«Тәуелсіздік – қазақстандықтар үшін ең басты құндылығы» Н.А.НАЗАРБАЕВ, Қазақстан Республикасы Президенті – Ұлт Көшбасшысы
14 желтоқсан күні мектепте 16 желтоқсан - Тәуелсіздік күніне арналған «Жас Ұлан» ұйымына қабылдау салтанатты жиыны өткізілді. «Жас Ұлан» ұйымына 15 оқушы қабылданды. Қабылданатын оқушылар «Жас Ұлан», «Жас Қыран» қатарына өтудің жауапкершіліктің мол екенін сезіне білді. Оның қатарына қабылданған оқушы мектептің қоғамдық жұмысына белсене араласып және сабақтарын үздікке оқып, өз елінің мақтанышы болатын азамат болуына міндеттейтінін сезінді.
Салтанатты жиын Қазақстан Республикасының әнұранымен ашылды. Онда сынып жетекшісі, мектеп әкімшілігі мен мектеп Ұланбасы қатысты. Ұйымға қабылданушы оқушылар «Өз Отаны – Қазақстанның патриоты болуға, «Жас Ұлан» ережесін бұлжытпай сақтап отырып, өзінің достарынан соны талап ете отырып, Отанды сүюге салтанатты түрде ант берді. Мектептің ұланбасы бастаған «Жас Ұлан» ұйымының мүшелері «Жас ұлан» әнінің ырғағында жас қабылданушыларға галстуктарын тағып, кеуделеріне төс белгілерін қадап берді.
«Тәуелсіздік – аңсаған арман, қол жеткен мұрат!» атты 16 желтоқсан Тәуелсіздік күніне арналған мерекелік іс-шара
АҚПАРАТЫ
14.12.2018ж күні мектеп-лицейде оқушылардың бойында патриоттық тәрбие мен өзін-өзі жетілдіруге деген құштарлық, Тәуелсіз Қазақстанның бүгіні мен ертеңіне деген сенімділіктерін ояту мақсатында «Тәуелсіздік – аңсаған арман, қол жеткен мұрат» атты мерекелік іс-шара ұйымдастырылды.
Мерекелік концерт тәуелсіздігімізді алу жолындағы қиын-қыстау кезең мен бүгінгі, ертеңгі жарқын болашақ кезеңдерінен үзінді көрсетуден басталды. Бастауыш сынып оқушыларынан құралған хор, 5-6 сынып оқушыларының патриоттық өлеңдері, жоғарғы сынып оқушыларының өзіндік туындылары концерт барысында тамашалаушыларды немқұрайлы қалдырмады. Мерекелік шара барысында мектеп-лицей директорының тәрбие-ісі жөніндегі орынбасары Мырзагулова А.Ш. құттықтау сөзін сөйледі. Азаттық үшін күрескен азаматтарымыз қаншама. Сондықтан да, «16 желтоқсан – Тәуелсіздік күні» қарсаңында ұйымдастырылған іс-шара, тәуелсіздігіміздің қадірін түсініп, ерекше бағалайық деген ізгі тілектермен аяқталды. Сондай-ақ, Тәуелсіздік күні қарсаңында мектеп-лицейде келесі жұмыстар атқарылды: «Тәуелсіздік - тұғырым» тақырыбында ақпараттық стенд жасалды. 1-11 сынып оқушылары арасында тәрбие сағаттары ұйымдастырылды. Сыныптар арасында «Үздік қабырға газеті» сайысы ұйымдастырылды. «16 желтоқсан – Тәуелсіздік күні» тақырыбында жасалған ең әдемі қабырға газетіне жоғарғы ұпай берілді.
Келді ақыры көптен күткен жаз алыстан,
Республика! Ерікті ел - Қазақстан.
Келді ақыры аңсатып армандатып,
Торды бұзған мен де бір мәз арыстан.
Мен Қазақпын, қаныммен, сүйегіммен,
Сән салтанат салтымды сүйемін мен,
Бақ орнатып басына моланың да.
Мұрагермін бүгінге иемін мен,
Мен Қазақпын белдімін - байтақ елмін,
Қайта тудым, өмірге қайта келдім.
Мен мыңда бір тірілдім мәңгі өлмеске,
Айта бергім, келеді айта бергім.
Қазақстанның Тәуелсіздік күні — Қазақстан Республикасының басты ұлттық мерекесі.
Қазақстан Республикасының тәуелсіздігін қабылдағаннан бастап осы жылдың он алтыншы желтоқсанында жиырма бірінші мерей тойы тойланады. Қазақстан тәуелсіздігі күнін өткізу үшін бұл күн кездейсоқ таңдалынған жоқ.
Қазақстан Жоғарғы кеңесiнiң 1991 жылдың 16 желтоқсанында республиканың мемлекеттiк егемендiгi және тәуелсiздiгі туралы заң шығарды.
БОСТАНДЫҚ
Тәуелсіздікті алғалы ел, халық және әрбір азамат өз болашағын өзі құру бостандығына ие болды.
«Қазақстан Тәуелсіздігінің Формуласы - бұл екі маңызды бірдей ұғымдардың қосындысы - бостандық және жауапкершілік»
Н.Назарбаев (салтанатты жиналыс, ҚР Тәуелсіздігіне 17 жылдығына арналған, 2008 ж..)
БІРЛІК
Қазақстан тәуелсіздік таңында өзінің даму негізіне барлық халықтардың бірлігін енгізді, олар тең құқықтық, достық және келісім балып табылады. «Ұлттық бірлік – біздің стратегиялық таңдауымыз»
Н.Назарбаев (Қазақстан халықтарының Ассамблеясының
XV сессиясы)
ТҰРАҚТЫЛЫҚ
Қазақстан барлық өз жетістіктеріне еліміздің саяси, экономикалық, әлеуметтік өмірінің тұрақтылық орнағанына міндетті. «Біздің басты құндылығымыз – Тәуелсіздік, Бейбітшілік және Тұрақтылық»
Н.Назарбаев (әскери шеру, ҚР Конституция күніне арналған, 30 тамыз 2009 жыл)
ӨРКЕНДЕУ
Қазақстан өз мақсаттарының дұрыс таңдауының арқасында уақыттың барлық сынауына шыдап, еліміздің, өз халқымыздың, әрбір қазақстандықтың өркендеу жолына шықты. «Өркендеген және күшті Қазақстан – бұл мемлекеттігіміздің мақсатымыз және мәндігіміз болып табылады»
Н.Назарбаев (әскери шеру, ҚР Конституция күніне арналған, 30 тамыз 2009 жыл)
