Әрбір оқушы, ұстаз, ата-ана білуге тиісті ережелер:

1. Балаңызға қандай сайттарға кіруге болатынын, алдын ала ескертіп айтыңыз.

2. Жеке төлқұжат, мекен - жай туралы мәліметтерді тек ата-ана рұқсатымен толтырылуы керек

3. Балаңыз желіде танымайтын адаммен хат алыспауын, өзі туралы ақпарат бермеуін алдын ала ескертіп, қадағалап отырыңыз.

4. Балаға интернеттегі ақпаратты: текст, музыка, ойын және т.б рұқсатсыз қолдану, өз атымен қайталау ұрлыққа жататынын түсіндіріңіз.

5. Интернетте Сіз қасында болғанда немесе арнайы Сіз белгілеген кесте бойынша кіруін қадағалаңыз.

6. Парольдарын бөтен адамға айтпауын талап етіңіз.

7. Әлеуметтік желілерге лақап атпен отырған адаммен, жеке кездесуге болмауын алдын ала ескертіңіз.

8. Интернет арқылы компьютеріңізге вирустық шабуылдар болуы мүмкін, сондықтан вирусқа қарсы бағдарламамен жұмыс істеу ережелерін үйретіп қойыңыз.

«Қауіпсіз интернет» тақырыбында өтілген іс –шаралар:

 8 «Б», 7 «В», 6 «Ә» сыныптарында: «Ғаламторға тәуелділік» атты тәрбие сағаттары өтті.

Мақсаты: Ата-аналармен оқушылардың ғаламторға тәуелділігінің зияндылығы туралы ой бөлісе отырып, оның алдын алу шараларын ұсыну.

Күтілетін нәтиже:

·Ата-аналар ғаламтордың оқушы денсаулығы мен оқу үлгеріміне тигізетін кері әсері жайлы ойларын ортаға салады;

·Оқушыларды ғаламторға тәуелділіктен құтқару жолдарының ережелерін жасайды

·Оқушыны үнемі қадағалап, ғаламторды мөлшерден тыс пайдалануына шектеу жасайды.                                                                                    

10 «А» сыныбында «Ғаламтордың балаға кері әсері» тақырыбында тәрбие сағаты өткізілді.

   Мақсаты:  Ата-аналармен ғаламтордың оқушы тәрбиесіне, денсаулығына, оқу үлгеріміне тигізетін кері әсері жайлы ой бөлісе отырып, оқушылардың ғаламторға тәуелділігінің алдын алу жолдарын қарастыру.

Күтілетін нәтиже:

·Ата-аналар ғаламтордың оқушы денсаулығы мен оқу үлгеріміне тигізетін кері әсері жайлы ойларын ортаға салады.

·Оқушыларды  ғаламтордан шектеу жолдарын жасайды.

       Саптық жиында директордың ақпараттандыру ісі жөніндегі орынбасары Д.А.Касимова: Білім беру мен тәрбиелеу міндеттеріне сәйкес келмейтін Интернет желісіндегі ресурстарға ұстаздардың, оқушылардың кіру рұқсаттарын шектеу мақсатында гимназия ұстаздарын компьютер сыныптарында Интернет контентті сұрыптау бойынша жұмыстар ұйымдастыру керектігін атап өтіп, ұстаздар мен оқушыларды Интернет желісіндегі ресурстарға кіру рұқсаттары регламентімен таныстырды.

Ғаламтордағы қауіпті ойындар және оқушылар арасында қол жұмсаудың алдын алу бойынша жүргізілген шаралар туралы мәлімет

         М.Жұмабаев атындағы №39 гимназиясында 1 және 11 сыныптар аралығында «Ғаламтордағы қауіпті ойындардың және суицидтің алдын алу мақсатында психологтар және сынып жетекшілермен бірлескен шаралар жүргізілді. Оқушыларға ғаламтордағы ақпараттардың барлығы шындыққа жаңаса бермейтіндігі және кейбір ақпараттардың жалған, сонымен қатар ғаламтордағы, әлеуметтік желілердегі ойындар мен түрлі топтар адамның мінез-құлық әрекетіне, денсаулығына, көз көрмеу, қалтырау, сүйек ауруларына, қан қысымының жоғарылауыңа, ойды жағымсыз ақпаратпен ластауға, уақытты зая кетіруге әкеп шалдықтыратыны туралы айтылды. Сонымен қатар позитивті ойындар жүргізілді. Ақыл кеңестер берілді. Уақытты тиімді жұмсаудың жолдары туралы айтылды. Ауа райының қолайсыздығына оқушылардың мектепке келмеуіне байланысты алдын алу шаралары әлі де жүргізілу үстінде.

         Сонымен қатар ата-аналар жиналысы да 1 және 11 сыныптар аралығында жүргізілуде. Ата-аналар жиналысында тәрбие ісінің орынбасарлары Шайхин А.Т, Сыздыкова Ж.Р., ақпараттандыру ісі жөніндегі орынбасары Касимова Д.А., психологтар Кошанова М.К., Әбдірахманова А.Б. түсіндірме жұмыстары және ойын, тренинг,  дөңгелек үстел  түрінде жұмыстар жүргізуде. 

«Қауіпсіз интернет» – ғаламторға тәуелділіктен арылу жолы http:// http://bilimainasy.kz/?p=6926

     11-18 аралығында гимназиямызда бейнелеу мұғалімінің ұйымдастыруымен «Қауіпсіз интернет» атты 2 - 9 сыныптар арасында сурет көрмесі өтті.

«Интернет- бір күндік, кітап-мәңгілік» атты акция  өтті. Бұл акцияның мақсаты:  оқушыларды кітапханаға тарту, кітапқа деген құрмет, сүйіспеншілдікті қалыптастырып, дамыту.

«Интернет және біз» эссе

«Интернет- бір күндік, кітап-мәңгілік» атты флешмоб ұйымдастырылды.  

Интернет желісіндегі қауіпсіз мінез – құлық мәдениетімен таныстыру, оқушыларды желіге таратылатын ақпаратқа сыни көзбен қарауға, ата-анасының рұқсатынсыз желіге жеке ақпаратты салмауға үйрету мақсатында «Қауіпсіз интернет» атты 10-11 сыныптар арасында дебат, пікір-талас ойыны өткізілді.