Ауғанның асуында от кешкендер
Ақпанның 13 күні «Жас Ұлан» оқушылар ұйымының «Ауғанстан ақиқаты» тәрбие іс-шарасы өтті. «Жас Ұлан» жас өспірімдер ұйымының оқушылары Ауған соғысының майдангері Жунусов Еркебулан ағаймен кездесу кешін өткізді. Интернационалист жауынгер ағаларымыздың құрметіне арналған іс шараның мақсаты: майдангер ағаларымыздың ерлігін кейінгі ұрпаққа үлгі ете отырып, жастарымызды Отанымызды сүюге, ерлікке баулу, Ауған соғысы ардагерлеріне құрмет көрсету. Майдангер Жунусов Еркебулан ағай өзінің Ауған соғысында бастан кешкен оқиғаларын әңгімелеп берді. Сонымен бірге майдангер оқушылармен әңгіме сұхбат жүргізіп отырды. Кездесу соңында оқушылар Еркебулан ағаймен естелікке суретке түсті.
