Қарағанды қаласы. №11негізгі орта мектебі.
Қазақ тілі мен әдебиеті мұғалімі:Абатова А.Ж.
Сабақтың тақырыбы: «Астана қаласына саяхат».
Сабақтық мақсаты:
Білімділік: Оқушыларға елордамыз - Астана жайлы әңгімелеу, тақырып төңірегінде сөйлеу дағдыларын қалыптастыру,қазақ тілінде өзара қатынас мүмкіншілігін кеңейту. Жалпы және жалқы есім туралы мәлімет бере отырып, практикалық жолмен меңгерту.
Дамытушылық: оқушылардың тіл мәдениетін дамыту; мәтінде кездесетін жаңа сөздерді меңгерте отырып, сөздік қорын байыту.
Тәрбиелік: оқушылардың патриоттық сезімін ояту, адамгершілікке, елді, жерді құрметтеуге тәрбиелеу.
Сабақтың әдісі: баяндау, әңгімелеу, сұрақ – жауап.
Сабақтың түрі:Жаңа сабақ
Көрнекілігі:Интерактивті тақта,слайдтар, карточкалар.
Сабақтың барысы:
l.Ұйымдастыру кезеңі. Кіріспе бөлім.Сәлемдесу.
Мұғалімнің кіріспе сөзі.Балалар,бүгінгі сабағымыз ерекше.Себебі,бізге қонақтар келіп отыр.Ендеше сабағымызды бастайық.
II.Үй тапсырмасын сұрау.
1. «Қарағанды»мәтінін әңгімелеу.
2.Диалогты жатқа айту.
3.Сұрақ-жауап.
Қазақстан қандай мемлекет?
Қазақстан тәуелсіз мемлекет
Қазақстан Республикасының Президенті кім?
Нұрсұлтан Әбішұлы Назарбаев.
Мемлекеттік рәміздері нелер?
Мемлекеттік Ту,Елтаңба,Әнұран.
Мемлекеттік тіл қай тіл?
Мемлекеттік тіл-қазақ тілі.
Қазақстанның астанасы қай қала?
Астана қаласы
III.Жаңа сабақ Негізгі бөлім..Сабақтың мақсаты және тақырыбымен таныстыру.Интерактивті тақтада «Астана-бас қала» туралы слайд көрсету.
1.Сөздік жұмысы.
- мұғалім жаңа сөздерді оқиды, мағынасын түсіндіреді;
-оқушылар қайталап дұрыс оқиды.
Тәуелсіз-независимый
Елбасы-Президент
Ескерткіш-памятник
Ұлт өкілдері-представители нации
Танымастай-неузнаваемо
Қонақ үй-гостиница
Болашақ-будущее
Мұражай-музей
Саябақ-парк
Тату-тәтті-дружно
2.Мәтінді түсініп оқу. «Астана-бас қала»
Тәуелсіз Қазақстанның бас қаласы-Астана.Ол Есіл өзенінің бойында, Сарыарқа жерінде орналасқан.Аз уақыттың ішінде қала танымастай өзгерді.Есіл өзенінің бойында Елбасы Резиденциясы,Парламент үйі,”Интерконтиненталь”қонақ үйі,Жастар сарайы,көп қабатты тұрғын үйлер бой көтерді.Парламент үйінің алдындаТөле би,Қазыбек би,Әйтеке бидің ескерткіштері қойылған.Қаланың ортасында 5 жұлдызды “Алатау”қонақ үйі салынды.Астана қаласында 100-ден астам ұлт өкілдері тату-тәтті тұрады.Астанада мұражайлар, саябақтар,мектептер,дүкендер,жоғарғы оқу орындары,дәріханалар,ауруханалар,театрлар, кітапханалар,спорт кешендері өте көп.
Астана- үлкен, әдемі жас, болашағы үлкен қала.
3.Грамматикалық тақырыпты мысалдар арқылы түсіндіру.
Жалқы және жалпы есімдер.
Зат есім мағынасына қарай жалқы және жалпы болып бөлінеді.
Жалқы есім дегеніміз-біртектес заттардың жеке атауы.Мысалы:Астана,Сарыарқа,Елбасы,Есіл т. б.
Жалпы есім дегеніміз-біртектес заттардың жалпы атауы.Мысалы:адам, өзен,үйлер,ұлт,өкіл,қала т.б.
4.Мәтін бойынша грамматикалық тапсырмалар.
1)Мәтіннен жалқы есімдерді табу.
2)Көптік жалғауы бар сөздерді табу.
3)Астана-сөзін тәуелдеу.
4)Жастар-сөзін септеу.
5)Есіл-сөзіне фонетикалық талдау жасау.
Сергіту сәті.
Орнымыздан тұрайық,
Қолымызды созайық,
Бір отырып,бір тұрып
Бір отырып,бір тұрып
Аққу болып ұшайық.
5. «Астана-бас қала» өлеңіне мәнерлеп оқу сайысын
ұйымдастыру.
6.Сөзжұмбақ шешу. Дұрыс жауабын шешсе , «Астана» деген сөз шығады.
IV.Сабақты бекіту.
«Астана»туралы кластерді толтыру.
V.Қорытынды,рефлексия.
Тәуелсіз Қазақстанның астанасы қай қала?
Есіл өзенінің бойында нелер бой көтерді?
Астана-қандай қала?
Жалқы және жалпы есімдер дегеніміз не?
VI.Оқушыларды бағалау.
VII.Үйге тапсырма:
1-т. “Астана-бас қалам” өлеңін жаттау.
2-т. “Астана”мәтінін оқу,әңгімелеу.
