Мұғалімнің кіріспе сөзі:

 

 Құрметті ата-аналар,ұстаздар, оқушылар Ана тілінің ғажайып әрі шынайы әлеміне бүлдіршіндерді дәл жетелейтін, оқуға, білімге деген ұмтылысқа шақыратын ӘЛІППЕ-мен қоштасу ертеңгілігіне келіп отырсыздар. Әліппені аяқтау тойларыңыз құтты болсын!

Әліппені бітірді балаларым,

Әліппеден нәр алған даналарым!

Өзі оқып , жазатын халге жетті,

Құтты болсын білімі балалардың!

Ата-ана қуанып шаттанады.

Оқыды деп баласы мақтанады.

Алдарына бұлардың кім шығыпты.

Барлық маман мектептен аттанады.

 

1- жүргізуші: Ассалаумағалейкум, халайық!

 Армысыздар, қонақтар!Бүгін біз шексіз қуаныштымыз, себебі алғаш сауатымызды ашқан,жақын досымыз Әліппемен қоштасамыз.

2- жүргізүші:

Армысыздар, Ұстаздар, әз жандар,

Білім іздеп инемен құдық қазғандар.

Құшақ жая  қарсы аламыз сіздерді,

Би биленіп, ән де бүгін шырқалар.

1- жүргізуші:

Қош келіпсіз, ақ жаулықты аналар,

Жүздеріңнен мейірім мен нұр тамар.

Алдарыңда жауқазындай құлпырған,

Біз алаңсыз балғын шақты балалар.

 

2- жүргізуші:

Қош келіпсіз, өр тұлғалы әкелер

Қыран құстай болашағын мәпелер

Бүгін міне , әліппемен қоштасады

Азамат боп кешегі сәби еркелер.

 

1-жүргізуші:

Жақсы білім көрімдік,

Болсын сізге халайық.

Не үйреніп не білдік

Кәне ортаға салайық!

2-жүргізуші:

Шашу,шашу шашайық,

Ақ сандықты ашайық

Бұл мереке,бұл тойдың,

 

Хормен:  Бастаңғысын жасайық!

Шашу шашылады.

Мұғалім:

Балалар,мен сендерге бір сұрақ қояйын.Сендер соған жауап беріңдер.

                 Іші толған әріпке,

                 Болашаққа жарық не?

Хормен:Болашаққа жол ашар-

                Ол сүйікті ӘЛІППЕ!

                 Ол сүйікті ӘЛІППЕ!

Мұғалім:  Олай болса,бәрімізге ең қымбат Әліппені ортаға шақырайық.

Балалар:  ӘЛІППЕ!  ӘЛІППЕ!  ӘЛІППЕ!

Әліппе:Армысыңдар,жас достар!

               Армысыздар, ата-ана!

               Болашаққа жол бастар

               Әліппе келді ортаға.

               Менің атым-Әліппе,

               Мені анаңдай дәріпте

               Мені оқып ержеткен,

               Ағаң менен әпкең де.

-         Сәлеметсіздер ме,менің сүйікті достарым!Сендер мені оқып сауаттарыңды аштыңдар,жазуға,оқуға үйрендіңдер.Ал енді бүгін маған өз білімдеріңді көрсетіңдер.

Мәншүк:Әліппе деген -алтын жол.

                 Апарар сені алысқа

                 Жеңіл емес,ауыр жол,

                  Тырысып бақ намысқа.

Дәурен: Әліппем,менің Әліппем

               Сені қолға алып мен

                Есігін аштым мектептің

                 Ертеңгі сәуле жарықпен.

Алия:Білімге жолды бастаған

         Әліппем саған мың алғыс

          Оқы деп ұран тастаған

          Әліппем саған мың алғыс.

Ән      «Мектебім»

ӘЛІППЕ:

 

Алфавитті біліңдер,

Онда жүйе қалып бар.

Біздің қазақ тілінде

42 әріп бар.

Ал,енді мына көпшілікке әріптердің сырын ашыңдаршы. 

«А»  әрпінен есімім

Алия деген мен болам

Жақсы оқысам сабақты

Одан артық жоқ шара

 

 

«М» деген Мәншүк қой

М-ны білу керек қой.

М  дегенің мектеп қой,

Еркелікті шектеп қой.

 

Тимур деген мен едім,

Алсам білім тереңін.

«Т» әрпінен есімім,

Аламын оқу кемелін.  

1-жүргізуші:

Барлық әріп бағалы,

Айттың әділ бағаны.

Әріпсіз сөз болмайды,

Буын онсыз толмайды.

Адам барлық әріпті

Ардақтайды,қолдайды.

 

2-жүргізуші:

Іші толған әріпке-

Мынау әйбат Әліппе.

Барлық ілім-білімнің

Әжесі осы –ӘЛІППЕ.

 

1-жүргізуші:

Әнімізге ұласар,

Әннің аты Әліппе.

2-жүргізуші:

Бәріміз де тіл ашар,

Кітап аты Әліппе!

Ән   «Әліппе»

 

Балауса :

Келгенде алғаш мектепке,

Білмеуші едік әріп те.

Оқимыз қазір ертекті,

Үйреткен оны әліппе.

Дастан :

Енді біз жаза білеміз,

Әріпті қосып әріпке.

Риза боп саған жүреміз,

 

Сүйікті біздің әліппе!

Алдияр :

Әліппе –білім анасы,

Әліппе- кітап данасы.

Әліппе бетін ашпаған,

Адамның бар ма баласы.

 

 

 

Әліппе:

 Құрметтеріңе рахмет,балалар.Енді менен алған білімдеріңді «Ана тілінен» ұштайсыңдар.Міне,менің досым Ана тілінің өзі де келіп қалыпты,қарсы алыңдар.

Балалар:   Сәлеметсіз бе, Ана тілі!

Ана тілі:Сәлеметсіңдер ме,менің жас достарым.Мен сендермен танысқаныма қатты қуаныштымын.Енді сендер бұрынғыдан да көп оқисыңдар.Сонда ғана көп нәрсе үйренесіңдер.

Балалар:  Оқимыз,оқимыз,оқимыз.

Қарашаш :

 

Ана тілім менің,

Әлдилеген әнім.

Ана тілім –демім,

Ана тілім –жаным.

 

Мадина:

Анам алғаш осы тілде

Бесік жырын жырлаған.

ұзақ түндер анам айтқан,

Ертегілер тыңдағам.

 

Зебохан :

 

Ана тілің біліп қой,

Бостандығың,теңдігің.

Ана тілің біліп қой,

Мақтанышың елдігің.

Ән    «Анамның тілі»

Ана тілі:

Рахмет сендерге,балалар.Ал, балалар осы әліппеден сауаттарыңды ашқан кім?

 

1-жүргізуші:

Барша жұртқа сыйлаған,

Ілім білім мұратын.

 

2-жүргізуші:

Өмірдегі сыйлы адам

Бес әріптен тұратын.

 

Балалар:

Жаны шуақ,мейірімді,

Ұстазды кім білмейді!!!

Ән   «Мұғалім-ол біздің

 

1-жүргізуші:

Әліппе,Ана тілі біздің балалар сондай-ақ өтірік өлеңдер де біледі екен.

Мәншүк:

Мысықты жылаттым,

Тышқанды құлаттым.

Пілді әкеп тақтаға

Есептер шығарттым.

Нұрбек :

Тауықпенен ұшып,

Айға қонып келдім.

Қасқырларға ұрсып,

Тышқан сойып бердім.

Шыңғыс :

Көбелектер қыста,

Киіп алып тонды

Ілесіп ап құсқа,

Гүлден-гүлге қонды.

 

2-жүргізуші:

Балалардың математика пәнінен алған білімдерін тамашалайық.

 

Баян :

Бір дегенім-баспана,

Нанды жерге тастама.

Томерис :

Екі дегенім-ирек,

Қар жауады сирек.

Роза :

Үш дегенім-үтік,

Құрбымды көп күттік.

Алишер :

Төрт дегенім-ту,

Айлакер түлкі қу.

Қасымхан :

Бес дегенім-бау,

Балық аулайтын ау.

Дияс :

Алты дегенім-алақай,

Кел,билейік балақай!

Жансая :

Жеті дегенім-жұлдыз,

Аспандағы құндыз.

Алия:

Сегіз дегенім-серке,

Ән салайық,Ерке!

Тимур:

Тоғыз дегенім-толғам,

Досым,дұрыс ойлан!

Нұрдәулет :

Он дегенім –орақ,

Ай,деп қалма бірақ!

Жүргізуші:

  Балалар,бүгін біздің ортамызда ата-аналарымыз да қуанышымызға ортақтасып отыр.Құрметті ата-аналармен қызықты ойын өткізгім келіп отыр.Ортаға ата-аналар шықсын.Әр ата-анаға 3 әріптен беріледі.

 

  Бағанадан бері біздің балаларымыз әріптердің сырын ашуға тырысты.Ендігі кезек сіздердікі.Мен қойған сұрақтарға тек сіздерге берілген әріптерден басталатын сөздермен жауап беріңіздер.

-Балаңыздың аты кім?

-Балаңыздың жолдасы кім?

 

-Балаңыз қандай тамақты жақсы көреді?

-Балаңыз бос уақытында немен айналысады?

Әліппе:

Бәрі жақсы,балалар.Енді мен сендермен қоштасайын.Алдағы уақытта жақсы оқыңдар.

Мәншүк:

Таныстырған  42  әріппен

Қош бол менің қасиетті әліппем!

Сенің арқаң оқып,жаза білгенім

Сауатты адам санатына кіргенім

 

Балалар:

Қош бол, құтты әліппем,

Көп нәрсені үйреттің.

Таныстырып әріппен,

Тақылдатып сөйлеттің.

Әліппе:

  Ата-аналарыңды тыңдаңдар.Менің досым Ана тілін ренжітпеңдер,оқыңдар.

Кір шалмасын беттерің,

Таза болсын оқулық пен дәптерің.

Оқығандарың есте болсын,

Күнделіктерің  «5»-ке толсын!

Балалар,сендер аз уақыт ішінде көп нәрсені біліпсіңдер.Осының бәрін кім үйретті,айтыңдаршы?

-Мектеп! Әліппе!

1-жүргізуші:  Мұғалім!

Оқу

Әліппе:   Сау болыңдар, балалар!

Ана тілі:

Олай болса, осы адамдарға алғысымызды айтайық.

РАХМЕТ!!!

2-жүргізуші:

Сендер жақсы оқушы екенсіңдер.Мен сендермен дос боламын.Еліміздің қалаулы азаматы болыңдар.Сонымен,бүгінгі  «Қош бол,сүйікті ӘЛІППЕМ!» атты ертеңгілігімізді аяқтаймыз.

Мұғалім:

Бүгінгі кеш әр үйдің «Той басы» деп саналар,

Балалардың есімі әулеттерге таралар.

Ырым етіп сондықтан тойымыздың соңында

Ақ ниетпен баршаға тілек айтар қонақтар.