Қарағанды қ. білім бөлімінің білім беру ұйымдары - "№87 НОМ" КММ

Қарағанды қаласы әкімдігінің

2018 жылғы «____» ________

№__қаулысымен бекітілген

Қарағанды қаласы әкімдігінің «Қарағанды қаласының білім бөлімі»

мемлекеттік мекемесінің «№87негізгі орта мектебі»

коммуналдық мемлекеттік мекемесінің

ЖАРҒЫСЫ

1.Жалпы ережелер

1. Қарағанды қаласы әкімдігінің «Қарағанды қаласының білім бөлімі» мемлекеттік мекемесінің «№87 негізгі орта мектебі» коммуналдық мемлекеттік мекемесі(бұдан әрі – мемлекеттік мекеме) функцияларын жүзеге асыру үшін мекеме ұйымдық құқықтық нысанында құрылған, заңды тұлға мәртебесіне ие коммерциялық емес мекеме болып табылады.

2. Мемлекеттік мекеменің түрі: коммуналдық.

3. Мемлекеттік мекеме 1961 жылы құрылды.

4. Мемлекеттік мекеменің құрылтайшысы Қарағанды қаласының әкімдігі болып табылады.

5. Тиісті саланың уәкілетті органы, сондай-ақ оған байланысты мемлекеттік мекеменің мүлкіне қатысты құқық субъектісінің функцияларын жүзеге асыратын орган«Қарағанды қаласының білім бөлімі» мемлекеттік мекемесі.

6. Мемлекеттік мекеменің атауы: Қарағанды қаласы әкімдігінің «Қарағанды қаласының білім бөлімі» мемлекеттік мекемесінің «№87 негізгі орта мектебі» коммуналдық мемлекеттік мекемесі.

7. Мемлекеттік мекеменің тұрған жері: индекс 100022, Қазақстан Республикасы, Қарағанды қаласы, Қазыбек би атындағы ауданы, Керамическая көшесі, құрылыс 76/1.

2. Мемлекеттік мекеменің заңдық мәртебесі

8. Мемлекеттік мекеме ол мемлекеттік тіркелген кезден бастап құрылды деп есептеліп, заңды тұлғаның құқықтарына ие болады.

9. Мемлекеттік мекеменің Қазақстан Республикасының заңнамасына сәйкес дербес теңгерімі, банкте шоттары, бланкілері, Қазақстан Республикасының Мемлекеттік Елтаңбасы бейнеленген және мемлекеттік мекеменің атауы жазылған мөрі болады.

10. Мемлекеттік мекеме басқа заңды тұлғаны құра алмайды, сондай-ақ оның құрылтайшысы (қатысушысы) бола алмайды.

11. Мемлекеттік мекеме өзiнiң мiндеттемелерi бойынша өзiнің кепілдігіндегі ақшамен жауап бередi. Мемлекеттік мекемеде ақша жеткіліксіз болған кезде оның міндеттемелері бойынша Қазақстан Республикасы немесе әкімшілік-аумақтық бірлік тиісті бюджет қаражатымен субсидиарлық жауапты болады.

12. Мемлекеттік мекеменің азаматтық-құқықтық мәмілелері, олардың Қазақстан Республикасы Қаржы министрлігінің аумақтық қазынашылық бөлімшелерінде тіркелгеннен кейін, күшіне енеді.

3. Мемлекеттік мекеме қызметінің мәні мен мақсаттары

13. Мемлекеттік мекеме қызметінің мәні: бастауыш, негізгі орта білім және жалпы орта білім беруді ұйымдастыру саласында білім беру қызметі.

14. Мемлекеттік мекеменің қызметінің мақсаты:

1) орта жалпы білім беру жүйесінде балалардың қызығушылығын қанағаттандыруда, тәрбие мен оқытуда жаңа технологияларды енгізуде жағдай жасау;

2) әр баланың рухани тұрақтылығы мен ырысын, денсаулығы мен өмірін сақтау;

3) сау тұлғаны тәрбиелеуде ата-аналарға көмек көрсету;

4) білімді мемлекеттік стандарт негізінде оқу бағдарламасы мен оқу жоспарына сәйкес оқу-тәрбие жүйесін жүзеге асыру;

5) оқушыларды оқытуда дифференциалды оқытуды қабілетіне сәйкес қамтамасыз ету;

6) оқу-тәрбие үрдісінде білім беру мен дамытуды тілдермен қамтамасыз ету;

7) оқу және тәрбие үрдісі барлық деңгейде азаматтардың, қоғамның және мемлекеттің жан-жақты қанағаттануына байланысты қосымша білім беру негізінде жүзеге асырылады;

8) оқытуда жаңа технологияларды енгізу болып табылады;

15. Мемлекеттік мекеме мақсатқа қол жеткізу үшін мынадай қызмет түрлерін жүзеге асырады:

1) стандарттық бағдарламаны қолдану;

2) негізгі және қосымша білім беруде түрлі пәндерден авторлық бағдарламаларды қолдану;

3) мелекеттік білім беру стандартының талабын есепке ала отырып, бағдарламаларды өз бетімен жасау, жүзеге асыру;

4) балаларды оқыту мен тәрбиелеуде Қазақстан Республикасының Заңына қарама-қайшы келмейтін әдіс-құралдарды, формаларды таңдау.

Мемлекеттік мекемеге жарғыда (ережеде) бекітілген өз қызметінің мәні мен мақсаттарына сай келмейтін қызметті жүзеге асыруға, сондай-ақ мәмілелер жасауға тыйым салынады.

16. Мемлекеттік мекеме қызмет мақсаттарына қайшы жасалған мәміле, Қазақстан Республикасының шектеулі заңдарында немесе құрылтай құжаттарында не басшының жарғылық құзыретін бұза отырып, жасалған мәміле тиісті саланың уәкілетті органының (жергілікті атқарушы органының) немесе мемлекеттік мүлік жөніндегі уәкілетті органның не прокурордың талабы бойынша жарамсыз деп танылуы мүмкін.

17. Мемлекеттік мекеме басшысының мемлекеттік мекемемен жарғылық емес қызметті жүзеге асыруға бағытталған әрекеті еңбек міндеттемелерін бұзу болып табылып, тәртіптік және материалдық жауапкершілікке әкеледі.

4. Мемлекеттік мекемені басқару

18. Мемлекеттік мекемені жалпы басқаруды Қазақстан Республикасының заңнамасына сәйкес айқындалған тиісті саланың уәкілетті органы (жергілікті атқарушы органы) жүзеге асырады.

19. Тиісті саланың уәкілетті органы (жергілікті атқарушы орган) Қазақстан Республикасының заңнамасында белгіленген ретпен мынадай функцияларды жүзеге асырады:

1) мемлекеттік мекемеге мүлікті бекітіп береді;

2) мемлекеттік мекеменің жеке қаржыландыру жоспарын бекітеді;

3) мемлекеттік мекеме мүлкінің сақталуына бақылауды жүзеге асырады;

4) мемлекеттік мекеме жарғысын (ережесін) бекітеді, оған өзгерістер мен толықтырулар енгізеді;

5) мемлекеттік мекеменің басқару органдарының құрылымын, құрылуы тәртібі мен өкілеттік мерзімін, мемлекеттік мекеменің шешімдер қабылдау тәртібін анықтайды;

6) мемлекеттік мекеме басшысының қызметіне байқау арқылы тағайындауды жүзеге асырады;

7) мемлекеттік мекеме басшысын қызметінен босатады;

8) мемлекеттік мекеме басшысының құқықтарын, міндеттері және жауапкершілігін, оны лауазымынан босату негіздерін айқындайды;

9) мемлекеттік органдар болып табылатын мемлекеттік мекемелерді қоспағанда, мемлекеттік мекеменің құрылымы мен шекті штаттық санын бекітеді;

10) мемлекеттік мекеме басшысының ұсынымы бойынша оның орынбасарын (орынбасарларын) лауазымға тағайындайды және лауазымынан босатады;

11) жылдық қаржы есептілікті бекітеді;

12) мемлекеттік мүлік жөніндегі уәкілетті органға, мемлекеттік мекемеге берілген немесе өзінің шаруашылық қызметінің нәтижесінде олар сатып алған мүлікті алып қоюға немесе қайта бөлуге келісімін береді;

13) мемлекеттік мекемелердің филиалдар мен өкілдіктер құруына келісімін береді;

14) мемлекеттік мүлік жөніндегі уәкілетті органның келісімі бойынша республикалық мемлекеттік мекемені қайта ұйымдастыруды және таратуды жүзеге асырады (жергілікті атқарушы орган коммуналдық мемлекеттік мекемеде қайта ұйымдастыру және тарату туралы шешім қабылдайды);

15) Қазақстан Республикасының заңнамасында белгіленген өзге де функцияларды жүзеге асырады.

20. Мемлекеттік мекеме басшысы Қазақстан Республикасы заңнамасында көзделген жағдайларды қоспағанда, тиісті саланың уәкілетті органымен (жергілікті атқарушы орган) қызметке тағайындалады және қызметтен босатылады.

21. Мемлекеттік мекеменің басшысы мемлекеттік мекеме жұмысын ұйымдастырады және басшылық етеді, тиісті саланың уәкілетті органына тікелей бағынады (Қазақстан Республикасы заңнамасында көзделген жағдайларды қоспағанда) және мемлекеттік мекемеге жүктелген міндеттер мен олардың өз функцияларын жүзеге асыруына жеке жауапты болады.

22. Мемлекеттік мекеменің басшысы дара басшылық қағидаты бойынша әрекет етеді және мемлекеттік мекеме қызметінің барлық мәселелерін Қазақстан Республикасының заңнамасында және мемлекеттік мекеменің жарғысында (ережесінде) айқындалатын өз құзыретіне сәйкес дербес шешеді.

23. Мемлекеттік мекеменің қызметті жүзеге асыруы барысында мемлекеттік мекеме басшысы Қазақстан Республикасы заңнамасында белгіленген тәртіппен:

1) мемлекеттік мекеме атынан сенімхатсыз әрекет етеді;

2) мемлекеттік органдарда, басқа да ұйымдарда мемлекеттік мекеменің мүддесін білдіреді;

3) шарттар жасасады;

4) сенімхаттар береді;

5) мемлекеттік мекеменің іссапарларға, тағылымдамаға, қызметкерлерді қазақстандық және шетелдік оқу орталықтарында оқытуға және қызметкерлердің біліктілігін жоғарылатудың басқа да түрлеріне байланысты тәртібі мен жоспарларын бекітеді;

6) банк шоттарын ашады;

7) барлық қызметкерлер үшін міндетті бұйрықтар шығарады және нұсқаулар береді;

8) тиісті саланың уәкілетті органы (жергілікті атқарушы органы) тағайындайтын қызметкерлерден басқа, мемлекеттік мекеме қызметкерлерін жұмысқа қабылдайды және жұмыстан босатады;

9) мемлекеттік мекеме қызметкерлеріне, Қазақстан Республикасының заңнамасына сәйкес көтермелеу шараларын қолданады және оларды жазалайды;

10) мемлекеттік мекеме қызметкерлеріне, Қазақстан Республикасының заңнамасына сәйкес көтермелеу шараларын қолданады және оларды жазалайды;

11) өз оранбасарының (орынбасарларының) және мемлекеттік мекеменің басқа да басшы қызметкерлерінің міндеттері мен өкілеттік аясын айқындайды;

12) оған Қазақстан Республикасы заңнамасымен, осы жарғымен (ережемен) және тиісті саланың уәкілетті органы (жергілікті атқарушы орган) жүктелген басқа да функцияларды жүзеге асырады.

24. Мемлекеттік мекеменің басшысы Қазақстан Республикасының заңнамасында белгіленген тәртіппен жауап береді:

1) білім алушылардың, білім беру ұйымдары қызметкерлерінің құқықтарымен бостандығын бұзғаны;

2) өзінің құзыретіне жатқызылған міндеттерді орындамағаны;

3) мемлекеттік жалпыға міндетті білім беру стандартының талаптарын бұзғаны;

4) білім алушылардың және білім беру ұйымы қызметкерлерінің оқу-тәрбие үрдісі кезінде өмірі мен денсаулығы;

5) қаржы-шаруашылық қызметінің жай-күйі, соның ішінде материалды және ақша қаражаттарын нысаналы пайлананбағаны;

6) нормативтік-құқықтық актілерде және еңбек шартында көзделген өзге де тәртіп бұзушылықтар үшін.

5. Мемлекеттік мекемеге оқушыларды қабылдау тәртібі

25. Мемлекеттік мекемеге тиісті деңгейде тәрбие мен білім алу үшін сол аумақта тұратын оқушылардың барлығы қабылданады.

26. Мемлекеттік мекеме Қазақстан Республикасының заңнамаларына сәйкес жеңілдіктер ұсынады.

27. Бірінші сыныпқа балаларды қабылдау үшін мынадай құжаттар қажет:

1) баланың заңды өкілдерінен өтініш;

2) баланың туу туралы куәлігінің көшірмесі;

3) денсаулық жағдайы туралы анықтама (медициналық паспорт);

4) тұратын жерінен анықтама немесе тұратын жерін растайтын басқа құжат;

5) 3x4 көлеміндегі фото — 2 дана.

28. Бастауыш білім беру ұйымының бірінші сыныбына баратын балалардың заңды өкілдерінен өтініш қабылдау Қазақстан Республикасының заңнамаларымен анықталған мерзімде жүргізіледі. Екінші сыныптан бастап жаңадан келген оқушыны алдыңғы сыныптарды аяқтағанын растайтын құжаттары негізінде қабылдайды.

29. Оқушының басқа мекемеге ауыстырылуы және негізгі мектеп білімін алған түлектердің жұмысқа тұруы келесі түрде жүргізіледі:

1) ата-аналардың біреуінен өтініш (немесе басқа заңды өкілі);

2) білім ұйымында оқуды жалғастыру туралы растайтын құжат негізінде;

3) негізгі мектепті аяқтағаны туралы куәлік алған мектеп бітірушінің жұмысқа орналасуы туралы құжаттары негізінде.

4) Оқушыларды мектептен шығару ата-ананың (немесе басқа да заңды өкілінің) өтінішіне сәйкес жүргізіледі.

6. Оку – тәрбие үдерісінің ұйымдастырылуы, оқушыларды оқыту тәртібі

30. Мемлекеттік мекеме оқу үдерісін бастауыш, негізгі орта білім берудің жалпы білім беретін оқу бағдарламаларына сәйкес жүзеге асырады.

31. Мекемеде оқу және тәрбие үдерісін ұйымдастыру оқу жұмыс бағдарламалары мен оқу жұмыс жоспарларына сәйкес жүзеге асады.

32. Оқу және тәрбие үдерісін ұйымдастыруының негізгі білім беру ұйымында жүзеге асатын оқу-тәрбие жұмысын жоспарлау және есепке алу болып табылады.

33. Білім беру ұйымдарындағы тәрбие бағдарламалары білім беру бағдарламаларының құрамдас бөлігі болып табылады және білім алушылардың елжандылық, азаматтық, интернационалдық, жоғары моральдық және адамгершілік қасиеттерін қалыптастыруға, сондай-ақ жан-жақты ынта-ықыласы мен қабілеттерін дамытуға бағытталған.

34. Оқу-тәрбие үдерісін ұйымдастыруда жеке тұлғаға бағытталған тәсілдеменің ерекшелігі:

1) мекеменің оқу-тәрбие жүйесінің басты назарында бала, оның интеллектуалды және өнегелі дамуы тұрады.

2) жеке тұлғаға бағытталған оқу-тәрбие жеке тұлғаның интеллектуалды даму деңгейін, оның жас ерекшелігін, қабілетін ескере отырып, білім берудің дифференциалды тәсілдемесін көздейді.

35. Білім алушылар үшін сабақ кестесі және оларды өткізу тәртібі Қазақстан Республикасының нормативтік құқықтық актілерімен реттеледі;

36. Мемлекеттік мекеменің жұмыс тәртібі аптасына 6 күнді құрайды;

37. Тәрбиелеу және оқыту тілі: қазақша және орысша.

7. Білімді ағымдық бақылау жүйесі, білім алушыларды аралық және қорытынды аттестаттау, оларды өткізу түрлері мен тәртібі

38. Мемлекеттік мекеме білім алушылардың білім беретін оқу бағдарламасын меңгеруін бақылау мақсатында үлгерімнің ағымдық бақылауын жүзеге асырады және білім алушыларды қорытынды аттестаттау өткізеді.

39. Мемлекеттік мекеме білім алушылардың үлгерімін ағымдық бақылау және білім алушыларды қорытынды аттестаттау формаларын, тәртібі мен мерзімділігін өз бетінше таңдайды.

40. Негізгі орта білімнің білім беру оқу бағдарламаларын меңгеруі Қазақстан Республикасының нормативтік - құқықтық құжаттары негізінде білім алушыларды міндетті қорытынды аттестаттаумен аяқталады.

8. Ақылы білім беру қызметін көрсетудің тізімдемесі мен тәртібі

41. Мемлекеттік мекемесінің білім берудің мемлекеттік жалпыға міндетті білім беру стандарты талабы шеңберінен тыс келесі білім беру қызметтерін ақылы негізде ұсынуға құқығы жоқ:

1) оқу жоспары мен бағдарламалары бойынша бөлінген оқу уақытынан тыс уақытта пәндер (пәндер және пәндер жиынтығы) бойынша жеке оқушылармен қосымша сабақтар ұйымдастыруға.

42. Тыйым салынады: бiлiм алушылар мен тәрбиеленушiлерге мемлекеттiк жалпыға мiндеттi бiлiм беру стандарттары шеңберiнде ақылы негiзде бiлiм беру қызметтерiн көрсетуге; оқушылардан және педагог қызметкерлерден ақшаны өндіріп алуға.

9. Мекеменің білім алушылармен және (немесе) олардың ата-аналарымен және заңды өкілдерімен қарым-қатынасын рәсімдеу тәртібі.

43. Оқушылар құқылы:

1) мемлекеттік жалпыға міндетті білім беру стандарттарына сәйкес сапалы білім алуға;

2) білім беру ұйымы кеңесінің шешімімен мемлекеттік жалпыға міндетті білім беру стандарттары шеңберінде қысқартылған жалпы білім беру оқу бағдарламалары бойынша білім алуға;

3) білім беру ұйымдарын басқаруға қатысуға;

4) бір оқу орнынан екінші оқу орнына ауысуға және қайта қабылдануға;

5) Қазақстан Республикасының Үкіметінде белгіленген тәртіппен білім беру ұйымдарындағы ақпараттық ресурстарын тегін пайдалануға, оқулықтармен, оқу-әдістемелік кешендерімен және оқу-әдістемелік құралдармен тегін қамтамасыз етілуге;

6) спорт зал, оқырмандар, акт залы және кітапхананы тегін пайдалануға;

7) өз пікірі мен сенімін еркін білдіруге;

8) өзінің адами қадыр-қасиетінің құрметтелуіне;

9) оқудағы, ғылыми және шығармашылық қызметіндегі табыстары үшін көтермеленуге және сыйақы алуға.

44. Білім алушылар міндетті:

1) мемлекеттік жалпыға міндетті білім беру стандартының талаптарына сәйкес білім, білік, практикалық дағды мен құзыреттілік меңгеруге, ішкі тәртіп ережесін, ұйымның алқалық басқару органының шешімдерін сақтауға, ұйымның Жарғысымен және Қазақстан Республикасының нормативтік құқықтық актілерімен қарастырылған өзге де талаптарды орындауға;

2) өз денсаулығын аялауға, рухани және дененің өзін-өзі қалыптасуына талпынуға;

3) педагог қызметкерлердің намысы мен қасиетін, оқып жүрген оқу орнының дәстүрлерін құрметтеуге;

4) Қазақстан Республикасының заңнамалық құжаттарына сәйкес орта білім ұйымдары үшін міндетті киім үлгісіне қойылатын талаптарға сай зайырлы сипаттағы бас киімсіз міндетті киім үлгісін сақтау. Түрлі конфессиялардың діни сипаттағы киімдері элементтерін қосуға жол берілмейді.

45. Оқушының ата-аналары (немесе де өзге заңды өкілдері) құқылы:

1) білім беру ұйымын баланың қалауын, жеке басының бейімділігі мен ерекшеліктерін ескере отырып таңдауға;

2) ата-аналар комитеттері арқылы білім беру ұйымының басқару органдарының жұмысына қатысуға;

3) білім беру ұйымдарынан өз балаларының үлгерімі, тәртібі және оқу үлгеріміне, тәртібіне және білім алуға жағдай жасалуына қатысты ақпарат алуға;

4) баланы тәрбиелеу мен оқытудағы проблемаларын шешу жөнінде кеңес алуға;

5) мекеме мен ата-аналар немесе өзге заңды өкілдері арасында жасалған шартпен, Қазақстан Республикасының нормативтік-құқықтық актілерімен белгіленген шекте балаға қарауын, тәрбие беруін және дамытуын талап етуге;

6) мекемеде балалармен жұмысты жақсарту және қосымша қызметті ұйымдастыру бойынша ұсыныстар еңгізуге;

7) баланың заңды құқығы мен қызығушылығын қорғауға;

8) мемлекеттік мекеме әкімшілігінің рұқсатымен сабақтарға қатысуға.

46. Білім алушылардың ата-аналары (немесе де өзге заңды өкілдері) міндетті:

1) балаларға өмір сүруі мен оқуы үшін салауатты және қауіпсіз жағдайлар жасауға, олардың интеллектуалдық және дене күшінің дамуын, адамгершілік жағынан қалыптасуын қамтамасыз етуге;

2) баланы оқыту мен тәрбиелеуде білім беру мекемесімен ынтымақтастық жасауға;

3) балаларының білім беру мекемесіндегі сабаққа қатысуын қамтамасыз ету;

4) баланың жетістіктері мен әрекетінің жағдайын қадағалауға;

5) күнделігін, үй жұмысының орындалуын үнемі тексеруге;

6) білім беру ұйымында белгіленген міндетті мектеп формасына қойылған талаптарды орындауға.

10. Мемлекеттік мекеме мүлкінің құрылу тәртібі

47. Мемлекеттік мекеме мүлкін бағасы оның теңгерімінде айқындалатын заңды тұлғаның активтері құрайды. Мемлекеттік мекеменің мүлкі мыналардың:

1) оған меншік иесі берген мүлік;

2) өз қызметі барысында сатып алған мүлік (ақшалай кірістерді қоса алғанда);

3) Қазақстан Республикасының заңнамасымен тыйым салынбаған өзге де қаржы көздері есебінен құрылады.

48. Мемлекеттік мекеме дербес иеліктен шығаруға немесе оған бекітілген мүлік пен оған смета құралдары бойынша бөлінген мүлікке өзгеше тәсілмен иелік етуге құқығы жоқ.

49. Егер Қазақстан Республикасының заңдарымен мемлекеттік мекемеге кіріс әкелетін қызметті жүзеге асыру құқығы берілсе, онда білім беру, сорт сынағы, ветеринария, орман шаруашылығы, ерекше қорғалатын табиғи аумақтар салаларындағы мемлекеттік мекемелер, сондай-ақ мемлекеттік кітапханалар, мемлекеттік мұражайлар мен мұражай-қорықтар өндіретін тауарларды (жұмыстарды, көрсетілетін қызметтерді) өткізуден түсетін ақшаны қоспағанда, мұндай қызметтен алынған ақша Қазақстан Республикасының заңдарына сәйкес тиісті бюджеттің есебіне жатқызылады;

50. Егер Қазақстан Республикасының заңдарында қосымша қаржыландыру көзі белгіленбесе, мемлекеттік мекеменің қызметі тиісті саланың уәкілетті органы немесе жергілікті атқарушы органы бюджетінен не Қазақстан Республикасы Ұлттық Банкінің бюджетінен (шығыстар сметасынан) қаржыландырады.

51. Мемлекеттік мекеме бухгалтерлік есеп жүргізеді және Қазақстан Республикасының заңнамасына сәйкес есептілік ұсынады.

52. Мемлекеттік мекеменің қаржылық-шаруашылық қызметін тексеру және ревизия Қазақстан Республикасы заңнамасында белгіленген тәртіппен тиісті саланың уәкілетті органы (жергілікті атқарушы органы) жүзеге асырады.

11. Мемлекеттік мекемедегі жұмыс тәртібі

53.Мемлекеттік мекеменің жұмыс тәртібі ішкі еңбек тәртібінің қағидаларымен белгіленеді және Қазақстан Республикасы еңбек заңнамасының нормаларына қайшы келмеуі тиіс.

12. Мемлекеттік мекеме қызметкерлерінің штатын жиынтықтау тәртібі, еңбекақы төлеу жүйесі, олардың құқықтары мен міндеттері

54. Мемлекеттік мекеме қызметкерлері штатын жиынтықтау Қазақстан Республикасының нормативтік-құқықтық актілері негізінде жүзеге асырылады.

55. Мемлекеттік мекеме қызметкерлерінің еңбекақысын төлеу жүйесі Қазақстан Республикасының заңнамаларымен белгіленген тәртіппен анықталады.

56. Мемлекеттік мекеме қызметкерлерінің еңбек қатынасы, талаптары Қазақстан Республикасының еңбек заңнамаларына қайшы келмейтін, еңбек шартымен реттеледі.

57. Қызметкерлер құқылы:

1) тиімді еңбек жағдайымен қамтамасыз етілуге;

2) тәрбиелеу мен оқытудың заманауи әдістемелері мен технологияларын апробациялауға;

3) біліктілігінарттыруға, мұғалімдердің семинарлары, конференциясы, съездеріне қатысуға;

4) тәжірибелік-эксперимент жүргізуге, нәтижиелерін баспадан шығаруға;

5) білім берудің техникалық құралдарын пайдалануға;

6) санатын жоғарылату, қызметте өсу мақсатында мерзімінен бұрын аттестатталуға;

7) мемлекеттік мекеменінің басқару органдарының жұмысына қатысуға;

8) өз қызметіндегі жетістіктері үшін материалдық және моральдық көтермелеуге, құрметті атақ, белгілермен және грамоталармен марапатталуға.

58. Қызметкерлер міндетті:

1) еңбек шартының барлық тарауларын орындауға;

2) Жарғыны, өзге де нормативтік актілерді орындауға;

3) материалдық-техникалық базаны сақтауға жауапкершілікке;

4) балалардың денсаулығы мен өмірін қорғауға;

5) баланы қандай да бір зорлық-зомбылықтан сақтауға;

6) баланы тәрбиелеу мен оқытуда отбасымен тығыз байланыста болуға;

7) мемлекеттік мекеме, қалалық, облыстық және республикалық деңгейдегі іс-шараларға белсенді қатысуға;

8) әрқашан өзінің кәсіби деңгейін арттыруға.

59. Қызметкерлер Қазақстан Республикасының еңбек заңнамаларына сәйкес өзге де құқықтар мен міндеттерге ие.

13. Алқалы органдары, олардың құрылу тәртібі мен құзыры

60. Мемлекеттік мекемеде басқарудың алқалық органы құрылады.

61. Алқалық басқарудың түрлері төмендегідей бола алады: педагогикалық кеңес, әдістемелік кеңес, жалпы жиналыс, ата-аналар комитеті, қамқоршылық кеңесі және т.б.

62. Алқалық басқару органдарының құрылу тәртібі мен құзыреті Қазақстан Республикасының нормативтік-құқықтық актілерімен реттеледі.

14. Құрылтай құжаттарына өзгерістер мен толықтырулар енгізу тәртібі

63. Мемлекеттік мекеменің құрылтай құжаттарына өзгерістер мен толықтырулар енгізу тиісті саланың уәкілетті органының (жергілікті атқарушы органының) шешімі бойынша жүзеге асырылады.

64. Мемлекеттік мекеменің құрылтай құжаттарына енгізілген өзгерістер мен толықтырулар Қазақстан Республикасының заңнамасына сәйкес тіркеледі.

15. Мемлекеттік мекемені қайта ұйымдастыру және тарату шарттары

65. Мемлекеттік мекемені қайта ұйымдастыру және тарату Қазақстан Республикасының заңнамасына сәйкес жүзеге асырылады

16. Мемлекеттік мекеменің филиалдары және өкілдіктері туралы мәліметтер.

66. Мемлекеттік мекеменің филиалдары және өкілдіктері жоқ

Қарағанды қаласы әкімдігінің

«Қарағанды қаласының білім бөлімі»

мемлекеттік мекемесінің

«№ 87 негізгі орта мектебі»

коммуналдық мемлекеттік

мекемесінің директоры ____________ А.Адишева

Келісілді

"Қарағанды қаласының білім бөлімі"

ММ басшысының міндетін атқарушы ___________Р.Кенешова