет тұтқындалды.Әлихан Бөкейхан Мәскеуге жер аударылады, зор беделінен қорыққан большевиктер өкіметі оны Қазақстанға жолатпады. Онда он жыл үй қамауында отырған Әлиханды 1937 жылы тамызында қайыра тұтқындап, бір айдан кейін жалған жаламен 71 жасында Мәскеуде ату жазасына кеседі.