29.08.2014г. №623

Сыбайлас жемқорлықты тудыратын  себептер мен жағдайларды болдырмау туралы

     Сыбайлас жемқорлыққа қарсы әрекет бойынша 2011-2015 жылдарға арналған іс-шаралар жоспарын орындау мақсатында және білім беру ұйымдарында сыбайлас жемқорлықты тудыратын себептер мен жағдайларды болдырмау үшін БҰЙЫРАМЫН:

1. Қарағанды қаласының жалпы білім беретін, интернатты, мектепке дейінгі ұйымдарының және қосымша білім беретін ұйымдарының басшылары:

1) оқушылардың және тәрбиеленушілердің ата-аналарынан (немесе өзге заңды өкілдерінен) білім ұйымының әртүрлі қажеттіліктеріне заңсыз ақша жинауды болдырмасын;

2) білім ұйымының қызметкерлерінен заңсыз ақша жинауды болдырмасын (олардың келісімінсіз жалақыларынан ұстап қалуды);

3) жеке және заңды тұлғалардың өтініштерін қарау тәртібі туралы Қазақстан Республикасы заңдылығының бұзушылығын болдырмасын;

4) мемлекеттік жалпыміндетті білім берудің стандарты аясында оқушыларға және тәрбиеленушілерге ақылы негізде білім беру қызметін көрсетуді болдырмасын;

5) ақылы білім беру қызметін жүзеге асырудан түскен қаржы қаражаттары, сонымен қатар демеушілерден және қайырымдылық көмектің қаржы қаражаттары сәйкес шоттарға аударылсын;

6) демеушілік және қайырымдылық көмектің материалдық құралдарын кіріске қою қамтамасыз етілсін;

7) ақылы білім беру қызметін жүзеге асырудан, демеушілерден және қайырымдылық көмектен түскен қаражаттар Қазақстан Республикасының нормативті-құқықтық актілеріне сәйкес пайдаланылсын;

8) бюджеттік және мемлекеттік сатып алулар туралы заңдылығының бұзушылығын болдырмасын;

9) бюджеттік қаржының мақсатсыз пайдаланылуына жол берілмесін;

10) білім ұйымдарында жеке сипаттағы мерекелердің өткізілуіне жол берілмесін (мерейтойлар, туған күндер, үйлену тойлары және басқа да салтанатты жиындар);

11) білім ұйымының бөлмелерін заңсыз жалға беру фактілеріне жол берілмесін;

12) балаларды мектепке дейінгі білім ұйымдарына, мектептерге қабылдағанда, қабылдаудың типтік ережелерін, мемлекеттік қызмет көрсету стандартарын (регламенттерін) және білім ұйымының Жарғысын басшылыққа алынсын;

13) білім беру мекемесінде оқушылар мен тәрбиеленушілер ата-аналарының (немесе өзге заңды өкілдерінің) назарына ілігетін жерде ақылы қызметтерді көрсету тәртібі туралы, мақсатты жарналардың және қайырымдылық  көмектердің тартылу тәртібі,  қосымша қаржылардың тартылуы бойынша құқыққа қайшы келетін іс-қимылдарға қарсы шағым беру тәртібі туралы толық және дұрыс ақпараттың орналасуын қамтамасыз етсін;

14) ақылы қызметтерді ұйымдастыру кезінде еріктілік ұстанымы қадағалансын;

15) оқушылар мен тәрбиеленушілер ата-аналарының (немесе өзге заңды өкілдерінің) ақшалай қаражаттарын тарту мәселелері бойынша тұрақты жұмыс істейтінн «сенім телефонының» жұмысы ұйымдастырылсын;

16) шағын және орта кәсіпкерлік субъектілерінің қызметтеріне араласу фактілеріне жол бермеу бойынша шаралар қолданылсын;

17) осы бұйрық білім ұйымдарының қызметкерлерінің және оқушылар мен тәрбиеленушілердің ата-аналарының (немесе өзге заңды өкілдеріне) назарына жеткізілсін;

18) осы бұйрықтың бұзылуына жол берген қызметкерлерге Қазақстан Республикасы еңбек заңнамасына сәйкес тәртіптік жаза қолданылсын;

19) осындай бұйрық білім ұйымдарында шығарылсын.

2. Осы бұйрықтың орындалуына жеке жауапкершілік білім ұйымдарының бірінші басшыларына жүктелсін.

3. Ұйымдастыру-кадрлар жұмыстары секторы (М.Е. Кашенова) Қарағанды қаласы білім ұйымдарының бірінші басшыларын осы бұйрықпен таныстырсын.

4. Қарағанды қаласы білім бөлімі басшысының «Сыбайлас жемқорлықты тудыратын себептер мен жағдайларды болдырмау туралы» 2013 жылғы 29 тамыздағы №616 бұйрығының күші жойылды деп танылсын.

5. Осы бұйрықтың орындалуын бақылау білім бөлімі басшысының орынбасарлары Р.А. Кенешоваға және А.Д.Мештаевқа жүктелсін.

Басшы                                                                                       Д. Жекебаев