«ПАРАСАТ ПЕНӘДЕП» ЖАҺАНДАНУ ЗАМАНЫНЫҢ БАСТЫ ҚҰНДЫЛЫҚТАРЫ

        Ел ертеңін тәрбиелеу қашанда қоғамның басты назарын аударатыны өзекті мәселелрдің бірі. Биылғы оқу жылында да барлық білім ұйымдары осы мәселеге  назар аударып жатыр. Қазақстан Республикасының Білім және ғылым министрлігінің педагогтерге арналған «Әдістемелік-нұсқаулық хатында» жариаланған «Жаһандық құзыреттілік» вариативтік компонент бойынша бірнеше өзектілігі мен маңыздылығымен еркшеленген курстар ұсынылып отыр. Осыған орай Қарағанды қаласы, Шәкәрім атындағы гимназия ұжымы Қарағанд облысы білім беруді дамытудың оқу-әдістемелік орталығының ұйымдастыруымен «Парасаттылық пен әдеп» курсы бойынша өзінің интеллектуалдық, ресурстық потенциалын айқындап, «Зейін» әлеуметтік-педагогикалық жоба аясында тәрбиелік бағытта «Парасаттылық және әдеп» курсы бойынша басты құндылықтарын жас жеткіншек санасына сіңірту жолындағы практикалық тұрғыда тәжірибемен бөлісті.

Мазмұны бай, құрылымы нақты, мақсаты айқын оқыту семинар жұмысы 2 кезеңде (қазақ және орыс тілінде) жоғары деңгейде өтті. Облыс педагогтеріне ұсынылған семинар барысында Шәкәрім атындағы гимназия педагогтері  тыңнан түрен салып, жаңашылдыққа бейімділігін тағы дәлелдеп шықты. Себебі «Жаһандық құзіреттілік» компоненті бойынша, оның ішінде тәрбиелік мәндегі «парасаттылық», «әдеп» сынды құндылықтар арқылы кемел келешекке жетелеген тәрбие көздерін ұсынған алғашқы семинар деп есептейміз. Мәні мен мазмұны келіскен семинарды ойдағыдай өткізген білім орда басшысы А.Н. Ахметоваға, директордың ТЖ жөніндегі орынбасары Б.Қ.Омароваға, мұғалімдер Е.Н. Гарбарға, А.М. Тұрсыноваға, А. М. Сүлейменовке алғыс білдіреміз. Ел ертеңіін тәрбиелеуде биіктен көріне беріңіздер!