Хабарландыру 

Ата –аналар назарына!

2020 жылдың қаңтар  айынан бастап «Жалпы білім беретін мектептердегі білім алушылар мен тәрбиеленушілердің жекелеген санаттарына тегін және жеңілдетілген тамақтандыруды ұсыну» мемлекеттік көрсетілетін қызмет стандарты бойынша қызмет көрсету өтініштерді қабылдау электронды түрде жұмыс істейтінін хабарлаймыз. 

Осы портал бойынша     http://school.kargoo.gov.kz/kz/ ақпарат алуға болады.

Хабарландыру!

Ата-аналар назарына!

18 мамыр 2019 жылы сағат 11.00-де онлайн режимде ата-аналар жиналысы  өтеді.

Күн тәртібінде:

1. 1 - сыныпқа балаларды портал арқылы қабылдау 2019 жылғы 01 маусымнан бастап жүреді.

2. 18, 26 мамырда портал тестілік режимде жұмыс істейтін болады.

  

Құрметті ұстаздар,ата-аналар,оқушылар!!!

Биылғы 2019 жылдың 10 қаңтары мен  10 ақпан аралығында дәстүрлі «Қамқорлық» республикалық акциясы өтуде!

Сіз және сіздің ұйымыңыз осы акцияға қатысып, кез келген түрде кеңсе тауарлары  ( оқу- құрал жабдықтары), портфель,киім кешек,аяқ киім,тағы басқа алып беру арқылы көмек көрсете аласыздар !!!

 Хабарландыру

     Қарағанды қаласы, Степной-4 ықшам ауданында орналасқан М.Жұмабаев атындағы №39 гимназия 2018-2019 жаңа оқу жылына 1-сыныптарға оқушы қабылдайды.

         1-сынып бойынша балалардың білімі логикалық сұрақтарға жауап беріп, әңгімелесу арқылы сыналады. Қабылдау 4-маусым 2018 ж. сағат 9:00-ден 13:00-ге дейін жүргізіледі.

Хабарландыру

2018 жылы 15 мамырында 18.30 сағатта

«Рухани жаңғыру» қоғамдық сананы жаңғырту бағдарламасын іске асыру шеңберінде және Халықаралық отбасы күніне арналған

«Білімді ұлт – сапалы оқыту мен отбасы құндылығы» жалпыұлттық ата-аналар жиналысы өткізіледі.

Хабарландыру

Қарағанды қаласы, Степной-4 ықшам ауданында орналасқан М.Жұмабаев атындағы №39 гимназия 2017-2018 жаңа оқу жылына 1,5-сыныптарға  оқушы қабылдайды.

1-сынып бойынша балалардың білімі  логикалық сұрақтарға жауап беріп, әңгімелесу  арқылы сараланады. Қабылдау 5-маусым 2017ж. сағат 9.00 –ден 13.00-ге дейін жүргізіледі.

5-сынып оқушылары қазақ тілі және математика пәндерінен тест тапсыру арқылы қабылданады.

Қабылдау 5-маусым 2017ж. сағат 9.00 –де басталады

Анықтама телефоны: 326842

«Әлімхан Ермеков – қазақтың тұңғыш математигі»

қалалық ғылыми-тәжірибелік конференциясын (онлайн) өткізу

 ЕРЕЖЕСІ

Жалпы ереже

      М.Жұмабаев атындағы №39 гимназия Қарағанды қаласының  білім бөлімімен бірлесе отырып «Әлімхан Ермеков – қазақтың тұңғыш математигі»  қалалық ғылыми-тәжірибелік конференциясын (онлайн) өткізеді.

Конференция  мақсаты:  Қазіргі ұрпаққа халқы мен Отанына мінсіз қызмет етуде жоғары азаматтылық пен отаншылдықтың үлгісі болып табылатын тұңғыш қазақ математигі, профессор Әлімхан Ермековті таныту және оқу-тәрбие үрдісінде Ә.Ермеков шығармашылығының құндылығын, тәрбиелік мәнін насихаттау.

Өткізілу мерзімі:

Конференция 2017 жылдың 30 наурызы күні сағат 10:00-де өтеді.

Өтініштер мен жұмыстарды  қабылдау - 2017 жылдың 5 наурызына дейін;

Жинақ пен сертификатты жіберу - 2017 жылдың   22 сәуіріне  дейін;

Конференцияны  ұйымдастырушы: Қарағанды қаласының  білім бөлімі  мен  М.Жұмабаев атындағы №39 гимназия

Конференцияны ұйымдастыру және өткізу тәртібі:

Конференцияны өткізу мен дайындау жұмыстарын үйлестіру және ұйымдастыруды іске асыру үшін ұйымдастыру комитеті құрылады.

Конференцияның ұйымдастыру жарнасы 1000 теңге. Конференция қорытындысы бойынша электрондық жинақ шығарылады.

Конференцияны ұйымдастыру  комитетінің құрамы:

Аязбекова Г.У., Қарағанды қаласы, ҚББ әдіскері

Базыл Ж.С.,  М.Жұмабаев атындағы №39 гимназия директоры

Адамова Б.К.,  директордың оқу ісі жөніндегі орынбасары

Уатаева Г.С.,  директордың оқу ісі жөніндегі орынбасары

Касимова Д.А.,  директордың ақпараттандыру  ісі жөніндегі орынбасары

Көбеков Б.Т., директордың ғылыми-әдістемелік ісі жөніндегі орынбасары

Айнабаева Ж.М., математика пәні мұғалімі

Абекбаева Ж.Б., математика пәні мұғалімі

Нуржанова Ш.О., математика пәні мұғалімі

Садыкова Г.Х., математика пәні мұғалімі

Корикбаева Ж.Х., информатика пәні мұғалімі

Ошыбаева З.Ж., ағылшын тілі пәні мұғалімі

Алимжанова Г.Р., физика  пәні мұғалімі

Омирбаева Д.М., қазақ тілі мен әдебиет пәні мұғалімі

Садирбеков А.Т., тарих пәні мұғалімі

Ұйымдастыру комитеті

Ұйымдастыру комитетіұсынылған материалдардың ғылымилығын, практикалық маңыздылығын бағалау үшін  сарапшылар тобын құрады, оның қызметінің тәртібін анықтайды.

Сарапшылар тобы конференцияға ұсынылған жұмыстарға сараптама жүргізіп, материалдарды жазу мен безендіруге байланысты сұрақтарға кеңес береді, жинаққа шығу үшін материалдарды іріктейді, конференцияға қатысушыларды анықтайды.

Қатысушылар:

Конференцияға  5-11 сынып оқушылары мен бастауыш сынып мұғалімдері, ағылшын тілі, тарих, қазақ тілі, орыс тілі,  физика, математика пәні мұғалімдері, ЖОО мен колледж мұғалімдері мен студенттері қатыса алады.

Конференция бағыттары:

1.           Ұлағатты ұстаз.

2.           Ұлттық математика негізін қалаушы.

3.           Мемлекет және қоғам қайраткері, Алашорда үкіметінің мүшесі.

4.           Әдебиет пен мәдениет жанашыры.

Конференцияның жұмыс тілі - қазақ, орыс, ағылшын

Безендіруге қатысты талаптар:

бет параметрлері: А4 форматы; жиектері: барлығы – 20 мм бойынша;

мәтінді форматтау: азат жолдың бос жері  – 1 см, Times New Roman шрифті, шрифт мөлшері – 14 пт., жоларалық интервал – біреу, ені бойынша тегістеу,  беттер нөмірі қойылмайды; мақаланың көлемі: 3-5 бет;

мақаладағы қосылма мен сілтемелер мәтінде берілген тәртібі бойынша тік жақшаларға нөмірленеді. Дереккөздердегі дәйексөз тәртібі және бет нөмірі бойынша жақшаларда беріледі (мысалы: [3, с. 15-16]). Суреттер мен кестелерге мақала мәтінінде айқын сілтемелер болу керек.

Әдебиеттер тізімі  мақаланың соңында беріледі. Бір дереккөзге бірнеше рет сілтеме жасалған жағдайда әдебиеттер тізімінде ол бір рет қана беріледі. Мақала авторының  фотосуреті  бірге  жіберілсін.

      Өтініш, мақала бір папкаға салынып, қатысушы тегімен аталып, электронды мекенжайға жіберілуі қажет: 39gimnazia25@mail.ru

Конференция ұйымдастыру комитетінің мекен-жайы:

М.Жұмабаев атындағы №39 гимназия, Қарағанды қ., Қазбек би ауданы, Степной 4 – 33/2 үй.   Тел: 32-68-42 Мақаланы мына электронды поштаға жіберуге болады: 39gimnazia25@mail.ru

«Әлімхан Ермеков – қазақтың тұңғыш математигі» қалалық ғылыми-тәжірбиелік конференцияға қатысуға өтінім

Қатысушының аты-жөні (толық), фотосуреті

Ғылыми дәрежесі, ғылыми атағы

Қызмет орны, лауазымы

Мақала тақырыбы

Секция

Е-mail

Байланыс телефондары

Хабарландыру

М. Жұмабаев атындағы № 39 гимназия Қарағанды қаласының  білім бөлімімен бірлесе отырып «Азаттықтың ақ таңы»  қалалық ғылыми-тәжірибелік конференциясын (онлайн) өткізеді. 

Конференция 2016 жылдың 30 қараша күні сағат 10:00-де  

№ 39 гимназия ғимаратында өтеді.

Хабарландыру

«Жыл сыныбы-2016» қалалық байқауының қорытындысы шығарылып, жеңімпаздар марапатталады.

Өту мерзімі: 29.04.2016

Өтетін орны: акт залы

Хабарландыру

«Алаш және тәуелсіздік» тақырыбында қалалық онлайн-семинар өтеді.

Өту мерзімі: 17.03.2016 

Өтетін орны: акт залы

Хабарландыру

5.01.2016 жылы сағат 18-00 де М.Жұмабаев атындағы №39 гимназияда ата-аналар қоғамдастығы өкілдері алдында гимназия директорының 2015-2016 оқу жылының I жарты-жылдық қорытындысы бойынша атқарған жұмыстар жөніндегі есебі талқыланады.

Өтілетін орны: акт залы

 Хабарландыру

Құрметті ата-аналар мен ұстаздар, 20 тамыз 2015 жылы сағат 10:00-13:00 аралығында кітіпханада кітап жәрмеңкесі өтеді. Бұл жәрмеңкеде 1,2,3,7,8,9,10 сыныптарының оқулықтары бойынша жүргізіледі.

Хабарландыру

Құрметті ұстаздар, Білімал, e-learning  электронды оқыту жүйесі 15 мамырға дейін толық толтырылуы керек.

1.Хабарландыру

Негізгі пәндер бойынша 2 этап халыкаралык олимпиадаға 5-11 сыныптар тіркелу басталды

18-25 қаңтар арасында

212 кабиетке М.Ж.Альжановаға тапсыру керек.

2.  Хабарландыру

ОРЫС ТІЛІ ПӘНІ  бойынша «Русский язык как иностранный»олимпиадасына 19-30 қаңтар арасында  5-11 сыныптар тіркелу басталды

212 кабиетке М.Ж.Алжановаға тапсыру керек

Әкімшілік

Хабарландыру

  Құрметті ұстаздар, e-learning ЭОЖ білім ұйымдарының ортақ порталына ауысуына байланысты сырт бейнесі өзгерді.  Жұмыс жасау  жолдары бұрынғыша. Өз кабинеттеріңізге кіру үшін жоғары оң жақ бұрышындағы  «Обучение» батырмасын басасыздар!

   

Хабарландыру

    12 желтоқсан, 2014 жылы  Қарағанды қаласының 80 жылдығына  орай  «Мектеп. Отбасы. Мемлекет»атты Халықаралық ғылыми - тәжірибелік конференцияконференциясы өткізіледі. Отбасы мен мектеп ынтымақтастығын нығайтып, қоғамда бәсекеге қабілетті, әлеуметтік белсенді тұлға қалыптастыру мақсатында  2014  жылдың  12 желтоқсанында  Қарағанды қаласы білім бөлімі мен М.Жұмабаев атындағы  №39 гимназия ұжымының ұйымдастыруымен  Қарағанды қаласының 80 жылдығына  орай  «Мектеп. Отбасы. Мемлекет»атты Халықаралық ғылыми - тәжірибелік конференция өтті.Конференцияға қалалық,  облыстық,  республикалық,  халықаралық деңгейдегі қоғамдық ұйымдардың өкілдері,  жоғары  оқу   орындары, колледждер, орта білім беру мекемесінің басшылары мен педагогтары, ата - аналар  және БАҚ өкілдері қатысты. Конференция  жұмысы барысында, онлайн  режимінде, ата-аналарды  мектеп  өміріне  белсенді түрде  қатыстыруға  бағытталған шаралардың тұтас жүйесі: қамқоршылық кеңесінің, ата-аналар қауымдастығының, ата-аналар «Шырақ» университетінің жұмысын жандандыру негізінде практикалық  алаңдар жұмыс  жасап,  пленарлық отырыс өткізіліп, кеңейтілген  секциялық мәжілістер жоспарланды.

Автор: Гимназия №39

Құрметті ұстаздар мен оқушылар!!!

   Сіздерді тілдер мерекесіне арналған  «Ана тілі – жүрек үні»  атты мәнерлеп оқу сайысына шақырамыз.

                   Басталуы:  Қыркүйек айының 18 күні сағат 12:00 (акт залында)